फिलिप्पियनमन 2:9 - सादरी नवाँ नियम

⁹ इ लगिन परमेश्‍वर उके सोउब से ऊँचा पद देलक, आउर उके उ नाँव देलक जे सोउब नाँवमन से बाड़ हेके।

फिलिप्पियनमन 2:9 Cross References

मत्ती 11:27

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

लूका 10:22

मोर परमेश्‍वर आबा मोके सोउब कुछ केर अधिकार देई हे, बेटा के हेके, केऊ नी जानैना, सिरिफ परमेश्‍वर आबा जानेला, आउर परमेश्‍वर आबा के हेके, इखो केऊ नी जानैना, सिरिफ बेटा हें जानेला, आउर बेटा जे आदमी के चाहेला, उकर उपरे उके दिस्तार करेला।”

यूहन्ना 13:3

यीशु इ जानत रहे कि आबा परमेश्‍वर सोउब कुछ उकर हाँथ में देई दे हे आउर एहो जानत रहे कि उ परमेश्‍वर ठिना से आय हे आउर परमेश्‍वर ठिना जाथे।

यूहन्ना 17:11

मोंय अब दुनिया में नी रहमूँ, मोंय तोर ठिना आवाथों मगर मोर चेलामन दुनिया में रहबैं। हे पवितर आबा परमेश्‍वर, तोंय उ नाँव केर शक्ति से जेके तोंय मोके देई हिस, उमन केर रक्षा कर। जेकर से उमन हों हमर लेखे एक होबैं।

यूहन्ना 17:12

जब मोंय उमन केर संगे रहों, तो मोंय तोर उ नाँव केर शक्ति से जेके तोंय मोके देई हिस, उमन केर रक्षा करलों, मोंय उमन केर देख-रेख करलों। जेकर नाश होवेक पक्का रहे, उके छोइड़ के उमन में से केऊ नाश नी होलैं। जेकर से पवितर किताब में लिखल गोइठ पूरा होवोक।

यूहन्ना 17:5

आउर अब, हे आबा परमेश्‍वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।

खास चेलामन केर काम 5:31

परमेश्‍वर उखे प्रभु आउर छुटकारा देवाइया ठहराय के अपन भतखाइया आरा बइठाय के उके ऊँचा पद देलक, ताकि उ इसराइली आदमीमन के पाप काम के छोड़ेक केर शक्ति आउर पापमन के क्षमा देवोक।

इफिसियनमन 1:10

आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

कुलुसियनमन 1:18

ओहे कलीसिया केर अगुवाई ओइसनेहें करेला, जइसन एगो आदमी केर मूँड़ उकर काया के चलायला। ओहे शुरु हेके, आउर मोरलमन में से जी उठेक वालामन में हों पहिला हेके कि सोउब गोइठमन में ओहे मुध ठहरोक।

2 थिस्सलुनीकियनमन 1:12

हमरे परमेश्‍वर केर किरपा केर चलते इ प्रार्थना करिला कि आदमीमन तोहरे केर चलते हमर प्रभु यीशु मसीह केर नाँव केर महिमा करोक आउर तोहरे हों आदर पाबा काले कि तोहरेमन उकर में जुड़ल अहा।

इब्रानीमन 1:4

उकर पद स्वरग दूतमन से ऊँचा होलक, काले कि जे नाँव उके बपौती हकदार केर रूप में मिल हे, उ नाँव स्वरगदूतमन केर नाँव से कायनों गुणा बाड़ अहे।

इब्रानीमन 1:9

तोंय भला काम करेक से प्रेम आउर बुरा काम करेक से घिरना करिसला, मोंय तोर परमेश्‍वर तोके चुइन हों आउर जेमन तोर से जुड़ल अहैं, उ सोउबमन से तोके बगरा आदर आउर खुशी देई हों।”

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 2:9

मगर हमरे यीशु के जे स्वरगदूतमन से थोरहें कम करल जाय रहे, माउत केर दुःख उठाएक केर चलते महिमा आउर आदर केर मुकुट पिंधल देखिला, काले कि परमेश्‍वर केर किरपा से हरेक आदमीमन लगिन उ मोइर गेलक।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।

2 पतरस 1:17

हमरे उ पवितर पहार में उकर संगे रही जब उके आबा परमेश्‍वर से माइन आउर महिमा देवल जाय रहे। तो हमरे उ बेरा महिमा से भरल परमेश्‍वर आबा बटले इ आवाज सुनली, “इ मोर अपन दुलार बेटा हेके, जेकर से मोंय खुश अहों” हमरे खुद स्वरग से आवेक वाला इ आवाज के सुनली।

3 यूहन्ना 1:7

काले कि उमन अलग-अलग ठाँव में इ लगिन जाथैं, ताकि यीशु मसीह केर बारे में आदमीमन के बताएक पारोक, उमन अबिसवासीमन से कोनों मदइत नी लेवैना।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 19:16

उकर लुगा आउर जाँघ उपरे इ लिखल रहे: “राजामन केर राजा आउर प्रभुमन केर प्रभु।”

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”