Philipiko lạgitʼ Pạul apostolakʼ ciṭhi 4:8 - সান্তালী বাইবেল

⁸ E boehako, mucạtʼre noageń mena, okaṭakʼ sạriyakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneyakʼpe.

Santali Common Language New Testament

⁸ E boehako, mucạtʼre noageń mena, okaṭakʼ sạriakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneakʼpe.

Philipiko lạgitʼ Pạul apostolakʼ ciṭhi 4:8 Cross References

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

Sereńko 82:2

“Ape do ar tinạkʼ din behokpe bicạra? Ar tinạkʼ din bedhoromko secʼpe tahena? (Sela)

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Kạhtukko 12:4

Bhage ar gun menakʼtae bạhu do jãwãetetʼ lạgitʼ mukuṭ kanae, menkhan okoeṭakʼ maejiu do lajao paṛaoakʼkoe kạmikan uni do acʼren jãwãeyakʼ sea jaṅ lekanae.

Kạhtukko 16:11

Sạri tulạ ar ḍạnḍi do Probhu Isor khonakʼge; ar thạilạkʼ reakʼ sạri baṭkharako do uniyakʼ mẽtʼre bhagegea.

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!

Kạhtukko 31:10

Bhage bạhu do okarem ńamkea? Uni do mạnik dhiriko khon hõ ạḍitetʼe damangea.

Kạhtukko 31:29

“Ḍher maejiukoge bhage ghirni erako hoyakana, menkhan am do sanamko khonem sorosgea.”

Kạhtukko 31:31

Uniyakʼ kạmi iạte sarhaoepe; ar uniyakʼ kạmiko do duạrareko sarhaotaema.

Soros sereń 5:16

Uniyakʼ galmarao do heṛemgetaea, uni do joto secʼte ạḍi hạ̃sạnicʼge. E Jerusalemren kuṛiko, ińren dulạṛiạtiń ar ińren gate doe nonkanicʼ kangea.

Jesaea 26:7

Isor botorae hoṛkoakʼ hor do somangea; E dhoromicʼ, am do Isor botoraekoakʼ horem somaneda.

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Luk 2:25

Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Luk 23:50

Joseph ńutuman mitʼṭen bhage ar dhorom hoṛ do maraṅ bạisiren sosolhaicʼe tahẽkana. Uni do Arimạthiạko metakʼ Jihudikoakʼ mitʼṭecʼ atoren hoṛe tahẽkana.

Johan 7:18

Okoe nij khon kathae roṛ uni do acʼakʼ sabasigeye ńam baṛaea, menkhan okoe kolakadiyicʼ reakʼ sabasiye ńam baṛayetʼkan uni doe sạrigea ar unire jãhãn eṛeakʼ do bạnukʼanaṅ.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 22:12

“Ado Ananiạs ńutuman mitʼṭen hoṛ iń ṭhene hecʼena. Uni do Moseyakʼ ạn-ạriko manot salakʼe pańjayetʼ tahẽkana, ar onḍenko sanam Jihudiko ạḍiko manotedekan tahẽkana.

Aposkạmi 6:3

E boehako, ape modkhon Jiu ar akelte perecʼ akan ar sanam hoṛko manotko nonkan eae goṭen hoṛ bachao joṅpe. Ale do onkoge noa sapʼdapʼ kạmi reakʼ bharle emakoa ar ale do koejoṅ ar Isorakʼ katha porcar lạgitʼ jamaṛ akanle tahena.”

Romiko lạgitʼ Pạul Apostolakʼ ciṭhi 13:13

Rij roṅ ar ńu bulokʼte do baṅ, loṭghuṭi ar lucạ lamoṭte do baṅ, reṭha reṭhi ar hiskạte do baṅ, menkhan siń marsalre dãṛãnkanko leka jion bon khemao ma.

Romiko lạgitʼ Pạul Apostolakʼ ciṭhi 13:3

Okoe bhageakʼko kạmikan onko do ektiạrianko ohoko botorlekoa, menkhan okoe bạṛicʼakʼko kạmikan onkogeko botorokʼa. Ape do ektiạrianko begor botorakote senokʼpe khojkana? Enḍekhan bhageakʼko kạmipe, inạ khan onko ṭhen khon sabasipe ńama.

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

Romiko lạgitʼ Pạul Apostolakʼ ciṭhi 2:29

Menkhan ontorte okoe doe Jihudikan uni kangeae khạṭi Jihudi. Ar khạṭigeye khatna akan reakʼ kạmi hõ ontorrege hoyokʼa. Ona do sonot Jiu reakʼakʼko kana, olakʼ ạnko pańjae reakʼ do baṅkana. Nonkan hoṛ do manwa secʼ khon sarhao do bako ńama, menkhan Isor secʼ khon sarhao doko ńamgea.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 13:7

Ale do Isor ṭhenle koejoṅkana jemon bạṛicʼakʼ jãhãnakʼ alope kạmi. Eṭakʼko jemon khạṭi menteko bujhạule onate noale khojkana ona do baṅa. Aleakʼ monejoṅakʼ do noage, khạṭi mente bako bujhạulere hõ ape do jemon okaṭakʼ bhageakʼkan onape kạmi.

