फिलिप्पियनमन 1:8 - सादरी नवाँ नियम

⁸ इकर बारे में परमेश्‍वर मोर गवाह हेके कि मोंय मसीह यीशु केर जइसन प्रेम काइर के तोहरे सोउबमन के देखेक लगिन तरसाथों।

फिलिप्पियनमन 1:8 Cross References

लूका 1:78

इ हमर परमेश्‍वर केर बड़का दया से होवी, जइसन बेइर इंजोत देवेक लगिन चमकेला, तइसनेहें मसीह हों हमर लगिन स्वरग से आवी,

रोमानियनमन 1:9

परमेश्‍वर जेकर सेवा मोंय अपन पूरा दिल से उकर बेटा केर बारे में आदमीमन के शुभ समाचार सुनाय के करोना, ओहे मोर गवाह हेके कि मोंय तोहरेमन के कइसन अपन प्रार्थना में लगातार याइद करोना।

रोमानियनमन 9:1

जब, अगर कोनोवें चीजमन हमरे के परमेश्‍वर केर प्रेम से अलग करेक नी पारी, तो काले इसराइली आदमीमन परमेश्‍वर से अलग होई गेलैं? मोंय उमन केर लगिन ढेइर दुःखी अहों, आउर मोर हिरदय उमन केर लगिन सोउब बेरा पोड़ेला। आउर मोंय सचमुच में कहोना, मोंय खुद हें मोर अपन भाई बहिनमन केर मुक्ति लगिन दोषी गिनातों आउर मसीह से अलग होई जतो, मोंय एहे इच्छा कराथों। इ सोउब मोंय मसीह के अपन गवाह बनाय के सच्चाई से बताथों, आउर पवितर आत्मा आउर मोर दिल हों एहे गवाही देवाथे कि इ सोउब झूठा ना लगे।

2 कुरिनथियनमन 13:9

जब हमरे कमजोर अही आउर तोहरेमन बिसवास में मजबूत अहा, तो हमरे खुशी होविला, आउर एहो प्रार्थना करिला कि तोहरेमन बिसवास में सिद्ध होई जावा।

2 कुरिनथियनमन 6:12

तोहरेमन लगिन हमरे अपन प्रेम में कमी नी काइर ही, मगर तोहरेमन हमरेमन के प्रेम करेक में कमी काइर हा।

2 कुरिनथियनमन 7:15

आउर जब उके याइद आवेला कि तोहरे सोउबमन आगयाकारी अहा, आउर कइसन तोहरे डराते आउर थरथराते उकर से भेंट करला, तो तोहर खातिर उकर प्रेम आउर हें बाइढ़ जायला।

गलातियनमन 1:20

परमेश्‍वर जानेला कि जे गोइठमन मोंय तोहरेमन के लिखाथों, उ बिलकुल सच हेके।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 4:19

हे मोर दुलार छउवामन, जइसन जनानामन छउवा के जनम देवेक बेरा बथा के सहैना, तइसनेहें जब तक तोहरे मसीह नियर नी बाइन जबा, तब तक फिन एक बेर मोंय तोहरे लगिन मेहनइत काइर के बथा के सहाथों।

फिलिप्पियनमन 2:1

अगर मसीह में तोहरेमन उत्साहित अहा, आउर उकर प्रेम से आराम पाय हा। अगर तोहरेमन पवितर आत्मा केर संगे जुड़ल अहा, आउर अगर मसीह तोहरेमन लगिन दया आउर माया से भरल अहे।

फिलिप्पियनमन 2:26

उके तोहरेमन से मिलेक लगिन ढेइर इच्छा कराथे, इ लगिन उ अकबकाले रहत रहे काले कि तोहरेमन उकर बेमारी केर हाल सुइन रहा।

फिलिप्पियनमन 4:1

इ लगिन हे मोर बिसवासी भाईमन, मोंय तोहरे से ढेइर प्रेम करोना आउर तोहरे से भेंट करेक केर आसरा कराथों तोहरेमन मोर खुशी आउर मुकुट हेका। हे दुलारा भाईमन, प्रभु उपरे बिसवास में स्थिर रहा।

कुलुसियनमन 2:1

मोंय चाहोना कि तोहरेमन जाइन लेवा, कि मोंय तोहरे आउर उमन लगिन जेमन लौदीकिया शहर में अहैं, आउर उ सोउबमन केर लगिन जेमन से मोंय नी भेटाय हों कइसन मेहनइत करोना।

कुलुसियनमन 3:12

इ लगिन जबकि परमेश्‍वर तोहरे के अपन पवितर आदमी बनेक लगिन चुइन हे आउर तोहरे से प्रेम करेला, तो तोहरे करुणा करेक वाला, भलाई करेक वाला, दीन बनेक वाला, नरम बनेक आउर सहेक केर शक्ति धारण करा।

1थिस्सलुनीकियनमन 2:5

तोहरेमन जानाला कि हमरे कहियो हों तोहरे के खुश करेक लगिन तोहरे केर बारे में बेस गोइठमन के नी कइह ही, आउर परमेश्‍वर हों गवाही देवेला कि हमरे एइसन नी रही।

1थिस्सलुनीकियनमन 2:8

हमरे तोहरे के ढेइर प्रेम करिला से लगिन हमरे तोहरे के परमेश्‍वर केर शुभ समाचार भइर नी सुनाली मगर अपन प्राण हों तोहरेमन के देवेक लगिन तेयार रही, इ लगिन कि तोहरेमन हमर दुलारा होई जाय रहा।

2 तीमुथियुस 1:4

मोके याइद अहे कि तोंय कतइ काइंद रहिस जब हमरे एक दोसर से जुदा होली, मोंय तोर काँदेक के याइद काइर के राइत दिन तोर से भेंट करेक केर इच्छा रखोना कि खुशी से भाइर जामूँ।

फिलेमोन 1:12

उखे मोंय तोर ठिना वापस भेजाथों, जेके मोंय पूरा दिल से प्रेम करोना।

फिलेमोन 1:20

हे भाई इ फायदा मोके प्रभु में तोर बटे से मिलोक, मसीह में मोर जीव के हरा-भरा काइर दे।

1 यूहन्ना 3:17

मगर जेकर ठिना दुनिया केर धन-सम्पति होवी आउर उ अपन भाई के तंगहाली में देइख के उकर उपरे दया नी करी, तो उकर में परमेश्‍वर केर प्रेम कइसन बनल रहेक पारी?