फिलिप्पियनमन 3:17 - सादरी नवाँ नियम

¹⁷ हे भाईमन, तोहरेमन सोउब मिल के मोर जइसन चाइल चला, आउर उमन के हों धेयान से देखबा, जेमन मोर जइसन चाइल चलैना।

फिलिप्पियनमन 3:17 Cross References

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

1 कुरिनथियनमन 10:32

तोहरेमन ना यूनानी आदमीमन केर लगिन, ना यहूदीमन केर लगिन आउर ना परमेश्‍वर केर कलीसिया लगिन ठोकर केर कारण बना।

1 कुरिनथियनमन 11:1

जइसन मोंय मसीह केर नियर चाल चलोना, तइसनेहें तोहरेमन हों मोर नियर चाल चला।

1 कुरिनथियनमन 4:16

से लगिन मोंय तोहर से बिनती करोना कि मोर जइसन चाल चला।

फिलिप्पियनमन 4:9

तोहरेमन उ शिक्षामन केर पालन करते रहा, जेके मोर से सीख हा, आउर उ आगयामन के, जेके तोहरे मोर से सुइन हा आउर पाय हा, आउर उ उदाहरनमन के, जेके मोंय अपन गोइठ आउर काममन में तोहरे के देखाय हों, तब शांति केर परमेश्‍वर तोहरेमन केर संगे रही।

1थिस्सलुनीकियनमन 1:6

तोहरेमन उपरे भारी दुःख रहे फिन भी तोहरे उ संदेश केर स्वागत करला जे पवितर आत्मा बटले देवल जाय रहे। आउर तोहरे हमर आउर प्रभु केर नियर चाल चलेक लगला।

2 थिस्सलुनीकियनमन 3:14

अगर केऊ हमर इ चिट्ठी केर संदेश के नी मानी, तो पता लगावा कि उ केहर हेके, आउर उकर से जुदाय रहा, ताकि उके लाज लगोक।

2 थिस्सलुनीकियनमन 3:7

काले कि तोहरेमन खुद हें बढ़ियाँ से जानाला कि तोहरे के ओहे नियर जिंदगी जियेक चाही जे नियर हमरे जियिला, काले कि हमरे तोहरे केर संगे रइह के काम करेक में आलसी नी करली।

2 थिस्सलुनीकियनमन 3:9

हमरे कड़ा मेहनइत इ लगिन नी करली कि हमरे के तोहर से अपन खाएक माँगेक केर अधिकार नखे, मगर इ लगिन करली कि हमरे खुद के तोहर माझे एगो नमूना देखाब, ताकि तोहरेमन हमरे जइसन चाइल चलबा।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

इब्रानीमन 13:7

जेमन तोहर अगुवा रहैं, आउर जेमन तोहरेमन के परमेश्‍वर केर बचन सुनाय हैं, उमन के याइद करा आउर उ मनक चाइल-चलन के धेयान से देखा कि उमन कइसन जिंदगी जिलैं आउर मोरलैं। आउर उमन केर बिसवास देइख के तोहरे हों उमन नियर परमेश्‍वर उपरे बिसवास करा।

1 पतरस 5:3

आउर जे आदमीमन केर जिमेदारी परमेश्‍वर तोहरे के देई हे, उमन केर उपरे अधिकारीमन नियर अधिकार ना जताबा, मगर उमन लगिन एगो बेस उदाहरन बना।