फिलिप्पियनमन 3:2 - सादरी नवाँ नियम

² उ बुरा आदमीमन से सावधान रहा जेमन कुकूरमन नियर अहैं, आउर उ आदमीमन से हों सावधान रहा, जेमन कहैना कि तोहरेमन के बचेक लगिन खतना करवाएक जरुरी अहे।

फिलिप्पियनमन 3:2 Cross References

मत्ती 24:10

तब ढेइर आदमीमन जेमन मोर उपरे बिसवास करैना, बिसवास करेक छोइड़ देबैं आउर एक दोसर के धरुवाबैं आउर एक दोसर से बैर करबैं।

मत्ती 7:15

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना।

मत्ती 7:6

जेमन परमेश्‍वर केर संदेश के नी सुनेक चाहैना, उमन के ना सुनाबा। एइसन आदमीमन के परमेश्‍वर केर संदेश सुनाएक कुकूरमन केर आगे पवितर चीज के फेकेक जइसन चाहे सुवइरमन केर आगे मोती के फेकेक जइसन अहे, उमन सिरिफ उके गोड़ से रवाइंद देबैं आउर पलाइट के तोहर उपरे हमला करबैं।

रोमानियनमन 2:28

तोहरे यहूदी जाइत में जनम लेई के हों सच्चा यहूदी ना लगा आउर तोहरे केर काया में खतना करवाल हों सच्चा खतना ना लगे।

2 कुरिनथियनमन 11:13

काले कि एइसन आदमीमन यीशु केर चुनल खास चेला ना लगैं, उमन छल से काम करेक वालामन आउर मसीह केर चुनल खास चेलामन केर रूप धारेक वालामन हेकैं।

गलातियनमन 5:13

हे बिसवासी भाईमन, तोहरेमन के परमेश्‍वर बटले आजाद होवेक लगिन चुनल जाय हे। अब तोहरे के मूसा केर नियम के मानेक केर जरुरत नखे। मगर इ आजादी तोहरे केर अपन काया केर इच्छामन के पूरा करेक केर मोका ना बाइन जाओक, से लगिन प्रेम से एक दोसर केर सेवा करा।

गलातियनमन 5:15

मगर, अगर तोहरेमन जानवरमन नियर एक दोसर के चाबाला आउर चिराला, तो तोहरे के सावधान रहेक चाही कि कहीं तोहरे एक दोसर के नाश ना काइर देबा।

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

फिलिप्पियनमन 3:19

उ मनक अंत बिनाश हेके, काया केर जरुरत हें उ मनक ईश्‍वर हेके, उमन अपन लाज केर काममन उपरे घमंड करैना, आउर दुनिया केर चीजमन उपरे सोचते रहैना।

फिलिप्पियनमन 3:3

काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

2 पतरस 2:22

एइसन आदमीमन लगिन इ कहावत ठीक बइठेला कि कुकूर अपन उलटी के चाटेक लगिन फिन से घूइर के आवेला आउर धोवल सुवइर कादो में लोटेक लगिन फिन चाइल जायला।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 2:9

मोंय तोर दुःख आउर गरीबी के जानोना, मगर हकीकत में तोंय धनी अहिस। आउर जे आदमीमन खुद के यहूदी कहैना आउर ना लगैं, मगर शैतान केर सभा हेकैं, उमन केर निंदा के हों जानोना।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।

प्रकाशितवाक्य 3:9

देख, मोंय शैतान केर उ सभा केर आदमीमन के तोर वश में काइर देमूँ जे यहूदी बाइन बाइठ हैं, मगर ना लगैं, उमन झूठ कहैना, देख, मोंय एइसन करमूँ कि उमन आय के तोर पाँव में गिरबैं आउर इ जाइन लेबैं कि मोंय तोर से प्रेम करोना।