फिलिप्पियनमन 2:14 - सादरी नवाँ नियम

¹⁴ सोउब काम बेगर कुड़कुड़ाले आउर बेगर बक झक केर करा।

फिलिप्पियनमन 2:14 Cross References

मत्ती 20:11

जब उमन के मजूरी मिललक तो उमन मालिक केर उपरे कुड़कुड़ाय के कहेक लगलैं,

मरकुस 14:5

इ सेंट तो तीन सौ चाँदी केर सिक्का से बगरा दाम में बेचाय जातक आउर इकर पैसा के गरीब आदमीमन के देवल जातक।” आउर उमन उ जनाना के झिड़केक लगलैं।

मरकुस 9:14

जब यीशु आउर उकर तीनों चेलामन दोसर चेलामन ठिना आलैं, तो उमन देखलैं कि ढेइर आदमीमन उ मनक चाइरो बटे जमा होई जाय हैं आउर मूसा केर नियम के सिखाएक वालामन उमन केर संगे बहस कराथैं।

लूका 5:30

इ देइख के फरीसी दल केर आदमीमन आउर मूसा केर नियम के सिखाएक वालामन कुड़कुड़ायक लगलैं, आउर यीशु केर चेलामन से कहलैं, “तोहरेमन मालगुजारी लेवेक वाला आउर पापी आदमीमन केर संगे काले खाथा-पियाथा?”

खास चेलामन केर काम 15:2

इकर बारे में पौलुस आउर बरनाबास केर उमन से ढेइर झगरा आउर बक झक होलक, तो इ फैसला होलक कि पौलुस आउर बरनाबास अन्ताकिया शहर केर थोरेक आदमीमन केर संगे यरुशलेम शहर जाबैं आउर इ सवाल उपरे खास चेलामन आउर कलीसिया केर अगुवामन से सलहा करबैं।

खास चेलामन केर काम 15:39

इकर बारे में दुयो झन में एतना बहस होलक कि उमन एक-दूसरा से अलग होई गेलैं। आउर बरनाबास, मरकुस के लेई के पानी जहाज में साइप्रस टापू चाइल गेलक।

खास चेलामन केर काम 15:7

उमन में ढेइर बहस होवेक केर पाछे पतरस ठड़ाय के उमन से कहलक, “हे भाईमन, तोहरे जानाला कि परमेश्‍वर ढेइर दिन पहिलेहें तोहर में से मोके चुइन लेलक ताकि मोर मुँह से परजाइत आदमीमन शुभ समाचार केर बचन सुइन के बिसवास करोक।

खास चेलामन केर काम 6:1

उ दिनमन में जब चेलामन गिनती में बढ़ेक लगलैं, तब यूनानी भाषा गोठियाएक वाला यहूदी बिसवासीमन इब्रानी भाषा गोठियाएक वाला यहूदी बिसवासीमन केर बिरोध में इ शिकाइत करलैं कि रोज-दिन केर खाएक बाँटेक में उ मनक बिधवा जनानामन केर धेयान नी देवल जाथे।

रोमानियनमन 12:18

जहाँ तक होवेक पराई तोहरेमन सोउब आदमीमन संगे मेल-मिलाप से रहा।

रोमानियनमन 14:1

जे बिसवास में कमजोर अहे, उके अपन संगति में लेई लेवा, मगर खाएक पियेक केर चीज उपरे उकर से बक-झक ना करा कि उके का खाएक चाही आउर का नी खाएक चाही।

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

1 कुरिनथियनमन 10:10

आउर ना तोहरेमन कुड़कुड़ावा, जइसन उमन में से ढेइरमन कुड़कुड़ालैं, आउर स्वरग दूतमन केर द्वारा जेमन के परमेश्‍वर नाश करेक लगिन भेइज रहे, नाश करल गेलैं।

2 कुरिनथियनमन 12:20

काले कि मोके डार अहे, कहीं एइसन ना होवोक कि मोंय आय के जइसन चाहोना, तइसन तोहरेमन के नी पामूँ, आउर तोहरेमन हों मोके जइसन चाहाला तइसन नी पाबा, जेकर से तोहर माझे झगरा, हिसिंगा, डाह, खीस, स्वार्थ, चुगली, घमंड, आउर बखेड़ा ना होवोक।

गलातियनमन 5:15

मगर, अगर तोहरेमन जानवरमन नियर एक दोसर के चाबाला आउर चिराला, तो तोहरे के सावधान रहेक चाही कि कहीं तोहरे एक दोसर के नाश ना काइर देबा।

गलातियनमन 5:26

हमरे के घमंड नी करेक चाही, हमरे के एक दोसर से परेशान नी होवेक चाही आउर एक दोसर से हिसिंगा नी करेक चाही।

फिलिप्पियनमन 2:3

स्वार्थ आउर झूठा बड़ाई लगिन कोनों ना करा मगर नरम भाव से एक दोसर के अपन से बगरा बेस समझा।

1थिस्सलुनीकियनमन 5:13

आउर जे कोनों उमन तोहर लगिन करैना, उकर चलते उमन केर ढेइर आदर करा आउर उमन के ढेइर प्रेम करा आउर आपस में मेल जोल से रहा।

1थिस्सलुनीकियनमन 5:15

इ धेयान रहोक कि केकरो से बुराई केर बदला बुराई ना करा, मगर सोउब बेरा भलाई करेक ले तेयार रहा, आपस में आउर सोउब से हों भलाई केर हें कोशिश करा।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।

याकूब 1:20

काले कि जब केऊ आदमी खिसायला, तो उ धरमी बनेक केर जिंदगी बिताएक नी पारी जइसन परमेश्‍वर चाहेला।

याकूब 3:14

आउर अगर तोहरे अपन-अपन मन में ढेइर जलन रखेक वाला आउर मतलबी अहा तो इ घमंड ना करा कि गेयानी अहा। अगर एइसन कराला तो तोहरे सच के झूठ में बदइल देवाला।

याकूब 5:9

हे भाईमन, एक दोसर उपरे दोष ना लगावा ताकि तोहरेमन उपरे हों दोष ना लगाल जाओक। देखा फैसला करेक वाला हाकिम दुरा ठिना ठड़ाल अहे।

1 पतरस 3:11

उके पक्का हें उ करेक बंद काइर देवेक चाही जे बुरा अहे, इकर बदला उके ओहे करेक चाही जे ठीक अहे। दोसरमन केर संगे शांति से रहेक केर कोशिश करा।

1 पतरस 4:9

अपन घर में आदमीमन केर स्वागत करा आउर इके तोहरे बेगर कुड़कुड़ाले करा।

यहूदा 1:16

आदमीमन हमेशा परमेश्‍वर केर बिरोध बोलैना आउर दोसर आदमीमन में गलती खोजैना। उमन लगातार उ बुरा काममन के करैना जे उमन केर मन करेक चाहेला। उमन अपन बारे में घमंड करैना आउर अपन लाभ लगिन दोसर आदमीमन केर मुँह देखी बड़ाई करैना।