फिलिप्पियनमन 1:1 - सादरी नवाँ नियम

¹ इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

फिलिप्पियनमन 1:1 Cross References

मरकुस 13:34

मोर धरती के छोड़ेक आउर घूइर आवेक केर तरीका इ लेखे अहे, जइसन एगो आदमी जे परदेस जाएक बेरा अपन घर के छोइड़ जायला, आउर जाएक से आगे अपन धांगरमन के काम बतायला आउर घर केर पहरादार के उकर घूइर आवेक तक जागते रहेक केर आगया देवेला।

यूहन्ना 12:26

अगर केऊ मोर सेवा करेक चाहेला तो मोर पिछे होई लेवोक आउर मोर चेला बाइन जाओक। तब जहाँ मोंय अहों, हूवाँ मोर सेवक हों रही। अगर केऊ मोर सेवा करी तो आबा परमेश्‍वर हों उकर माइन करी।

खास चेलामन केर काम 1:20

राजा दाऊद भजन संहिता केर किताब में लीख हे, ‘उकर घर उजइर जाओक आउर उकर में केऊ ना बसोक,’ आउर राजा दाऊद दोसर ठिना एहो कइह हे, ‘उकर पद केऊ दूसरा लेई लेवोक।’

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

खास चेलामन केर काम 9:13

मगर हनन्याह जबाब देलक, “हे प्रभु, मोंय इ आदमी केर बारे में ढेइर आदमीमन से सुइन हों कि इ यरुशलेम शहर में तोर पवितर आदमीमन केर उपरे बड़का-बड़का बुराई काइर हे।

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

1 कुरिनथियनमन 16:10

अगर तीमुथियुस कुरिन्थुस शहर में आय जाई, तो उकर से आदर केर साथ ब्यवहार करबा, काले कि उ मोर नियर प्रभु केर काम करेला।

2 कुरिनथियनमन 1:1

इ चिट्ठी मोंय पौलुस आउर बिसवासी भाई तीमुथियुस बटले हेके, मोंय परमेश्‍वर केर इच्छा से मसीह यीशु केर चुनल खास चेला हेकों, इ चिट्ठी अखया परदेस में रहेक वाला परमेश्‍वर केर आदमीमन केर नाँव में आउर उ कलीसिया केर नाँव में लिखल जाय हे, जे कुरिन्थुस शहर में अहे।

गलातियनमन 1:10

इ गोइठ पक्का अहे कि मोंय आदमीमन के खुश करेक निहीं मगर परमेश्‍वर के खुश करेक चाहोना। अगर मोंय अब तक आदमीमन के हें खुश करते रहतो, तो मसीह केर सेवक नी बनतो।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 3:28

अब ना केऊ यहूदी रहलक आउर ना यूनानी, ना केऊ गुलाम, ना आजाद, ना केऊ नर आउर ना नारी, काले कि तोहरेमन सोउब मसीह यीशु में एक हेका।

इफिसियनमन 1:1

इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

इफिसियनमन 1:15

इ सोउब केर चलते जे परमेश्‍वर काइर हे, जब से मोंय प्रभु यीशु उपरे तोहर बिसवास के आउर पवितर आदमीमन केर लगिन तोहर प्रेम के सुइन हों।

इफिसियनमन 6:24

जेमन हमर प्रभु यीशु मसीह से सच्चा प्रेम करैना, उ सोउबमन केर उपरे किरपा होते रहोक।

फिलिप्पियनमन 2:19

मोके प्रभु यीशु में आसरा अहे कि मोंय तीमुथियुस के तोहर ठिना तुरते भेजमूँ, होले तोहर दशा सुइन के मोंय खुश होमूँ।

फिलिप्पियनमन 2:5

जइसन मसीह यीशु केर स्वभाव रहे। तइसनेहें तोहर हों स्वभाव होवोक।

फिलिप्पियनमन 3:12

मोंय इ दावा नी कराथों कि इ सोउब चीजमन के पहिलेहें पाय लेई हों, या सिद्ध होई चुइक हों मगर मोंय कोशिश करते आगे बढ़ते जाथों कि मोके उ मिल जाओक, जेकर लगिन यीशु मसीह मोके चुइन हे।

