फिलिप्पियनमन 1:20 - सादरी नवाँ नियम

²⁰ मोर दिल केर इच्छा आउर आसरा इ हेके कि मोंय कोनोवें गोइठ में नी लजामूँ, मगर मोके मसीह केर बारे में बोलेक केर हिम्मत होवोक, जइसन मोंय आगे हों काइर रहों। चाहे मोंय जिंदा रहमूँ चाहे मोइर जामूँ, मोर पूरा जिंदगी से मसीह केर बड़ाई सोउब बेरा करते रहमूँ।

फिलिप्पियनमन 1:20 Cross References

यूहन्ना 21:19

यीशु एइसन इ बताएक लगिन कहलक कि पतरस कइसन मौत से मोरी आउर परमेश्‍वर केर महिमा करी। यीशु आखरी में पतरस से कहलक, “मोर पिछे होई ले आउर मोर चेला बाइन जा।”

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

खास चेलामन केर काम 21:13

मगर पौलुस उमन के जबाब देलक, “तोहरे इ का कहाथा? तोहरे काइंद-काइंद के मोके काले दुःख देवाथा? मोंय तो प्रभु यीशु केर नाँव लगिन यरुशलेम शहर में ना सिरिफ बाँधल जाएक लगिन मगर मोरेक लगिन हों तेयार अहों।”

खास चेलामन केर काम 4:31

उ मनक इ प्रार्थना सिरात हें उ घर जेकर में उमन जमा रहैं हिल गेलक आउर सोउबमन पवितर आत्मा से भाइर गेलैं आउर उमन परमेश्‍वर केर बचन साहस से सुनाएक लगलैं।

रोमानियनमन 12:1

इ लगिन हे बिसवासी भाईमन, परमेश्‍वर हमरे के अपन महान दया के देखाय हे, से लगिन मोंय तोहरेमन से बिनती करोना कि अपन जिंदगी के जिंदा आउर पवितर, आउर परमेश्‍वर के पसिंद लायक बलिदान केर रूप में, परमेश्‍वर लगिन चढ़ाय देवा, एहे परमेश्‍वर केर भक्ति करेक केर सही तरीका हेके।

रोमानियनमन 5:5

आउर आसरा से लाज नी होवेला, काले कि पवितर आत्मा जेके परमेश्‍वर हमरे के देई हे उकर से परमेश्‍वर केर प्रेम हमर मन में भाइर जाय हे।

रोमानियनमन 6:13

आउर अपन काया केर अंगमन के बुरा काममन के करेक लगिन ना सोंपा, मगर मोरलमन में से जी उठल जाइन के खुद केर जिंदगी के परमेश्‍वर के सोंइप देवा, आउर अपन काया केर अंगमन के भला काममन के करेक लगिन परमेश्‍वर के सोंइप देवा।

रोमानियनमन 6:19

मोंय रोज दिन केर जिंदगी से जुड़ल एगो उदाहरन बताथों, जइसन तोहरेमन काया केर अंगमन के अशुद्ध आउर बुरा काममन के करेक लगिन सोंइप रहा, तइसनेहें अब अपन काया केर अंगमन के पवितर आउर धरमी जिंदगी जियेक लगिन सोंइप देवा।

रोमानियनमन 8:19

काले कि परमेश्‍वर केर सिरजाल चीजमन आसरा भरल नजइर से परमेश्‍वर केर सच्चा संतानमन के दिस्तार होवेक केर डहर देखाथैं।

रोमानियनमन 9:33

जइसन पवितर किताब में लिखल अहे, “देखा मोंय यरुशलेम शहर में एगो एइसन पखना रखाथों जे आदमीमन के जाएक आउर रोकेक केर कारण होवी, एइसन पखना जेकर से आदमीमन ठेसाय के गिरबैं, आउर जे उकर उपरे बिसवास करी उ कहियो लाजिम नी होवी।”

1 कुरिनथियनमन 15:31

हे बिसवासी भाईमन, जइसन इ पक्का अहे कि मोंय तोहरे उपरे घमंड करोना, काले कि तोहरेमन हमर प्रभु यीशु मसीह केर संगे एक अहा, आउर एहो पक्का अहे कि मोंय रोज दिन माउत केर खतरा में जिंदगी बिताथों।

1 कुरिनथियनमन 6:20

परमेश्‍वर तोहरे के दाम देई के कीन लेई हे, से लगिन अपन काया से परमेश्‍वर केर महिमा करा।

