फिलिप्पियनमन 3:7 - सादरी नवाँ नियम

⁷ मगर जे-जे गोइठमन मोर फायदा केर रहे ओहेमन के मोंय मसीह केर चलते हानि समइझ लेई हों।

फिलिप्पियनमन 3:7 Cross References

मत्ती 16:26

अगर एगो आदमी दुनिया केर सोउब कुछ पाय लेई, मगर परमेश्‍वर केर संगे जुग-जुग लगिन जिंदगी बिताएक केर मोका के गवाँय देवी तो उके का फायदा होवी? का उ परमेश्‍वर के रुपया देई के अपन जुग-जुग केर जिंदगी के किनेक पारी? निहीं।

मरकुस 10:50

उ आदमी अपन गमछा के फेइक के तुरते उछइल के ठड़ालक आउर यीशु ठिना आय गेलक।

लूका 14:26

“अगर केऊ मोर ठिना आवी आउर अपन आयो-आबा, भाई-बहिन, छउवा-पुता, अपन जनाना आउर अपन जीउ के मोर से बगरा प्रेम करेला, तो उ मोर चेला बनेक नी पारी।

लूका 14:33

एहे नियर तोहर में से जे केऊ अपन सोउब कुछ के नी छोड़ी, तो उ मोर चेला बनेक नी पारी।

लूका 16:8

मालिक उ अधरमी भंडारी केर बड़ाई करलक, काले कि उ होशियारी से काम काइर हे। एहे नियर इ दुनिया केर आदमीमन अपन जइसन आदमीमन केर संगे लेन-देन करेक में इंजोत केर आदमीमन से बगरा चतूर अहैं।

खास चेलामन केर काम 27:38

जब सोउबमन खाय के अघाय गेलैं, तो गोहोम के समुदर में फेइक के जहाज के हल्का करलैं।

इब्रानीमन 11:26

आउर मसीह केर चलते बेइज्जत होवेक के मिसर देस केर भण्डार से बाड़ धन समझलक, काले कि उ अपन इनाम पावेक केर आसरा देखत रहे।