फिलिप्पियनमन 3:3 - सादरी नवाँ नियम

³ काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

फिलिप्पियनमन 3:3 Cross References

रोमानियनमन 1:9

परमेश्‍वर जेकर सेवा मोंय अपन पूरा दिल से उकर बेटा केर बारे में आदमीमन के शुभ समाचार सुनाय के करोना, ओहे मोर गवाह हेके कि मोंय तोहरेमन के कइसन अपन प्रार्थना में लगातार याइद करोना।

रोमानियनमन 15:17

यीशु मसीह से मोर रिश्ता अहे, इकरे चलते मोंय परमेश्‍वर केर सेवा करेक केर घमंड करेक पारोना।

रोमानियनमन 7:6

मगर हमरे मूसा केर नियम में जे लिखल अहे, उकर लगिन मोइर गेली, जे एक बेर हमरे के गुलाम बनाय के राइख रहे, अब हमरे उकर से एइसन छूइट गेली कि अब परमेश्‍वर केर सेवा हमरे उकर आत्मा केर आगया माइन के पुरना तरीका से निहीं, जेकर में लिखल नियम के पालन करेक पड़त रहे, बल्कि नवाँ तरीका से करेक पारिला।

रोमानियनमन 8:15

तोहरेमन के गुलामी केर आत्मा नी मिल हे कि फिन तोहरे परमेश्‍वर से डराबा, मगर पवितर आत्मा तोहरे के परमेश्‍वर केर संतान बनायला, जेकर से हमरे हे आबा कइह के हकाइला।

रोमानियनमन 8:39

आउर ना उपरे आकाश केर शक्ति चाहे नीचे धरती केर शक्ति, सचमुच में परमेश्‍वर केर सिरजाल चीजमन में से कोनोवें चीजमन हमरे के परमेश्‍वर केर प्रेम से, जे हमरे के प्रभु यीशु मसीह बटले मिल हे, अलग करेक नी पारी।

रोमानियनमन 9:6

मगर मोंय इ नी कहाथों कि परमेश्‍वर अपन करार के पूरा करेक नी पारलक, काले कि सोउब इसराइल केर बंशमन सच्चा इसराइली ना लगैं।

2 कुरिनथियनमन 11:18

जबकि ढेइर आदमीमन इ दुनिया केर मोताबिक घमंड करैना, तो मोंय हों घमंड करमूँ।

गलातियनमन 5:25

काले कि पवितर आत्मा हमरे के नवाँ जिंदगी देई हे, से लगिन आवा, हमरे अपन जिंदगी केर सोउब काममन के पवितर आत्मा केर अगुवाई केर मोताबिक करब।

गलातियनमन 6:16

जेमन इ नियम के मानैना, उमन उपरे आउर परमेश्‍वर केर इसराइल उपरे दया आउर शांति बनल रहोक।

इफिसियनमन 6:18

आउर जइसन पवितर आत्मा तोहरे के अगुवाई करेला, सोउब बेरा प्रार्थना आउर बिनती करते रहा, आउर सोउब पवितर आदमीमन लगिन लगातार बिनती करेक ले जागते रहा।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

फिलिप्पियनमन 3:12

मोंय इ दावा नी कराथों कि इ सोउब चीजमन के पहिलेहें पाय लेई हों, या सिद्ध होई चुइक हों मगर मोंय कोशिश करते आगे बढ़ते जाथों कि मोके उ मिल जाओक, जेकर लगिन यीशु मसीह मोके चुइन हे।

फिलिप्पियनमन 3:14

मोंय निशाना बटे कूदते जाथों, ताकि उ इनाम के पामूँ, जेके देवेक लगिन परमेश्‍वर मोके स्वरग बोलाय हे आउर जेकर लगिन मसीह यीशु अपन जान के देई हे।

कुलुसियनमन 2:11

जब तोहरे उकर में बिसवास करला तो तोहर खतना आदमीमन से निहीं मगर मसीह बटले करल जाय हे, जेकर से तोहर पापी स्वभाव के काइट के दूर करल जायला।

यहूदा 1:20

मगर हे दुलार बिसवासी भाई-बहिनमन, तोहरेमन बगरा पवितर बिसवास में बढ़ोतरी लगिन एक दोसर केर मदइत करते रहा, आउर पवितर आत्मा केर अगुवाई में प्रार्थना करते रहा।