फिलिप्पियनमन 2:6 - सादरी नवाँ नियम

⁶ मसीह परमेश्‍वर केर रूप में होई के हों परमेश्‍वर केर बराबइर होवेक के अपन अधिकार में करेक नी चाहलक।

फिलिप्पियनमन 2:6 Cross References

मत्ती 1:23

“देखा, एगो कुँवारी गर्भवती होवी आउर एगो बेटा के जनम देवी आउर उकर नाँव इम्मानुएल रखल जाई” जेकर मतलब इ हेके “परमेश्‍वर हमर संगे अहे।”

यूहन्ना 1:18

परमेश्‍वर के केऊ कहियो नी देइख हैं मगर एकलौता बेटा जे खुद परमेश्‍वर हेके, जे आबा केर कोरा में अहे, ओहे उके हमर उपरे दिस्तार काइर हे।

यूहन्ना 10:30

मोंय आउर आबा परमेश्‍वर एके हेकी।”

यूहन्ना 10:33

यहूदी धरम केर अगुवामन उके जबाब देलैं, “भला काम लगिन हमरे तोके पखना से नी माराथी, मगर तोंय आदमी होई के खुद के परमेश्‍वर बताय के परमेश्‍वर केर निंदा कराथिस, से लगिन हमरे तोके पखना से माइर मोराएक चाहाथी।”

यूहन्ना 10:38

मगर, अगर मोंय उ काममन के करोना, तो मोर उपरे बिसवास ना हों करा, मगर काममन केर उपरे बिसवास करा, तब तोहरेमन जानबा कि आबा परमेश्‍वर मोर में रहेला आउर मोंय आबा परमेश्‍वर में रहोना।”

यूहन्ना 14:28

तोहरेमन मोके इ कहते सुनला, ‘मोंय जाथों आउर फिन तोहर ठिना घूइर आमूँ।’ अगर तोहरेमन मोर से प्रेम करता तो इ गोइठ से खुश होता कि मोंय आबा परमेश्‍वर ठिना जाथों, काले कि आबा परमेश्‍वर मोर से महान अहे।

यूहन्ना 14:9

यीशु उकर से कहलक, “हे फिलिप्पुस, मोंय एतना दिन से तोहर संगे अहों, फिन भी तोंय मोके नी जानिसला? जे मोके देइख हे, उ आबा परमेश्‍वर के हों देइख हे। फिन तोंय काले कहिसला कि आबा परमेश्‍वर के हमरे के देखाय दे।

यूहन्ना 17:5

आउर अब, हे आबा परमेश्‍वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।

यूहन्ना 20:28

इ सुइन के थोमा जबाब देलक, “हे मोर प्रभु, हे मोर परमेश्‍वर।”

यूहन्ना 5:18

यीशु केर इ गोइठ से यहूदी धरम केर अगुवामन उके माइर मोराएक केर आउर हें कोशिश करेक लगलैं, काले कि उ ना सिरिफ यहूदी मनक आराम केर दिन केर नियम के तोराथे, मगर परमेश्‍वर के अपन आबा कइह के खुद के परमेश्‍वर केर बराबइर ठहराथे।

यूहन्ना 5:23

से लगिन जे लेखे आदमीमन आबा परमेश्‍वर के माइन देवैना, तइसनेहें मोके हों माइन देवोक। जे मोके माइन नी देवेला, उ आबा परमेश्‍वर के हों माइन नी देवेला, जे मोके भेइज हे।

रोमानियनमन 9:5

अब्राहम, इसहाक आउर याकूब उ मनक पुरखामन हेकैं, आउर मसीह खुद काया केर हिसाब से इसराइली रहे, सोउब केर उपरे राइज करेक वाला परमेश्‍वर केर महिमा जुग-जुग होते रहोक। आमीन।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 8:9

तोहरेमन हमर प्रभु यीशु मसीह केर किरपा के जानाला कि उ धनी होई के हों तोहरे लगिन गरीब बाइन गेलक, ताकि उकर गरीब बाइन जाएक से तोहरेमन धनी बाइन जबा।

1 तीमुथियुस 1:17

अब जुग-जुग केर राजा जे सोउब दिन लगिन जिंदा अहे, जेके केऊ नी देइख हैं, जे एके गो सच्चा परमेश्‍वर हेके, उकर आदर आउर महिमा जुग-जुग होते रहोक। आमीन।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 1:6

आउर इकर से पहिले कि परमेश्‍वर अपन पहिलौठा बेटा के दुनिया में भेजलक, उ कहेला, “परमेश्‍वर केर सोउब स्वरगदूतमन उकर आराधना करबैं।”

इब्रानीमन 1:8

मगर बेटा केर बारे में कहेला, “हे परमेश्‍वर, तोर राइज जुगजुग लगिन बनल रही, तोंय अपन राइज में न्याय से राइज करबे।

इब्रानीमन 13:8

यीशु मसीह काइल आउर आइज आउर जुग-जुग लगिन एक जइसन अहे, उ कहियो नी बदलेला।

प्रकाशितवाक्य 21:6

फिन उ मोर से कहलक, “इ गोइठमन पूरा होई जाय हे। मोंय अलफा आउर ओमिगा, शुरु आउर आखरी हेकों। मोंय पियासा के जीवन केर पानी केर सोता में से मुफत में पियामूँ।