फिलिप्पियनमन 3:5 - सादरी नवाँ नियम

⁵ जइसन परमेश्‍वर आगया देई रहे, मोर जनम केर आठवाँ दिन मोर खतना होलक, मोंय जनम से इसराइली हेकों, आउर बिन्यामीन केर गोतर केर हेकों। मोर आयो आबा इब्रानी रहैं, से लगिन मोंय हों इब्रानी हेकों। एगो फरीसी दल केर आदमी केर रूप में मोंय मूसा केर नियम के कड़ाई से माइन हों।

फिलिप्पियनमन 3:5 Cross References

लूका 1:59

आउर एइसन होलक कि आठवाँ दिन उमन बेटा केर खतना करेक आलैं आउर उकर नाँव उकर आबा केर नाँव में जकरयाह रखेक लगलैं।

लूका 2:21

यहूदी मनक नियम केर मोताबिक यीशु केर जनम केर आठवाँ दिन उकर खतना करेक केर समय आलक तो उकर नाँव यीशु रखल गेलक। इ नाँव के स्वरगदूत मरियम के गर्भवती होवेक से आगे हें बताय देई रहे।

लूका 5:38

से लगिन नवाँ अंगूर केर रस के नवाँ चमड़ा केर थैला में भरेक चाही।

खास चेलामन केर काम 22:3

“मोंय तो यहूदी आदमी हेकों, मोर जनम किलिकिया परदेस केर तरसुस नगर में होई रहे, मगर मोंय एहे शहर यरुशलेम में पोइस-बाइढ़ हों। मोर शिक्षा-दीक्षा मूसा केर नियम केर मोताबिक गमलीएल महोदय केर देख-रेख में होलक। आइज परमेश्‍वर केर लगिन जइसन तोहरे धुन लगाय हा, तइसनेहें मोंय हों लगाय रहों।

खास चेलामन केर काम 23:6

पौलुस इ जानत रहे कि धरम महासभा में आदमीमन दूई दल अहैं, सदूकी दल केर आदमीमन आउर फरीसी दल केर आदमीमन। से लगिन उ जोर से कहलक, “हे भाईमन, मोंय फरीसी आउर फरीसी आदमीमन केर संतान हेकों। मोर आसरा अहे कि परमेश्‍वर मोरल आदमीमन के फिन से जिंदा करी। मोर इ बिसवास केर चलते मोर उपरे फैसला होवाथे।”

खास चेलामन केर काम 6:1

उ दिनमन में जब चेलामन गिनती में बढ़ेक लगलैं, तब यूनानी भाषा गोठियाएक वाला यहूदी बिसवासीमन इब्रानी भाषा गोठियाएक वाला यहूदी बिसवासीमन केर बिरोध में इ शिकाइत करलैं कि रोज-दिन केर खाएक बाँटेक में उ मनक बिधवा जनानामन केर धेयान नी देवल जाथे।

रोमानियनमन 11:1

इ लगिन मोंय पुछोना, का परमेश्‍वर अपन परजा के छोइड़ देलक? निहीं! बिलकुल निहीं! मोंय हों तो इसराइली हेकों, अब्राहम केर बंश आउर बिन्यामीन केर गोतर में से हेकों।

2 कुरिनथियनमन 11:22

का उमन हें इब्रानी आदमी हेकैं? मोंय हों हेकों, का उमन हें इसराइली आदमी हेकैं? मोंय हों हेकों, का उमन हें अब्राहम केर बंश हेकैं? मोंय हों हेकों।