फिलिप्पियनमन 1:9 - सादरी नवाँ नियम

⁹ आउर मोंय इ प्रार्थना करोना कि एक दोसर लगिन तोहर प्रेम, गेयान आउर सोउब रकम केर भितरी समझ सहित बढ़ते हें जाओक।

फिलिप्पियनमन 1:9 Cross References

1 कुरिनथियनमन 14:20

हे बिसवासी भाईमन, तोहरेमन गोइठमन के समझेक में छउवा ना बना, बुराई केर गोइठ गोठियाएक में तो बालक छउवा नियर बना, मगर इ नियर केर गोइठमन के समझेक में सेयाना बना।

2 कुरिनथियनमन 8:7

से लगिन जइसन हर गोइठ में, मतलब बिसवास, बचन परचार करेक केर हैसियत, गेयान आउर सोउब रकम केर कोशिश, आउर उ प्रेम में जे हमरे से रखाला, बढ़ते जावाला, तइसनेहें गरीब बिसवासीमन लगिन दान देवेक केर काम में हों बढ़ते जावा।

इफिसियनमन 5:17

इ जानेक केर कोशिश करा कि प्रभु तोहर से का करुवाएक चाहेला आउर बुद्धिमान बना।

कुलुसियनमन 1:9

एहे लगिन हमरे हों जे दिन से इ सुइन ही, तोहर लगिन लगातार प्रार्थना आउर बिनती कराथी कि परमेश्‍वर केर आत्मा तोहरेमन के गेयान आउर समझ देवोक ताकि तोहरे उकर इच्छा के पूरा पुरी बुझेक पारबा।

कुलुसियनमन 3:10

आउर अब तोहरे नवाँ स्वभाव के अपनाय लेई हा, इकर सिरजाएक वाला परमेश्‍वर इके आउर बगरा अपन स्वभाव में बदलते जाथे, ताकि तोहरे उके बेस लेखे जानेक पारबा।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

फिलेमोन 1:6

मोंय इ प्रार्थना करोना कि बिसवासीमन केर संगे तोर इ संगति बढ़ते जाओक, ताकि तोंय उ सोउब बेस चीजमन के पूरा-पुरी समझेक पारबे, जेके परमेश्‍वर हमरे के देई हे आउर इकर चलते आदमीमन मसीह केर महिमा करबैं।

इब्रानीमन 5:14

ठोस आहार उमन लगिन अहे, जेमन बचन केर पालन काइर के बिसवास में मजबूत होई जाय हैं, आउर अनुभव से भला-बुरा के चिन्हेक पारैना।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।