फिलिप्पियनमन 4:20 - सादरी नवाँ नियम

²⁰ हमर आबा परमेश्‍वर केर महिमा जुग-जुग होते रहोक। आमीन।

फिलिप्पियनमन 4:20 Cross References

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

मत्ती 6:9

से लगिन तोहरेमन इ लेखे प्रार्थना करबा: हे परमेश्‍वर हमरे केर आबा, तोंय जे स्वरग में अहिस। तोर नाँव पवितर मानल जाओक।

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

रोमानियनमन 16:27

एके गो बुद्धिमान परमेश्‍वर केर महिमा यीशु मसीह केर द्वारा जुग-जुग होते रहोक। आमीन।

इफिसियनमन 3:21

उकर महिमा कलीसिया में, आउर मसीह यीशु में पीढ़ी से पीढ़ी तक जुग-जुग होते रहोक। आमीन।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

फिलिप्पियनमन 4:23

हमर प्रभु यीशु मसीह केर किरपा तोहरेमन केर संगे रहोक।

1 तीमुथियुस 1:17

अब जुग-जुग केर राजा जे सोउब दिन लगिन जिंदा अहे, जेके केऊ नी देइख हैं, जे एके गो सच्चा परमेश्‍वर हेके, उकर आदर आउर महिमा जुग-जुग होते रहोक। आमीन।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 1:6

आउर हमरे के एगो राइज, आउर अपन आबा परमेश्‍वर केर लगिन पुरोहित हों बनाय देलक, उकरे हें महिमा आउर शक्ति जुग-जुग बनल रहोक। आमीन।

प्रकाशितवाक्य 11:13

फिन ओहे बेरा एक बड़का भूंईडोल आलक, आउर नगर केर दसवाँ हिस्सा गिर गेलक। उ भूंईडोल से सात हजार आदमीमन मोइर गेलैं, आउर जे बचलैं उमन डराय गेलैं आउर स्वरग केर परमेश्‍वर केर महिमा करलैं।

प्रकाशितवाक्य 14:7

आउर उ जोर से कहलक, “परमेश्‍वर से डरावा आउर उकर महिमा करा। काले कि उकर फैसला करेक केर बेरा आय पोंहइच हे, आउर उकर आराधना करा, जे स्वरग आउर धरती आउर समुदर आउर पानी केर सोता सिरजालक।”

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”

प्रकाशितवाक्य 7:12

उमन कहलैं, “आमीन! हमर परमेश्‍वर केर स्तुति, महिमा, गेयान, धन्यबाद, आदर, अधिकार आउर शक्ति जुग-जुग बनल रहोक। आमीन।”