फिलिप्पियनमन 3:10 - सादरी नवाँ नियम

¹⁰ ताकि मोंय मसीह के आउर बढ़ियाँ से जाइन लेमूँ, आउर उकर मोरलमन में से जी उठेक केर शक्ति के महसूस करमूँ, आउर मौत में उकर लेखे बाइन के उकर दुःखमन में भागीदार होई जामूँ।

फिलिप्पियनमन 3:10 Cross References

मत्ती 20:23

यीशु उमन से कहलक, “ठीक अहे जे दुःख मोंय सहेक ले जाथों, उके तोहरेमन सहबा, मगर अपन भतखाइया बटे आउर लेंगा बटे केखो बइठाएक केर अधिकार मोके नखे, आबा जेमन के चुइन हे, ओहेमन लगिन उ ठाँव के तेयार काइर हे।”

यूहन्ना 10:18

केऊ मोर जीउ के मोर से लुटेक नी पारी, मोंय अपन मरजी से मोर जीउ के बलिदान करोना। मोके अपन जीउ के बलिदान करेक आउर उके फिन से पावेक केर अधिकार अहे। मोके अपन आबा परमेश्‍वर बटे से इ आगया मिल हे।”

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

रोमानियनमन 8:17

आउर अगर संतान हेकी, तो हकदार हों हेकी बल्कि परमेश्‍वर केर हकदार आउर मसीह केर संगी हकदार हेकी, जब एखन हमरे उकर संगे दुःख उठाथी तो उकर संगे महिमा हों पावब।

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

रोमानियनमन 8:36

जइसन लिखल अहे, “परमेश्‍वर केर खातिर हमरे के रोज दिन आदमीमन माइर मोराएक केर धमकी देवाएना, आउर हमरे से एइसन ब्यवहार करैना जइसन बलि करेक वाला भेड़ी के बलि करेक लगिन लेगैना”

2 कुरिनथियनमन 1:10

ओहे हमरे के माउत केर बड़का संकट से बचालक, आउर हमरे आसरा करिला कि उ आगे हों बचाते रही।

2 कुरिनथियनमन 1:5

काले कि जेतना बगरा हमरे मसीह केर दुःखमन में भागी होविला, ओतनेहें बगरा हमरे के दिलासा हों मिलेला।

2 कुरिनथियनमन 13:4

उ कमजोरी केर चलते क्रूस उपरे चढ़ाल तो गेलक, फिन भी परमेश्‍वर केर शक्ति से जिंदा अहे, हमरे हों कमजोर अही जइसन मसीह रहे, मगर तोहरे महसूस करबा कि हमरे परमेश्‍वर केर शक्ति से मसीह केर संगे जिंदा अही।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

गलातियनमन 6:17

केऊ मोके आउर दुःख ना देवोक, काले कि मोर काया में जे दाग अहे, उ इ साबित करेला कि मोंय यीशु केर सेवक हेकों।

इफिसियनमन 4:13

आउर कलीसिया तब तक मजबूत होते रही जब तक कि हमरे सोउब बिसवास में, आउर परमेश्‍वर केर बेटा केर बारे में हमर समझ एक बराबइर नी होई जाई। आउर हमरे पक्का बिसवासी बाइन के पूरा पुरी मसीह नियर नी बाइन जाब, जे कि सिद्ध अहे।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

कुलुसियनमन 1:24

अब मोंय उ दुःखमन केर चलते खुशी मनावना जे तोहर लगिन सहोना, मोंय लगातार अपन काया में पीड़ामन के सहोना जइसन मसीह अपन काया में जे कलीसिया हेके पीड़ा सहलक। मतलब मोंय हों अपन काया में दुःख साइह के कलीसिया केर लगिन पूरा काइर देवोना।

कुलुसियनमन 2:13

आउर परमेश्‍वर तोहरेमन के हों, जे अपन गुन्हामन आउर पापी स्वभाव केर चलते आत्मा में मोरल रहा, उकर संगे जियालक, आउर हमर सोउब पापमन के क्षमा करलक।

कुलुसियनमन 3:1

जइसन परमेश्‍वर मसीह के मोरल में से फिन जिंदा करलक, तइसनेहें तोहरे हों मसीह केर संगे जियाल गेला, तो उ चीजमन केर इच्छा करा जे स्वरग में परमेश्‍वर ठिना तोहर लगिन अहे, जहाँ मसीह परमेश्‍वर केर भतखाइया आरा सोउब से इज्जतदार ठाँव में बाइठ हे।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

2 पतरस 1:13

आउर मोंय इके अपन लगिन ठीक समझोना कि जब तक मोंय जिंदा अहों, तब-तक मोंय तोहरे के इ गोइठमन के याइद दिवाते रहमूँ।

1 यूहन्ना 2:3

अगर हमरे परमेश्‍वर केर आगयामन के मानब तो उकरे से हमरे के पता चली कि हमरेमन उके जानिला।

1 यूहन्ना 2:5

मगर जे केऊ परमेश्‍वर केर बचन केर मोताबिक चलेला, उकर में सचमुच परमेश्‍वर केर प्रेम सिद्ध होई हे। इकरे से हमरे जानिला कि हमरे उकर में बनल अही।

प्रकाशितवाक्य 1:18

मोंय मोइर जाय रहों, आउर अब देख, मोंय जुग-जुग लगिन जिंदा अहों, आउर मरणलोक आउर अधोलोक केर कुंजी मोर हें ठिना अहे।