फिलिप्पियनमन 1:5 - सादरी नवाँ नियम

⁵ काले कि तोहरेमन आदमीमन के यीशु मसीह केर बारे में शुभ समाचार बताएक में मोर मदइत काइर हा। इ काम के तोहरे जे दिन यीशु मसीह केर बारे में शुभ समाचार उपरे बिसवास करला सेहे दिन से कराथा, आउर एखन तक करते आवाथा।

फिलिप्पियनमन 1:5 Cross References

खास चेलामन केर काम 2:42

उमन खास चेलामन से शिक्षा पावेक, आउर संगति रखेक आउर प्रभु भोज में मेसा होवेक में लगल रहैं आउर उमन एके संगे खात रहैं आउर प्रार्थना करेक में लीन रहैं।

रोमानियनमन 11:17

इसराइली आदमीमन बेस जैतून गाँछ केर डाइरमन नियर आउर अब्राहम केर बंश हेकैं, इसहाक आउर याकूब गाँछ केर जाइरमन नियर हेकैं। जे नियर जंगली जैतून गाँछ केर डाइर के बेस जैतून गाँछ केर डाइर में कलम काइर के साटल जाएक से बेस जैतून केर डाइर बनेक केर फायदा मिलेला, ओहे नियर परजाइत आदमीमन के हों इसराइलीमन के मिलेक वाला फायदा मिलेला।

रोमानियनमन 12:13

पवितर आदमीमन के जे कोनों जरुरत होवी, उकर में उमन केर मदइत करा, परदेसीमन केर सेवा करेक लगिन अपन घर केर दुरा के खोइल देवा।

रोमानियनमन 15:26

काले कि मकिदुनिया आउर अखया परदेस केर आदमीमन अपन इच्छा से इ भला काम करेक केर फैसला करलैं कि जे परमेश्‍वर केर आदमीमन यरुशलेम शहर में अहैं आउर गरीब अहैं, उमन के थोरेक पैसा देवब।

1 कुरिनथियनमन 1:9

परमेश्‍वर सच्चा अहे, जे तोहरेमन के अपन बेटा हमर प्रभु यीशु मसीह केर संगति में बोलाय हे।

2 कुरिनथियनमन 8:1

अब हे बिसवासी भाईमन, हमरे तोहरेमन के परमेश्‍वर केर उ किरपा केर शुभ समाचार देवीला, जे मकिदुनिया परदेस केर कलीसियामन उपरे होई हे।

इफिसियनमन 3:6

मतलब परमेश्‍वर केर योजना इ हेके कि यीशु मसीह में जुड़ल जाएक केर चलते परजाइत आदमीमन हों ओहे आशीष के पाबैं, जेके यहूदीमन लगिन देवल जाय हे। अब उमन एके काया मतलब कलीसिया केर अंग होई गेलैं। आउर परमेश्‍वर केर करार जेके यहूदीमन लगिन देवल जाय रहे, उकरो हकदार होई गेलैं।

फिलिप्पियनमन 1:12

हे भाईमन, मोंय चाहोना कि तोहरेमन इ जाइन लेवा कि मोर उपरे जे बीत हे, उकर से शुभ समाचार के हें फैलेक में मदइत मिल हे।

फिलिप्पियनमन 1:16

जेमन भला बिचार से परचार करैना, उमन मोर से प्रेम करेक केर चलते करैना, काले कि उमन जानैना कि मोंय शुभ समाचार केर रक्षा करेक केर चलते जेहेल में अहों।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 1:7

तोहर लगिन मोर इ बिचार सही हेके काले कि मोंय तोहरेमन से ढेइर प्रेम करोना, काले कि जब मोंय जेहेल घर में अहों, चाहे शुभ समाचार केर रक्षा कराथों आउर इके साबित कराथों, तो तोहरे मोर इ किरपा में शामिल होई जावाला जेके परमेश्‍वर मोर उपरे काइर हे।

फिलिप्पियनमन 2:12

से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।

फिलिप्पियनमन 2:22

मगर तोहरे तीमुथियुस के तो जानाला कि उकर चरितर अच्छा अहे, जइसन बेटा आबा केर संगे करेला, तइसनेहें उ शुभ समाचार के फैलाएक में मोर संगे मेहनइत काइर हे।

फिलिप्पियनमन 4:3

आउर हे मोर संगे सच्चाई से काम करेक वाला सुन्तुखे, मोंय तोर से हों बिनती करोना कि तोंय उ जनानामन केर मेल-मिलाप से रहेक लगिन मदइत कर। काले कि उमन मोर संगे शुभ समाचार के फैलाएक में क्लेमेंस आउर मोर संगे काम करेक वाला आउरोमन समेत मेहनइत काइर हैं जे मनक नाँव जिंदगी केर किताब में लिखल अहे।

फिलेमोन 1:17

अगर तोंय मोके अपन सहभागी समझिसला तो जब उनेसिमुस तोर ठिना घूइर आवी तो उके ओहे लेखे अपनाबे जइसन तोंय मोके अपनाबे।

इब्रानीमन 3:14

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

1 यूहन्ना 1:3

जे कोनों हमरे देखली आउर सुइन ही उकर शुभ समाचार तोहरेमन के हों देवीला, ताकि तोहरेमन हों हमर संगे सहभागी होवा। आउर हमर इ सहभागिता आबा केर संगे, आउर उकर बेटा यीशु मसीह केर संगे अहे।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।