फिलिप्पियनमन 4:15 - सादरी नवाँ नियम

¹⁵ हे फिलिप्पी शहर केर आदमीमन, तोहरेमन खुद हें जानाला कि शुभ समाचार परचार केर शुरु में जब मोंय मकिदुनिया परदेस से चाइल गेलों तब तोहरेमन के छोइड़ आउर कोनों कलीसिया लेवेक-देवेक केर बारे में मोर मदइत नी करलक।

फिलिप्पियनमन 4:15 Cross References

खास चेलामन केर काम 16:40

पौलुस आउर सीलास जेहेल घर से निकइल के लुदिया केर घर गेलैं। हूवाँ बिसवासी भाईमन से भेंट करलैं आउर उमन के हिम्मत देई के हूवाँ से चाइल गेलैं।

रोमानियनमन 15:26

काले कि मकिदुनिया आउर अखया परदेस केर आदमीमन अपन इच्छा से इ भला काम करेक केर फैसला करलैं कि जे परमेश्‍वर केर आदमीमन यरुशलेम शहर में अहैं आउर गरीब अहैं, उमन के थोरेक पैसा देवब।

फिलिप्पियनमन 1:12

हे भाईमन, मोंय चाहोना कि तोहरेमन इ जाइन लेवा कि मोर उपरे जे बीत हे, उकर से शुभ समाचार के हें फैलेक में मदइत मिल हे।

फिलिप्पियनमन 1:16

जेमन भला बिचार से परचार करैना, उमन मोर से प्रेम करेक केर चलते करैना, काले कि उमन जानैना कि मोंय शुभ समाचार केर रक्षा करेक केर चलते जेहेल में अहों।

फिलिप्पियनमन 1:5

काले कि तोहरेमन आदमीमन के यीशु मसीह केर बारे में शुभ समाचार बताएक में मोर मदइत काइर हा। इ काम के तोहरे जे दिन यीशु मसीह केर बारे में शुभ समाचार उपरे बिसवास करला सेहे दिन से कराथा, आउर एखन तक करते आवाथा।

फिलिप्पियनमन 1:7

तोहर लगिन मोर इ बिचार सही हेके काले कि मोंय तोहरेमन से ढेइर प्रेम करोना, काले कि जब मोंय जेहेल घर में अहों, चाहे शुभ समाचार केर रक्षा कराथों आउर इके साबित कराथों, तो तोहरे मोर इ किरपा में शामिल होई जावाला जेके परमेश्‍वर मोर उपरे काइर हे।

फिलिप्पियनमन 2:12

से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।