फिलिप्पियनमन 1:4 - सादरी नवाँ नियम

⁴ आउर अपन प्रार्थना में खुशी से तोहरे सोउब केर लगिन सोउब बेरा बिनती करोना।

फिलिप्पियनमन 1:4 Cross References

मरकुस 5:5

उ लगातार दिन राइत मसना आउर पहारमन में चिल्लाते रहत रहे आउर खुद के हें पखना से घाव करत रहे।

लूका 15:10

मोंय तोहरेमन से कहाथों कि एहे नियर पसताय के पाप करेक छोड़ेक वाला एगो पापी आदमी लगिन हों स्वरग में परमेश्‍वर केर दूतमन केर सामने खुशी मनाल जायला।”

लूका 15:7

मोंय तोहरेमन से कहाथों कि एहे नियर केऊ एगो पापी आदमी केर पाप करेक छोड़ेक से उकर लगिन स्वरग में एतइ खुशी मनाल जायला जेतना उ निनानबे धरमी आदमीमन लगिन नी मनाल जायला, जेमन के पाप करेक से छोड़ेक केर जरुरत नखे।

रोमानियनमन 1:9

परमेश्‍वर जेकर सेवा मोंय अपन पूरा दिल से उकर बेटा केर बारे में आदमीमन के शुभ समाचार सुनाय के करोना, ओहे मोर गवाह हेके कि मोंय तोहरेमन के कइसन अपन प्रार्थना में लगातार याइद करोना।

फिलिप्पियनमन 2:2

तो मोर इ खुशी के पूरा करा कि एक हें मन होई के रहा आउर एक हें जइसन प्रेम करा, एक हें बिचार आउर मनसा रखा।

फिलिप्पियनमन 3:18

काले कि ढेइरमन एइसन चाइल चलैना, जेकर से उमन क्रूस उपरे मसीह केर मौत से घिरना करैना। उ मनक चरचा मोंय तोहर से घरी-घरी काइर हों, आउर एखन हों काइंद-काइंद के कहोना।

फिलिप्पियनमन 4:1

इ लगिन हे मोर बिसवासी भाईमन, मोंय तोहरे से ढेइर प्रेम करोना आउर तोहरे से भेंट करेक केर आसरा कराथों तोहरेमन मोर खुशी आउर मुकुट हेका। हे दुलारा भाईमन, प्रभु उपरे बिसवास में स्थिर रहा।

कुलुसियनमन 2:5

काले कि अगर मोंय तोहरेमन से दूर अहों, फिन भी मोंय एइसन अहों जइसन तोहर संगे हें अहों, आउर नियम मोताबिक तोहर चाइल-चलन, आउर मसीह उपरे पोक्ता बिसवास के देइख के खुश अहों।

1थिस्सलुनीकियनमन 1:2

हमरेमन अपन प्रार्थनामन में तोहरेमन के याइद करिला आउर सोउब बेरा तोहरे केर बारे में परमेश्‍वर के धन्यबाद देवीला।

फिलेमोन 1:7

काले कि हे भाई, दोसरमन लगिन तोर इ प्रेम के देइख के मोके ढेइर खुशी आउर शांति मिललक। इ लगिन कि तोर चलते पवितर आदमीमन केर मन हरा-भरा होई जाय हे।

2 यूहन्ना 1:4

मोंय इ सुइन के ढेइर खुशी होलों कि तोर थोरेक छउवामन सच्चाई केर डहर में चलाथैं, जइसन कि हमरेमन के आबा परमेश्‍वर बटले आगया मिल हे।