1 कुरिनथियनमन 7:34

सादी करल आदमी केर मन में दूई गो बिचार रहेला, अपन जनाना के खुश करेक केर बिचार आउर प्रभु के हों खुश करेक केर बिचार। जे सादी नी काइर हे उ आदमी सिरिफ प्रभु केर सेवा करेक केर चिंता करेला। ओहे नियर बेगर सादी करल जनाना हों प्रभु केर सेवा करेक केर चिंता करेला कि काया आउर आत्मा दुयो में पवितर रहोक, मगर सादी करल जनाना दुनिया केर चिंता करेला कि अपन पति के कइसन खुश रखी।

2 कुरिनथियनमन 10:8

काले कि अगर मोंय उ अधिकार केर बारे में आउर हें घमंड करमूँ, जेके प्रभु तोहरे केर बिसवास के घटाएक लगिन निहीं मगर बढ़ाएक लगिन हमरे के देई हे, तो लाजिम नी होमूँ।

2 कुरिनथियनमन 3:12

से लगिन एइसन आसरा राइख के हमरे साहस केर साथ गोठियाइला।

2 कुरिनथियनमन 4:10

हमरे के आदमीमन सोउब बेरा लगातार माइर मोराएक केर धमकी देवैना, जइसन यीशु के मोरालैं, ताकि यीशु केर जिंदगी हमरे केर काया में दिसोक।

2 कुरिनथियनमन 5:15

आउर मसीह इकर चलते सोउब केर लगिन मोरलक कि जेमन जिंदा अहैं, उमन अब आगे खुद के खुश करेक लगिन ना जिओक, मगर उमन के मसीह केर लगिन जियेक चाही, जे उमन लगिन मोरलक आउर फिन जी उठलक।

2 कुरिनथियनमन 7:14

काले कि अगर मोंय उकर सामने तोहर बारे में कोनों घमंड काइर हों, तो नी लजालों, मगर जइसन हमरे तोहरेमन से सोउब गोइठमन के सच-सच कइह देई रही, तइसनेहें हमर घमंड करेक तीतुस केर सामने हों सच निकललक।

2 कुरिनथियनमन 7:4

मोंय तोहरेमन से ढेइर हिम्मत केर साथ कहाथों, मोके तोहरेमन उपरे घमंड अहे, आउर मोंय शांति से भाइर जाय हों। अपन सोउब कष्टमन में हों मोंय ढेइर खुश रहोना।

फिलिप्पियनमन 1:14

आउर मोर जेहेल में रहेक केर चलते ढेइर बिसवासी भाई बहिनमन के पोक्ता बिसवास होलक। उमन प्रभु में भरसा राइख के पहिले से एतना बगरा साहसी बाइन गेलैं कि बेगर कोनों डार केर परमेश्‍वर केर बचन के सुनाएक लगलैं।

फिलिप्पियनमन 2:17

जब मोंय तोहरेमन के शुभ समाचार सुनालों, तो तोहरेमन प्रभु यीशु उपरे बिसवास करला आउर उकर सेवा लगिन अपने आप के बलिदान काइर देला। से लगिन अगर मोके शुभ समाचार सुनाएक खातिर माइर मोराय हों देवल जाय फिन भी मोंय खुश अहों आउर तोहर संगे खुश रहमूँ।

कुलुसियनमन 1:24

अब मोंय उ दुःखमन केर चलते खुशी मनावना जे तोहर लगिन सहोना, मोंय लगातार अपन काया में पीड़ामन के सहोना जइसन मसीह अपन काया में जे कलीसिया हेके पीड़ा सहलक। मतलब मोंय हों अपन काया में दुःख साइह के कलीसिया केर लगिन पूरा काइर देवोना।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

1 पतरस 4:16

लेकिन अगर केखो मसीही होवेक केर चलते दुःख सहेक होवी, तो तोहरे इके लाजिम होवेक केर गोइठ ना समझा, मगर परमेश्‍वर केर महिमा करा कि तोहरे इ लगिन दुःख सहाथा कि तोहरेमन मसीह केर आदमीमन हेका।

1 यूहन्ना 2:28

से लगिन हे दुलार छउवामन, मसीह में बनल रहा कि जेखन उ दिस्तार होवी, तो हमरेमन के साहस होवोक आउर हमरे उकर आवेक से उकर सामने लाजिम नी होवब।