फिलिप्पियनमन 3:3

काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

1थिस्सलुनीकियनमन 1:1

इ चिट्ठी मोंय पौलुस आउर सीलास आउर तीमुथियुस बटले हेके। जेके हमरे थिस्सलुनीके शहर केर कलीसिया केर बिसवासीमन केर नाँव में लीख ही, जेमन आबा परमेश्‍वर आउर प्रभु यीशु मसीह में जुड़ल अहैं। मोंय प्रार्थना करोना कि परमेश्‍वर तोहरेमन उपरे किरपा करोक आउर तोहरे के शांति देवोक।

1थिस्सलुनीकियनमन 2:2

मगर तोहरेमन जानाला कि हमरे पहिले फिलिप्पी शहर में दु:ख उठाली आउर हुड़दंग सहली, आउर परमेश्‍वर हमरे के एइसन साहस देलक कि हमरे परमेश्‍वर केर शुभ समाचार के हिंयाँ थिस्सलुनीके शहर में हों भारी बिरोधमन केर होते हुए हों तोहरेमन के सुनाली।

2 थिस्सलुनीकियनमन 1:1

इ चिट्ठी मोंय पौलुस, सीलास आउर तीमुथियुस बटले हेके। जेके थिस्सलुनीके शहर केर कलीसिया केर बिसवासीमन लगिन लिखल जाय हे, जेमन हमर आबा परमेश्‍वर आउर प्रभु यीशु मसीह में जुड़ल अहैं।

2 थिस्सलुनीकियनमन 1:10

इ गोइठ उ दिन होवी जब यीशु अपन आदमीमन केर बटले महिमा पावेक आउर सोउब बिसवास करइयामन बटले आदर पावेक लगिन घूइर आवी, उ बेरा तोहरे हों उमन में शामिल रहबा काले कि तोहरेमन हमर गवाही में बिसवास करला।

1 तीमुथियुस 1:2

मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

फिलेमोन 1:1

इ चिट्ठी मोंय पौलुस आउर भाई तीमुथियुस बटले हेके। मोंय जेहेल में बंद अहों काले कि मोंय यीशु मसीह केर शुभ समाचार केर परचार करोना। इ चिट्ठी के हमर दुलारा संगी आउर संगे काम करेक वाला फिलेमोन के लिखाथों।

इब्रानीमन 13:23

तोहरेमन इ जाइन लेवा कि तीमुथियुस हमर बिसवासी भाई जेहेल से छूइट जाय हे, आउर अगर उ जल्दी आय जाई तो मोंय उके संगे लेई के तोहर से भेंट करमूँ।

याकूब 1:1

इ चिट्ठी मोंय याकूब बटले हेके, मोंय परमेश्‍वर आउर प्रभु यीशु मसीह केर सेवक हेकों। इ चिट्ठी के मोंय उ बारह गोतरमन केर नाँव से लिखाथों, जेमन गोटा दुनिया में तितिर-बितिर होई के रहैना। मोर बटले तोहरेमन के जोहार।

1 पतरस 2:25

पहिले तोहरेमन हेराल भेड़ीमन नियर रहा, मगर अब तोहरेमन तोहर आत्मामन केर चरवाही आउर देखभाल करेक वाला अगुवा मसीह ठिना घूइर जाय हा।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

यहूदा 1:1

इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्‍वर अपन उपरे बिसवास करेक लगिन बोलाय हे। आबा परमेश्‍वर तोहरेमन से प्रेम करेला आउर तोहरे के यीशु मसीह में सही-सलामत राइख हे।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 2:12

पिरगमुन शहर केर कलीसिया केर स्वरगदूत के इ लीख: मोंय ओहे हेकों जेकर ठिना दुइयो आरा तेज धार वाला तलवाइर अहे। मोंय तोके जे कहोना उके सुन:

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,

प्रकाशितवाक्य 22:9

मगर उ मोर से कहलक, “देख, एइसन ना कर। काले कि मोंय तोर आउर परमेश्‍वर केर संदेश के बताएक वाला तोर भाईमन आउर उ आदमीमन केर जे इ किताब केर गोइठमन के मानैना, उ मनक संगी सेवक भाइर हेकों। तोंय परमेश्‍वर केर हें आराधना कर।”