फिलिप्पियनमन 3:8 - सादरी नवाँ नियम

⁸ काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

फिलिप्पियनमन 3:8 Cross References

लूका 1:43

मोंय तोके हिंयाँ देइख के ढेइर खुश अहों, काले कि मोर प्रभु केर आयो मोर से मिलेक लगिन आय हे।

लूका 11:20

अगर मोंय परमेश्‍वर केर शक्ति से भूतमन के निकलावना, तो परमेश्‍वर केर राइज तोहर भीरे आय पोंहइच हे।

यूहन्ना 14:20

जब मोंय फिन से जिंदा होई के घूइर आमूँ तब तोहरेमन जाइन जबा कि मोंय अपन आबा परमेश्‍वर में अहों आउर तोहरेमन मोर में अहा, आउर मोंय तोहरेमन में अहों।

यूहन्ना 14:7

अगर तोहरेमन मोके जानता, तो मोर आबा परमेश्‍वर के हों जानता। आउर अब से तोहरेमन उके जानाला, आउर तोहरेमन उके देखबो काइर हा।”

यूहन्ना 16:3

उमन एइसन इ लगिन करबैं काले कि उमन ना तो आबा परमेश्‍वर के जाइन हैं आउर ना मोके जाइन हैं।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

यूहन्ना 17:8

काले कि जे बचन तोंय मोके देई हिस, ओहे बचन मोंय उमन के बतालों आउर उमन बचन केर उपरे बिसवास करलैं। आउर सचमुच जाइन गेलैं कि मोंय तोर बटे से आय हों आउर एहो बिसवास काइर लेई हैं कि तोंय हें मोके भेइज हिस।

यूहन्ना 20:13

स्वरग दूतमन उकर से कहलैं, “हे महिला, तोंय काले काँदाथिस?” मरियम उमन के जबाब देलक, “उमन मोर प्रभु केर लाश के उठाय के लेई गेलैं आउर मोंय नी जानोना कि उके कहाँ राइख हैं।”

यूहन्ना 20:28

इ सुइन के थोमा जबाब देलक, “हे मोर प्रभु, हे मोर परमेश्‍वर।”

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

रोमानियनमन 8:18

मोंय पक्का जानोना कि जे दुःख आउर तकलीफ एखन हमरे उठाथी, उ हमरे उपरे आवेक वाला महिमा केर सामने कोनोवें नखे।

रोमानियनमन 8:39

आउर ना उपरे आकाश केर शक्ति चाहे नीचे धरती केर शक्ति, सचमुच में परमेश्‍वर केर सिरजाल चीजमन में से कोनोवें चीजमन हमरे के परमेश्‍वर केर प्रेम से, जे हमरे के प्रभु यीशु मसीह बटले मिल हे, अलग करेक नी पारी।

1 कुरिनथियनमन 2:2

काले कि मोंय इ ठाइन लेई रहों कि तोहर माझे सिरिफ यीशु मसीह केर बारे में आउर क्रूस उपरे उकर माउत केर बारे में हें गोठियामूँ।

1 कुरिनथियनमन 9:10

खास काइर के हमर लगिन हें लिखल जाय हे, हाँ हमर लगिन हें लिखल जाय हे, काले कि खेत जोतेक वाला कोनों आसरा से हें जोतेला, आउर दाँवरी करेक वाला हों कुछ हिस्सा पावेक केर आसरा से दाँवरी करेला।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

इफिसियनमन 4:13

आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

फिलिप्पियनमन 3:10

ताकि मोंय मसीह के आउर बढ़ियाँ से जाइन लेमूँ, आउर उकर मोरलमन में से जी उठेक केर शक्ति के महसूस करमूँ, आउर मौत में उकर लेखे बाइन के उकर दुःखमन में भागीदार होई जामूँ।

फिलिप्पियनमन 3:12

मोंय इ दावा नी कराथों कि इ सोउब चीजमन के पहिलेहें पाय लेई हों, या सिद्ध होई चुइक हों मगर मोंय कोशिश करते आगे बढ़ते जाथों कि मोके उ मिल जाओक, जेकर लगिन यीशु मसीह मोके चुइन हे।

फिलिप्पियनमन 3:7

मगर जे-जे गोइठमन मोर फायदा केर रहे ओहेमन के मोंय मसीह केर चलते हानि समइझ लेई हों।

2 तीमुथियुस 4:6

मोंय तोके इ आगयामन के देवाथों काले कि परमेश्‍वर केर लगिन मोर जिंदगी आउर काम सिराएक वाला अहे, आउर मोंय जानोना कि मोंय जल्दी हें मोरेक वाला अहों।

इब्रानीमन 3:14

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

1 पतरस 2:7

जेमन यीशु मसीह उपरे बिसवास करैना, उमन लगिन इ पखना ढेइर किमती अहे। मगर जे आदमीमन बिसवास नी करैना, उमन केर बारे में पवितर किताब में लिखल अहे, “जे पखना के राज मिस्त्रीमन बेकार ठहराय रहैं, ओहे पखना घर केर नेव केर सोउब से मुध पखना बाइन गेलक।”

2 पतरस 1:2

मोंय प्रार्थना करोना कि जइसन-जइसन तोहरे परमेश्‍वर आउर हमर प्रभु यीशु मसीह केर गेयान में बढ़ाला, तइसनेहें परमेश्‍वर केर किरपा आउर शांति तोहर में भरपूरी से बढ़ते जाओक।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 1:8

काले कि अगर इ गोइठमन तोहर में बनल अहे आउर बढ़ते जाई, तो इ हमर प्रभु यीशु मसीह केर गेयान के पावेक से तोहरे के बेकार आउर हारेक नी देवी।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

1 यूहन्ना 1:3

जे कोनों हमरे देखली आउर सुइन ही उकर शुभ समाचार तोहरेमन के हों देवीला, ताकि तोहरेमन हों हमर संगे सहभागी होवा। आउर हमर इ सहभागिता आबा केर संगे, आउर उकर बेटा यीशु मसीह केर संगे अहे।

1 यूहन्ना 2:19

उ मसीह बिरोधीमन तो हमरेमन में से हें आय हैं, मगर उमन हमर अपन नी रहैं। अगर उमन हमरेमन केर होतैं तो हमरेमन केर संगे रहतैं। मगर उमन हमरेमन के छोइड़ के चाइल गेलैं, ताकि उमन इ देखाएक पारोक कि उमन हमर माझे केर ना लगैं।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।