फिलिप्पियनमन 2:25 - सादरी नवाँ नियम

²⁵ मगर मोंय इपफ्रुदीतुस के तोहर ठिना भेजेक जरुरी समझलों जे मोर भाई, आउर संगे-संगे काम करेक वाला, आउर शुभ समाचार केर परचार काम में मोर संगे एगो पलटन नियर काम करेक वाला, आउर मोर जरुरत में मदइत करेक लगिन तोहरे बटले भेजल दूत हेके।

फिलिप्पियनमन 2:25 Cross References

यूहन्ना 13:16

मोंय तोहरेमन से सच-सच कहाथों, धांगर अपन मालिक से बाड़ नी होवेला आउर ना भेजल वाला अपन भेजेक वाला से बाड़ होवेला।

यूहन्ना 17:18

जे लेखे तोंय मोके दुनिया केर आदमीमन केर माझे भेइज हिस, ओहे लेखे मोंय हों उमन के दुनिया केर आदमीमन केर माझे भेइज हों।

रोमानियनमन 16:3

प्रिस्किल्ला बहिन आउर अक्विला भाई के, जेमन मसीह यीशु में मोर संगे काम करेक वाला हेकैं, जोहार।

रोमानियनमन 16:9

भाई उरबानुस के जोहार, जे मसीह में हमरे केर संगे काम करेक वाला हेके, आउर मोर दुलारा भाई इस्तखुस के हों जोहार।

1 कुरिनथियनमन 3:9

काले कि हमरे परमेश्‍वर केर संगे काम करेक वाला हेकी, आउर तोहरेमन एगो खेत नियर अहा जे परमेश्‍वर केर हेके।

2 कुरिनथियनमन 2:13

तो मोंय अपन बिसवासी भाई तीतुस के नी पाय के मन में ढेइर बेचैन होई गेलों, से लगिन मोंय उमन से बिदा होई के मकिदुनिया परदेस चाइल गेलों।

फिलिप्पियनमन 2:26

उके तोहरेमन से मिलेक लगिन ढेइर इच्छा कराथे, इ लगिन उ अकबकाले रहत रहे काले कि तोहरेमन उकर बेमारी केर हाल सुइन रहा।

फिलिप्पियनमन 4:18

मोर ठिना सोउब कुछ अहे, आउर भरपूर अहे, जे रुपया तोहरेमन इपफ्रुदीतुस केर हाँथ से भेइज रहा उके पाय के मोंय अघाय जाय हों। मोर लगिन तोहर भेंट एइसन सुगंध आउर ग्रहण करेक लाएक बलिदान नियर हेके, जेके पुरोहित, परमेश्‍वर लगिन चढ़ायला, आउर परमेश्‍वर उके ग्रहण करेला आउर खुश होवेला।

फिलिप्पियनमन 4:3

आउर हे मोर संगे सच्चाई से काम करेक वाला सुन्तुखे, मोंय तोर से हों बिनती करोना कि तोंय उ जनानामन केर मेल-मिलाप से रहेक लगिन मदइत कर। काले कि उमन मोर संगे शुभ समाचार के फैलाएक में क्लेमेंस आउर मोर संगे काम करेक वाला आउरोमन समेत मेहनइत काइर हैं जे मनक नाँव जिंदगी केर किताब में लिखल अहे।

कुलुसियनमन 1:7

ओहे शिक्षा तोहरेमन हमर संगे काम करेक वाला दुलार इपफ्रास से सीख हा, जे हमर लगिन मसीह केर बिसवास लाइक सेवक हेके।

कुलुसियनमन 4:11

यीशु जेके आदमीमन यूस्तुस नाँव से बोलायना, तोहरेमन के जोहार कहेला। यहूदी बिश्वासीमन में से सिरिफ एहे परमेश्‍वर केर राइज केर लगिन मोर संगे काम करेक वाला आउर मोर शांति केर कारण हेके।

1थिस्सलुनीकियनमन 3:2

आउर हमरे तीमुथियुस के जे मसीह केर शुभ समाचार में हमर भाई आउर परमेश्‍वर केर सेवक हेके तोहर ठिना भेजली, ताकि उ तोहरेमन के मसीह में पोक्ता बिसवास करेक लगिन सहायता करोक, आउर बिसवास में बनल रहेक लगिन तोहरे के समझाओक।

फिलेमोन 1:24

आउर मरकुस आउर अरिस्तर्खुस आउर देमास आउर लूका जेमन मोर संगे प्रभु केर काम करैना इमन बटले हों तोके जोहार।

इब्रानीमन 3:1

हे मोर संगी बिसवासी भाईमन जेमन परमेश्‍वर केर हेका, तोहरेमन स्वरग में उकर से मिलेक लगिन बोलाल जाय हा, यीशु मसीह उपरे धेयान देवा जे हमर लगिन परमेश्‍वर केर शुभ समाचार केर दूत आउर महापुरोहित हेके।