इब्रानीमन 7:1 - सादरी नवाँ नियम1-3 इ मलिकिसिदक शालेम नगर केर राजा, आउर सोउब से महान परमेश्वर केर पुरोहित रहे, उकर नाँव केर एगो मतलब धरमी बनाएक वाला राजा, आउर दूसरा शालेम केर राजा मतलब शांति केर राजा हेके। पवितर किताब में उकर आबा आउर आयो केर बारे में कोनों लिखल नखे, आउर ना हें उकर पुरखामन केर, ना उकर जनम आउर माउत केर बारे में कोनों लिखल अहे। उ सोउब दिन लगिन एगो पुरोहित हेके, से लगिन उ परमेश्वर केर बेटा नियर अहे, जब अब्राहम चाइर गो राजामन के माइर मोराय के घुरत रहे, तब मलिकिसिदक उकर से भेंट करलक आउर उके आशीष देलक। आउर अब्राहम लड़ाई में जीत के लेवल सोउब चीजमन केर दसवाँ हिस्सा उके देलक। See the chapter |