फिलिप्पियनमन 3:18 - सादरी नवाँ नियम

¹⁸ काले कि ढेइरमन एइसन चाइल चलैना, जेकर से उमन क्रूस उपरे मसीह केर मौत से घिरना करैना। उ मनक चरचा मोंय तोहर से घरी-घरी काइर हों, आउर एखन हों काइंद-काइंद के कहोना।

फिलिप्पियनमन 3:18 Cross References

लूका 19:41

जब यीशु यरुशलेम शहर केर भीरे आलक तो शहर के देइख के उकर लगिन काँदलक।

खास चेलामन केर काम 20:19

आउर का लेखे मोंय आँसू बहाय-बहाय के खुद के नरम बनाय के उ सोउब बिपत्तिमन में प्रभु केर सेवा करते रहलों, जे यहूदी अगुवामन केर जाल फंदा केर खातिर मोर उपरे आय रहे।

1 कुरिनथियनमन 1:18

काले कि जे आदमीमन दंड पावेक लगिन परमेश्‍वर से अलग होई जाय हैं, उमन सोचैना कि क्रूस उपरे यीशु मसीह केर माउत बेकार अहे, मगर हमरेमन लगिन जेमन उ संदेश उपरे बिसवास काइर ही, इ परमेश्‍वर केर शक्ति से आदमीमन के बचाएक लगिन परमेश्‍वर केर डहर हेके।

1 कुरिनथियनमन 6:9

तोहरेमन पक्का जानाला कि अन्यायी आदमीमन परमेश्‍वर केर राइज में जाएक नी पारबैं, धोखा ना खावा, ना बेश्या ठिना जाएक वाला आदमी, ना मूर्ति पूजा करेक वाला, ना दोसर केर जनाना संगे रिश्ता बनाएक वाला, ना लुच्चा, ना दोसर केर मरद संगे रिश्ता बनाएक वाला,

2 कुरिनथियनमन 11:13

काले कि एइसन आदमीमन यीशु केर चुनल खास चेला ना लगैं, उमन छल से काम करेक वालामन आउर मसीह केर चुनल खास चेलामन केर रूप धारेक वालामन हेकैं।

2 कुरिनथियनमन 11:29

जब केऊ कमजोर होवेला तो मोंय हों कमजोर होओना। जब केऊ हों पाप में फाँइस जायला, तो उकर उपरे मोंय खिसाय जावना।

2 कुरिनथियनमन 2:4

इ चिट्ठी के मोंय भारी दुःख तकलीफ आउर अपन मन केर कष्ट से, काइंद-काइंद के तोहरेमन के लीख रहों, इ लगिन निहीं कि तोहरेमन दुःखी होबा, मगर इ लगिन कि तोहरेमन मोर उ बड़का प्रेम के जाइन लेवा, जे तोहरे से अहे।

गलातियनमन 1:7

सिरिफ एके गो शिक्षा अहे, मगर गोइठ एइसन अहे कि थोरेक आदमीमन तोहरे केर मन के भटकाएक आउर मसीह केर शिक्षा के बिगड़ाएक खोजैना।

गलातियनमन 2:14

जब मोंय देखलों कि जे ब्यवहार उमन करत रहैं उ शुभ समाचार केर सच्चा शिक्षा केर बिरोध में रहे, तो मोंय आदमीमन केर सामने पतरस से कहलों, “तोंय एगो यहूदी होई के हों परजाइतमन केर रीति रिवाजमन के मानिसला आउर यहूदीमन केर रीति रिवाजमन के नी मानिसला, तो तोंय परजाइत आदमीमन के हमरे यहूदीमन केर रीति रिवाज के काले मनुवाएक चाहिसला?”

गलातियनमन 2:21

मोंय इ गोइठ के इनकार करेक नी पारमूँ कि परमेश्‍वर हमरे केर परती अपन किरपा केर चलते हमरे के बचालक, काले कि अगर मूसा केर नियम के मानेक से केऊ आदमी धरमी बनतक, तो मसीह के मोरेक नी पड़तक।

गलातियनमन 5:21

डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

गलातियनमन 6:12

जेमन यहूदीमन के खुश करेक चाहैना, उमन तोहरे केर खतना करुवाएक लगिन कहैना, उमन एइसन इ लगिन करैना, ताकि उमन के इ बताएक केर चलते कि सिरिफ मसीह केर क्रूस उपरे भरसा करेक चाही, सताल ना जाओक।

गलातियनमन 6:14

मगर मोंय क्रूस उपरे चढ़ाल हमर प्रभु यीशु मसीह के छोइड़ आउर कोनों गोइठ में घमंड करेक नी चाहोना। काले कि उकर माउत केर चलते, जे कोनों चीज इ दुनिया केर आदमीमन लगिन किमती अहे, मोर लगिन उकर कोनों कीमत नखे। आउर दुनिया केर आदमीमन केर बिचार से मोर हों कोनों कीमत नखे।

इफिसियनमन 4:17

इ लगिन मोंय उ अधिकार केर साथ जेके प्रभु मोके देई हे, तोहरे के इ बतावना कि अबिसवासीमन नियर ब्यवहार ना करा, जेमन बेकार गोइठमन केर चिंता करैना।

फिलिप्पियनमन 1:4

आउर अपन प्रार्थना में खुशी से तोहरे सोउब केर लगिन सोउब बेरा बिनती करोना।

1थिस्सलुनीकियनमन 4:6

एइसन काइर के तोहरे के अपन बिसवासी भाईमन केर बिरोध में पाप नी करेक चाही आउर ना हें कोनों गलत फायदा उठाएक चाही, काले कि इ सोउब गोइठमन केर बारे में प्रभु पलटा लेवेला, जइसन कि हमरे पहिलेहें तोहरेमन के सफा-सफा कइह के कठोर चेतावनी देई रही।

2 थिस्सलुनीकियनमन 3:11

हमरे सुनिला कि तोहर में से थोरेक आदमीमन आलसी अहैं, आउर कोनों काम नी करैना, मगर दोसरमन केर काम के बिगड़ायना।

2 पतरस 2:10

खास काइर के परमेश्‍वर उ झूठा पढ़ाएक वाला आदमीमन के दंड देवी, जे अपन बुरा काममन केर लालसा केर मोताबिक काम करैना आउर जे अपन उपरे परमेश्‍वर केर अधिकार के नी मानैना। उमन ढींठ आउर घमंडी अहैं, उमन महिमा से भरल स्वरगदूतमन केर बारे में बुरा कहेक से हों नी डरायना।

यहूदा 1:13

जइसन समुदर केर खतरनाक लहरामन गंदा झाग बनायना, तइसनेहें इमन लज्जा वाला काम करैना। उमन थोरेक तइरगनमन नियर अहैं जे एक सोझ डहर में नी चलैना, उमन सही डहर नी देखायना। प्रभु उमन लगिन एगो ठाँव रखाथे जे पूरा रीति से अंधार अहे, जहाँ उमन के सोउब दिन लगिन रहेक पड़ी।