फिलिप्पियनमन 1:10 - सादरी नवाँ नियम

¹⁰ ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

फिलिप्पियनमन 1:10 Cross References

मत्ती 16:23

यीशु पिछे मुँहराय के पतरस से कहलक, “हे शैतान! मोर आगे से दूर होई जा: तोंय मोके आबा परमेश्‍वर केर इच्छा के पूरा करेक से रोकाथिस, काले कि तोंय परमेश्‍वर केर नियर निहीं मगर आदमीमन नियर सोचिसला।”

मत्ती 26:33

इ गोइठ सुइन के पतरस यीशु से कहलक, “चाहे सोउब चेलामन तोके छोइड़ देबैं तो छोइड़ देबैं, मगर मोंय तोके कहियो नी छोड़मूँ।”

यूहन्ना 1:47

यीशु नतनएल के अपन बटे आवेक देइख के उकर बारे में कहलक, “देखा, इ एगो सच्चा इसराइली आदमी हेके, इ एकदम ईमानदार अहे।”

यूहन्ना 3:20

काले कि जे केऊ बुराई काम करेला, उ इंजोत से बैर रखेला, आउर इंजोत केर भीरे नी आवेला, एइसन ना होवोक कि उकर काममन केर उपरे दोष लगाल जाई।

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

रोमानियनमन 12:2

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

रोमानियनमन 12:9

दोसरमन के देखाएक ले प्रेम ना करा, बुराई से घिरना करा, लगातार भलाई करते रहा।

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

रोमानियनमन 2:18

आउर तोहरे परमेश्‍वर केर इच्छा जानाला आउर मूसा केर नियम केर शिक्षा पाय के भला-बुरा गोइठमन के चिन्हेक पाराला।

रोमानियनमन 7:16

आउर अगर, जे मोंय नी चाहोना ओहे बुरा काम के करोना, तो मोंय माइन लेवोना कि मूसा केर नियम भला अहे।

रोमानियनमन 7:22

काले कि मोंय पूरा मन से तो परमेश्‍वर केर नियम से खुश रहोना।

रोमानियनमन 8:7

काले कि पापी स्वभाव केर कब्जा में रहेक परमेश्‍वर केर दुश्मन बनेक हेके, काले कि पापी स्वभाव ना परमेश्‍वर केर नियम केर अधीन अहे आउर ना कहियो होवी।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 10:32

तोहरेमन ना यूनानी आदमीमन केर लगिन, ना यहूदीमन केर लगिन आउर ना परमेश्‍वर केर कलीसिया लगिन ठोकर केर कारण बना।

1 कुरिनथियनमन 8:13

से लगिन, अगर मूर्तिमन के चढ़ाल चीजमन के खाएक दोसर बिसवासी भाईमन लगिन बिसवास में कमजोर होवेक केर कारण बनेला, तो मोंय ओइसन चीजमन के कहियो कोनों रीति से नी खामूँ, ताकि मोंय दोसर बिसवासी भाईमन केर बिसवास के कमजोर करेक वाला नी बनमूँ।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

2 कुरिनथियनमन 2:17

काले कि हमरे उ ढेइरमन केर जइसन नखी, जेमन परमेश्‍वर केर बचन के रुपया लगिन परचार करैना, मगर हमरे हमेशा परमेश्‍वर केर भीरे मसीह केर द्वारा ईमानदारी से गोठियाइला।

2 कुरिनथियनमन 6:3

परमेश्‍वर संगे काम करेक वाला केर रूप में, हमरे कोनों गोइठ में ठोकर खाएक केर कोनोवें मोका नी देवीला, ताकि हमरे केर सेवा उपरे केऊ कोनों रकम केर दोष ना लगाओक।

2 कुरिनथियनमन 8:8

मोंय आगया तो नी देवाथों, मगर दोसरमन केर जोश से तोहर प्रेम केर सच्चाई के परखेक लगिन कहाथों।

गलातियनमन 5:11

हे बिसवासी भाईमन, मोंय परचार करोना कि खतना करुवाएक जरुरी नखे, इकरे चलते मोंय यहूदीमन बटले सताल जाथों, अगर मोंय क्रूस उपरे मसीह केर माउत केर बारे में परचार करेक केर बदली खतना करुवाएक केर परचार करतो, तो यहूदीमन लगिन कोनों अपमान नी होतक।

इफिसियनमन 4:15

बल्कि प्रेम से सच्चा गोठियाय के हमरे के सोउब रकम से पक्का होवेक चाही, ताकि मसीह नियर बनेक पारब जे कि मूँड़ हेके।

इफिसियनमन 5:10

आउर इके जानेक केर कोशिश करा कि प्रभु के कोन चीज खुश करेला?

इफिसियनमन 5:27

उ अपन कलीसिया केर सोउब आदमीमन लगिन मोइर गेलक, ताकि उमन के सिद्ध बनाएक पारोक, आउर सोउब के अपन हेदना लानेक पारोक, जेमन में कोनों दोष या पाप या आउर कोनों रकम केर बुराई नी होवी, बल्कि उमन पूरा पुरी पवितर आउर निरदोष होबैं।

इफिसियनमन 6:24

जेमन हमर प्रभु यीशु मसीह से सच्चा प्रेम करैना, उ सोउबमन केर उपरे किरपा होते रहोक।

फिलिप्पियनमन 1:16

जेमन भला बिचार से परचार करैना, उमन मोर से प्रेम करेक केर चलते करैना, काले कि उमन जानैना कि मोंय शुभ समाचार केर रक्षा करेक केर चलते जेहेल में अहों।

फिलिप्पियनमन 1:6

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

1थिस्सलुनीकियनमन 5:21

सोउब गोइठमन के परखा कि उ परमेश्‍वर बटले हेके कि निहीं, बेस संदेशमन के ग्रहण करा आउर उके पालन करा।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।