फिलिप्पियनमन 2:29 - सादरी नवाँ नियम

²⁹ इ लगिन प्रभु में तोहरेमन उके ढेइर खुशी केर संगे स्वागत करबा, आउर उके आउर उकर जइसन आदमीमन केर आदर करते रहबा।

फिलिप्पियनमन 2:29 Cross References

लूका 9:5

अगर कोनों गाँव केर आदमीमन तोहर स्वागत नी करबैं, तो उ गाँव से निकलेक बेरा अपन तरवा केर धूर के झाइर रखबा, उमन के इ चेतावनी देवेक लगिन कि परमेश्‍वर बटले मिलेक वाला सजा लगिन अब उमन खुद जिम्मेदार होबैं।”

यूहन्ना 13:20

मोंय तोहरेमन से सच कहाथों कि जे मोर भेजल आदमीमन केर स्वागत करेला, उ मोर स्वागत करेला। आउर जे मोर स्वागत करेला, उ मोर भेजेक वाला परमेश्‍वर केर स्वागत करेला।”

खास चेलामन केर काम 2:46

आउर उमन रोज दिन एक मन होई के यहूदी मनक मंदिर केर अंगना में जमा होवत रहैं, आउर घर-घर प्रभु भोज में शामिल होवत रहैं आउर खुशी आउर सीधा मन से एके संगे भात खात रहैं।

खास चेलामन केर काम 28:10

से लगिन उमन सोउब रकम से हमर ढेइर माइन करलैं। जब हमरे हूवाँ से जाएक लगली, तो जे कुछ हमरे के जरुरी रहे, उ सोउब कुछ के उमन जहाज में राइख देलैं।

खास चेलामन केर काम 8:8

आउर उ शहर केर आदमीमन ढेइर खुश होलैं।

रोमानियनमन 10:15

आउर इकर से पहिले कि केऊ प्रभु केर बारे में केखो बताई, उके भेजल जाएक जरुरी अहे। एहे लगिन पवितर किताब में लिखल अहे, “उमन केर गोड़ कतइ सुंदर अहे जेमन शुभ समाचार सुनायना!”

रोमानियनमन 16:2

आउर प्रभु में उकर स्वागत करा, जइसन कि परमेश्‍वर केर आदमीमन के एक दोसर केर स्वागत करेक चाही। आउर कोनों गोइठ में उके तोहर मदइत चाही तो उकर मदइत करा, काले कि उ ढेइर आदमीमन केर मदइत काइर हे, आउर मोर हों मदइत काइर हे।

1 कुरिनथियनमन 16:10

अगर तीमुथियुस कुरिन्थुस शहर में आय जाई, तो उकर से आदर केर साथ ब्यवहार करबा, काले कि उ मोर नियर प्रभु केर काम करेला।

1 कुरिनथियनमन 16:18

आउर उमन मोर मन के चैन देई हैं, ठीक तइसनेहें जब उमन घूइर आबैं तो तोहरे केर मन के हों चैन देबैं, इ लगिन एइसनमन केर आदर करबा।

2 कुरिनथियनमन 10:18

काले कि जे अपन बड़ाई करेला उ निहीं, मगर जेकर बड़ाई प्रभु करेला, उ प्रभु केर देखेक में बेस अहे।

2 कुरिनथियनमन 7:2

तोहरे, हमरे के अपन हिरदय में बसाय लेवा, हमरे ना केकरो से अन्याय करली, ना केखो बिगड़ाली, आउर ना केखो ठकली।

फिलिप्पियनमन 2:28

इ लगिन मोंय उके भेजेक केर आउर हें कोशिश करलों कि तोहरेमन उकर से फिन भेंट काइर के खुश होई जबा, आउर मोर हों चिंता घइट जाओक।

कुलुसियनमन 4:10

अरिस्तर्खुस जे मोर संगे जेहेल में अहे, आउर बरनाबास केर रिश्तेदार मरकुस बटले तोहरेमन के जोहार। मरकुस केर बारे में तोहरे के आगे हें बताल जाय रहे कि अगर उ तोहर ठिना आवी, तो उकर बेस लेखे स्वागत करबा।

1थिस्सलुनीकियनमन 5:12

आउर हे भाईमन, हमरे तोहर से बिनती करिला कि जेमन तोहर में मेहनइत करैना, आउर प्रभु में तोहर अगुवा हेकैं, आउर तोहरेमन के शिक्षा देवैना, उमन केर इज्जत करा।

1 तीमुथियुस 5:17

जे कलीसिया केर अगुवामन अपन काम के ठीक से करैना, उमन के उचित आदर आउर भरपूर तनखा पावेक केर लायक समझेक चाही, खास काइर के उमन के जेमन परमेश्‍वर केर बचन के परचार करेक आउर सिखाएक में कठिन मेहनइत करैना।

इब्रानीमन 13:17

अपन आत्मिक अगुवामन केर गोइठमन के माना आउर उमन जे कहैना उके करा, काले कि उमन तोहरे के धेयान से देखैना ताकि तोहरे भटइक ना जबा, आउर उमन के अपन सेवा केर बारे में परमेश्‍वर ठिना हिसाब देवेक पड़ी, आउर इ काम के उमन उदास होई के निहीं, बल्कि खुशी से करोक, काले कि उदास होई के करेक वालामन के कोनों फायदा नी होवी।

3 यूहन्ना 1:10

से लगिन जब मोंय आमूँ तो कलीसिया केर आदमीमन से गोठियामूँ कि उ का-का काम कराथे। उ हमरेमन केर उपरे बुरा-बुरा काम करेक केर दोष लगायला। एतना हें निहीं उ खुद बिसवासी भाईमन केर हों स्वागत नी करेला, मगर जेमन उमन केर स्वागत करेक चाहैना, उमन के हों मना करेला आउर हिंयाँ तक कि उ उमन के कलीसिया से बाहरे निकलाय देवेला।