फिलिप्पियनमन 1:6 - सादरी नवाँ नियम

⁶ आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

फिलिप्पियनमन 1:6 Cross References

यूहन्ना 6:29

यीशु उमन के जबाब देलक, “परमेश्‍वर केर काम इ हेके कि जेके उ भेइज हे, उकर उपरे तोहरेमन बिसवास करा।”

खास चेलामन केर काम 11:18

इ गोइठ सुइन के यहूदी बिसवासीमन चुप होई गेलैं आउर उमन इ कहते परमेश्‍वर केर बड़ाई करेक लगलैं, “परमेश्‍वर परजाइत आदमीमन के हों जुग-जुग केर जिंदगी लगिन अपन पाप काममन के छोड़ेक आउर यीशु मसीह केर उपरे बिसवास करेक केर मोका देई हे।”

खास चेलामन केर काम 16:14

उ जनानामन में से थुआतीरा नगर केर रहेक वाला एगो लुदिया नाँव केर जनाना रहे। उ किमती बैगनी लुगा केर बेपार करेक वाला आउर परमेश्‍वर केर भक्त रहे। उ हमर गोइठ सुनत रहे। प्रभु उकर मन के खोललक ताकि उ पौलुस केर गोइठमन के धेयान से सुनोक।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

2 कुरिनथियनमन 1:15

मोके पक्का भरसा रहे कि सोउब से पहिले तोहरे से भेंट करेक केर हमर योजना के तोहरे जानत रहा, मोंय तोहरे से दोबारा मिल के दुगुना आशीष देवेक चाहत रहों।

2 कुरिनथियनमन 2:3

मोंय इ चिट्ठी के तोहरेमन के इ लगिन लिखलो कि मोर आवेक से एइसन ना होवोक कि जेमन से मोके खुशी मिलेक चाही, उमन से मोंय उदास होमूँ, काले कि मोके तोहरे सोउबमन उपरे इ गोइठ केर भरसा अहे कि जे खुशी मोके अहे, ओहे खुशी तोहरे सोउबमन केर हों अहे।

2 कुरिनथियनमन 7:16

मोंय खुश अहों काले कि तोहर हर गोइठ में मोके पूरा भरसा अहे।

2 कुरिनथियनमन 9:4

एइसन ना होवोक कि अगर केऊ बिसवासी मकिदुनिया परदेस से मोर संगे आवी, आउर तोहरेमन के दान देवेक लगिन तेयार नी पावी, तो तोहरे के लाजिम होवेक पड़ी, मगर हमरे के तोहरे से बगरा लाजिम होवेक पड़ी।

गलातियनमन 5:10

मोंय परमेश्‍वर उपरे बिसवास करोना कि तोहरेमन दोसर आदमीमन केर गोइठमन के स्वीकार नी करबा। मगर जे तोहरे के भटकायला, उ चाहे केऊ काले नी होवी परमेश्‍वर बटले दंड पावी।

इफिसियनमन 4:12

उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक।

फिलिप्पियनमन 1:10

ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

फिलिप्पियनमन 1:29

इ सोउब दया मसीह केर चलते तोहर उपरे होलक कि तोहरे ना सिरिफ उकर उपरे बिसवास करा, मगर उकर लगिन दुःख हों उठावा।

फिलिप्पियनमन 2:12

से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।

फिलिप्पियनमन 2:13

काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

कुलुसियनमन 2:12

आउर जब तोहरे बपतिस्मा जल संस्कार लेला तो मसीह केर संगे गड़ाल गेला, आउर उकरे संगे परमेश्‍वर केर शक्ति उपरे बिसवास काइर के, जे मसीह के मोरलमन में से जियालक, जी हों उठला।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

2 थिस्सलुनीकियनमन 1:11

इ लगिन हमरे लगातार तोहरे ले प्रार्थना हों करिला, ताकि परमेश्‍वर तोहरेमन के उके करेक केर लाएक बनाओक, जेके करेक लगिन उ तोहरे के बोलाय हे, आउर उ अपन शक्ति से तोहर हर भला इच्छा के पूरा करोक आउर हर उ काम के सफल करोक, जे तोहरे केर बिसवास केर बदली में अहे।

2 थिस्सलुनीकियनमन 3:4

आउर हमरे के प्रभु में तोहर उपरे भरसा अहे कि तोहरे के जे कोनों करेक लगिन हमरे आगया देवीला, उमन के तोहरेमन मानाला, आउर मानते हों रहबा।

फिलेमोन 1:21

मोंय तोर आगयाकारी होवेक केर भरसा काइर के तोके लिखाथों आउर इ जानोना कि जे कोनों मोंय कइह हों, तोंय उकर से कहीं बाइढ़ के करबे।

इब्रानीमन 10:35

से लगिन बिसवास करेक ना छोड़ा ताकि तोहरे परमेश्‍वर से बड़का इनाम के पाबा।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।