Philipiko lạgitʼ Pạul apostolakʼ ciṭhi 4:9 - সান্তালী বাইবেল

⁹ Ape do iń ṭhen khon okaṭakʼpe cetʼakatʼ ar bhage mentepe ataṅ akatʼ ar ińre okaṭakʼpe ńelakatʼ, ar ińakʼ mocate okaṭakʼpe ańjomakatʼ, onkage kạmipe. Enḍekhan sulukren Isor do ape tulucʼe tahena.

Santali Common Language New Testament

⁹ Ape do iń ṭhen khon okaṭakʼpe cetʼakatʼ ar bhage mentepe ataṅ akatʼ ar ińre okaṭakʼpe ńelakat̕, ar ińakʼ mocate okaṭakʼpe ańjomakatʼ, onkage kạmipe. Enḍekhan sulukren Isor do ape tulucʼe tahena.

Philipiko lạgitʼ Pạul apostolakʼ ciṭhi 4:9 Cross References

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 7:21

“Okoe ‘Probhu Isor, Probhu Isorko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe monejoṅ, unigeye bolo daṛeakʼa.

Luk 6:46

“Ape do cedakʼ ‘Probhu Isor, Probhu Isorpe’ mitạń kana, menkhan iń okań metapekan ona do bape onkayeda?

Luk 8:21

Onate Jisu do hoṛkoe metatʼkoa, “Okoe Isorakʼ katha ańjomkate ona lekako kạmikan, onko kangeako ińren eṅgạń ar boehań do.”

Johan 13:17

Noako baḍaekate onako lekape kạmile khan enḍekhan ape dope bhạgangea.

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Johan 2:5

Unre Jisuren eṅgattetʼ do sapʼdapʼkoe metatʼkoa, “Uni jãhãnakʼgeye metape onagepe onkaea.”

Aposkạmi 9:6

Uniye menkeda, “Iń doń Jisu kana, okoe amem khedeńkan. Ńitokʼ do beredokʼme ar nagrahate calakʼme. Ar cetʼ cekae hoyokʼtama ona dom lại ocokʼa.”

Romiko lạgitʼ Pạul Apostolakʼ ciṭhi 15:33

Sulukren Isor do ape sanamko sãoteye tahenma. Amen.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

1 Korinthiko 14:33

Isor do gulmalren Isor doe baṅkana, menkhan sulukren Isorge. Isorren hoṛko sanam manḍerkore cetʼ lekako tahenkan,

1 Korinthiko 4:16

Onateń nehõrape kana, iń okakoń cekae, ape hõ onako onkaepe;

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Philipiko lạgitʼ Pạul apostolakʼ ciṭhi 3:17

E boehako, ape sanamko iń leka baṛe calakʼpe, ar okoe nonkako calakʼkan onko ńel oromkakope. Ar cetʼlekape calakʼa ona dole udukʼ akawatʼpea.

Philipiko lạgitʼ Pạul apostolakʼ ciṭhi 4:7

Ona iạte, Isorakʼ okaṭakʼ suluk reakʼ katha manwa do hudiskate hõ bako bujhạu daṛeakʼkan, ona suluk do Mạsi Jisu hotete apeakʼ mon ar ontore rukhiyạitapea.

1 Thessalonikikko 1:6

Ạḍi lekan santao talate hõ sonot Jiuakʼ rạskạ salakʼ ona bhage sombat ataṅkate ape do ale ar Probhu Isorren lekape coloneda.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoyakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

2 Thessalonikiko 3:4

Probhu Isor tulucʼ jopoṛao menakʼpete ape reaṅ noa pạtiạu menakʼtalea je, ale okakole hukum akatʼpe ona lekagepe kạmikana ar kạmi iditegepe tahena.

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

Jakob 1:22

Eken Isorakʼ katha ańjomkate do baṅ hoyokʼa, onaleka kạmi hõ lagaokʼa. Eken Isorakʼ kathagepe ańjom ar ona leka bape kạmi enḍekhan ape do apnartegepe ṭhokakʼ kana.

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoy lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.