फिलिप्पियनमन 1:27 - सादरी नवाँ नियम

²⁷ तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 1:27 Cross References

मत्ती 12:25

यीशु उ मनक मन केर गोइठ के जाइन के उमन से कहलक, “अगर एक राइज केर आदमीमन एक दोसर से लड़ते रहबैं, तो उ राइज उजइर जाई, एहे लेखे जे नगर या घर केर आदमीमन एक दोसर से लड़ते रहबैं, तो उ नगर या घर सोउब दिन लगिन बनल नी रही।

खास चेलामन केर काम 2:46

आउर उमन रोज दिन एक मन होई के यहूदी मनक मंदिर केर अंगना में जमा होवत रहैं, आउर घर-घर प्रभु भोज में शामिल होवत रहैं आउर खुशी आउर सीधा मन से एके संगे भात खात रहैं।

खास चेलामन केर काम 24:24

थोरेक दिन केर पाछे राजपाल फेलिक्स अपन जनाना द्रुसिल्ला केर संगे कैसरिया नगर आलक, उ यहूदिनी रहे। फेलिक्स पौलुस के बुलवाय के यीशु मसीह केर उपरे बिसवास करेक केर बारे में उकर से गोइठ सुनलक।

खास चेलामन केर काम 4:32

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 1:5

उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

रोमानियनमन 1:9

परमेश्‍वर जेकर सेवा मोंय अपन पूरा दिल से उकर बेटा केर बारे में आदमीमन के शुभ समाचार सुनाय के करोना, ओहे मोर गवाह हेके कि मोंय तोहरेमन के कइसन अपन प्रार्थना में लगातार याइद करोना।

रोमानियनमन 10:8

मगर मूसा जे इ कहेला, उ एइसन अहे, “तोंय इ संदेश के अपन मुँह से कइह के मानेक आउर अपन मन में ग्रहण करेक पारिसला।” इ संदेश कहेला तोके परमेश्‍वर उपरे भरसा करेक चाही।

रोमानियनमन 15:29

आउर मोंय जानोना कि जब मोंय तोहर ठिना आमूँ, तो मोर आवेक केर चलते मसीह तोहरे के भरपूर आशीष देवी।

1 कुरिनथियनमन 1:10

हे बिसवासी भाईमन, मोंय हमर प्रभु यीशु मसीह केर अधिकार से तोहरेमन से हाँथ जोइर के अरजी करोना कि तोहरे सोउब एक दोसर केर गोइठ के माना, आउर तोहर माझे फूट ना होवोक मगर एक हें मन आउर एक हें बिचार काइर के मिल के रहा।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 9:13

काले कि दोसरमन के मदइत करेक लगिन खुला दिल से देवल दान, इ सबूत देवेला कि तोहरे अपन करार के पूरा काइर हा, आउर ढेइर आदमीमन परमेश्‍वर केर महिमा करैना, काले कि तोहरेमन मसीह केर शुभ समाचार सच्चा हेके, इके माइन लेई हा, आउर इकर पालन कराथा आउर सोउब बिसवासीमन केर मदइत करेक लगिन दान देवाला, खास काइर के गरीबमन के।

गलातियनमन 1:7

सिरिफ एके गो शिक्षा अहे, मगर गोइठ एइसन अहे कि थोरेक आदमीमन तोहरे केर मन के भटकाएक आउर मसीह केर शिक्षा के बिगड़ाएक खोजैना।

इफिसियनमन 1:13

आउर जब तोहरे हों छुटकारा केर शुभ समाचार के सुनला आउर यीशु मसीह उपरे बिसवास करला, तो परमेश्‍वर तोहरे के पवितर आत्मा के देलक। जेके उ अपन आदमीमन के देवेक केर करार काइर रहे। पवितर आत्मा तोहरे उपरे एगो छाप नियर अहे जे इ बतायला कि तोहरे परमेश्‍वर केर हेका।

