फिलिप्पियनमन 3:12 - सादरी नवाँ नियम12 मोंय इ दावा नी कराथों कि इ सोउब चीजमन के पहिलेहें पाय लेई हों, या सिद्ध होई चुइक हों मगर मोंय कोशिश करते आगे बढ़ते जाथों कि मोके उ मिल जाओक, जेकर लगिन यीशु मसीह मोके चुइन हे। See the chapter |
फिलिप्पियनमन 3:12
44 Cross References
एखन तो हमरे के सोउब गोइठमन एइसन लगेला, जइसन कि हमरे एगो आयना में धुंधरा-धुंधरा देखिला सिरिफ आवेक वाला दिनमन में हमरे सचमुच में सोउब कुछ के समझेक पारब, काले कि हमरे परमेश्वर के आमने सामने देखब। एखन मोर गेयान अधूरा अहे, सिरिफ आवेक वाला दिनमन में, मोंय उके सचमुच में जानमूँ, जइसन परमेश्वर हों मोके जानेला।
हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।
परमेश्वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।
Advertisements