इफिसियनमन 1:15

इ सोउब केर चलते जे परमेश्‍वर काइर हे, जब से मोंय प्रभु यीशु उपरे तोहर बिसवास के आउर पवितर आदमीमन केर लगिन तोहर प्रेम के सुइन हों।

इफिसियनमन 4:1

मोंय प्रभु यीशु केर सेवा करोना से लगिन जेहेल में अहों। मोंय तोहरेमन से बिनती करोना कि परमेश्‍वर तोहरेमन के जइसन जिंदगी बिताएक ले बोलाय हे तइसनेहें जिंदगी बितावा।

फिलिप्पियनमन 1:5

काले कि तोहरेमन आदमीमन के यीशु मसीह केर बारे में शुभ समाचार बताएक में मोर मदइत काइर हा। इ काम के तोहरे जे दिन यीशु मसीह केर बारे में शुभ समाचार उपरे बिसवास करला सेहे दिन से कराथा, आउर एखन तक करते आवाथा।

फिलिप्पियनमन 2:12

से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।

फिलिप्पियनमन 2:24

आउर मोके प्रभु में भरसा अहे कि मोंय खुद हें जल्दी आमूँ।

फिलिप्पियनमन 3:18

काले कि ढेइरमन एइसन चाइल चलैना, जेकर से उमन क्रूस उपरे मसीह केर मौत से घिरना करैना। उ मनक चरचा मोंय तोहर से घरी-घरी काइर हों, आउर एखन हों काइंद-काइंद के कहोना।

फिलिप्पियनमन 3:20

मगर हमरे केर अपन देस स्वरग में अहे, आउर हमरे एगो छुटकारा देवाइया प्रभु यीशु मसीह के स्वरग से घूइर आवेक केर आसरा देखाथी।

फिलिप्पियनमन 4:1

इ लगिन हे मोर बिसवासी भाईमन, मोंय तोहरे से ढेइर प्रेम करोना आउर तोहरे से भेंट करेक केर आसरा कराथों तोहरेमन मोर खुशी आउर मुकुट हेका। हे दुलारा भाईमन, प्रभु उपरे बिसवास में स्थिर रहा।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

कुलुसियनमन 1:4

काले कि हमरे सुइन ही कि मसीह यीशु उपरे तोहर बिसवास अहे, आउर सोउब पवितर आदमीमन से प्रेम कराला।

1थिस्सलुनीकियनमन 3:6

मगर एखन तीमुथियुस जे तोहर ठिना से हमर हिंयाँ आय हे, तोहरे केर बिसवास आउर प्रेम केर बारे में शुभ समाचार सुनालक। आउर इ गोइठ के हों सुनालक कि तोहरेमन सोउब बेरा प्रेम केर संगे हमरे के याइद कराला, आउर हमरे के देखेक केर इच्छा रखाला, जइसन हमरे हों तोहरेमन के देखेक चाहिला।

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

1 तीमुथियुस 1:11

इ शिक्षा उ शुभ समाचार केर उपरे टिकल अहे, जे उ महिमा केर बारे में बतायला, जे धाइन परमेश्‍वर से जुड़ल अहे, जेके सुनाएक लगिन मोके जिम्मा देवल जाय हे।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

तीतुस 2:10

उमन मालिक केर कोनों चीजमन केर चोरी ना करोक, मगर सोउब रकम से पूरा ईमानदार रहोक। ताकि आदमीमन उ मनक बेस ब्यवहार के धेयान देबैं। आउर उ मनक बेस काम आदमीमन के हमरे केर छुटकारा देवाइया परमेश्‍वर केर बारे में संदेश सुनेक केर जरिया बनोक।

फिलेमोन 1:5

काले कि मोंय प्रभु यीशु केर उपरे तोर बिसवास आउर सोउब पवितर आदमीमन केर लगिन तोर प्रेम केर बारे में सुनते रहोना।

याकूब 3:18

जेमन मेल-मिलाप करुवायना उमन शांति केर बिहीन बुनैना आउर धरमी होवेक केर अन्न काटबैं।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।