2 Korinthiko 6:8

Hoṛko manotle ar bako manotle, ale reaṅ mońjko roṛ ar bạṛicʼko roṛ, menkhan ale dole sạbud akada Isorren sapʼdapʼko kanale. Hoṛ do ṭhokko metalekana, menkhan ale do sạriyakʼ horrele taṛameda.

2 Korinthiko 8:18

Ale do Titus sãote armitʼ boehale kolekana. Jisu Mạsi reaṅ bhage sombat porcar kạmire nui boeha do joto manḍerrenko sarhaoede kana.

2 Korinthiko 8:21

Ale do eken Probhu Isorakʼ mẽtʼãhã samaṅre do baṅ, menkhan manwa samaṅre hõ dhoromte calakʼ reakʼle kurumuṭuyeda.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriyakʼ kangea marsal reakʼ jo do.

Ephesiko lạgitʼ Pạul Apostolakʼ ciṭhi 6:14

Onate sạriyakʼte ḍanḍa paṭhe keṭejokʼte, koṛam rukhiyạ lạgitʼ dhorom jionte koṛam aḍkate,

Dosar Biboron 16:20

Okaṭakʼ disạm do aperen Probhu Isore emape lạgidokʼkan, onḍe jemonpe dokhol daṛeakʼ onate hok reakʼ manaope.

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu Isor tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

Kolossiko lạgitʼ Pạul Apostolakʼ ciṭhi 4:5

Okoe Isorren hoṛko baṅkan onko tulucʼ do akel salakʼ colonpe ar Mạsi reaṅ goha em reakʼ ạtko kạmire lagaope.

1 Thessalonikikko 4:12

jemon apeakʼ noa bhage cạl-colon iạte bahreren hoṛko ṭhen manotpe ńam ar eṭakʼkore ṭehãḍokʼ reakʼ jạruṛ alo hoyokʼtape.

1Timothi 2:2

Nonka leka rapajko ar napṛakʼ hudạwanko lạgitʼ hõ koe hoyokʼa, jemon Isor bhokti ar dhoromte man salakʼ khạtir ar sulukte din bon khemao daṛeakʼ.

1Timothi 3:11

Onkage onkoren bạhuko hõ manot ocokʼ lekko hoyokʼma. Onko do eṭakʼkoakʼ aloko okta baṛaema ar apnar sambṛao akanko tahenma. Ar jotowakʼre jemon pạtiạranko hoyokʼ.

1Timothi 3:4

Uni do lek leka apnar gharońj reakʼ jotowakʼe calao ma, uniren gidrạko do gobolrenko ar mạ̃hirankoko hoyokʼma.

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna baṛe hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

1Timothi 5:2

Buḍhi hoṛko do gogo leka, ar kom umerren maejiuko do miserako leka napaete bujhạukope.

Titus lạgitʼ Pạul Apostolakʼ ciṭhi 1:8

Menkhan uni do peṛayicʼ, bhageakʼ dulạṛicʼ, akelanicʼ, dhoromicʼ, sonoticʼ, ar sambṛaokʼicʼe hoyokʼma.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Titus lạgitʼ Pạul Apostolakʼ ciṭhi 2:2

Haṛam hoṛ do jotowakʼre soteko tahen ma; ar manot ńam lekko hoyokʼma; onko do bhage akelanko, sạri pạtiạu, dulạṛ ar sombhuri mon tahentako.

Titus lạgitʼ Pạul Apostolakʼ ciṭhi 2:7

Sanamakʼrege am do onko ṭhen bhage kạmi reakʼ nạmuna hoyokʼme. Amakʼ cecetʼakʼre bạṛicʼ monsubạ ar baṅ moneyakʼ mon jemon alo tahen.

Titus lạgitʼ Pạul Apostolakʼ ciṭhi 3:14

Eṭakʼko bhạlạiko reakʼ kạmire lạgiyạ paṛao akae tahen lạgitʼ aboren hoṛko cetʼako hoyokʼa, jemon onko do eṭakʼkoakʼ reṅgejokʼreko goṛo daṛeako. Arko nonka lekhan onko do jionreko jo bahakʼa.

Ibriko 11:2

Biswạs iạtege aboren hapṛamko do Isorakʼ sarhaoko ńamleda.

Ibriko 13:18

Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.

2 Patras 3:1

E dulạṛiạ boehako, ape ṭhen noa do ińakʼ dosar ciṭhi kana. Banar ciṭhirege iń do adomakʼko babotreń disạ ocoyetʼpete apeakʼ soṛa mon udgạu reakʼ iń kurumuṭuyeda.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriyakʼ reakʼ dulạṛ bon udugma.

1 Johan 3:3

Okoe Mạsire noa ase dohoy uni do apnare khạṭikʼ kana cetʼleka Mạsiye khạṭige.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

Rut reakʼ kạhini 3:11

Alom botorokʼa, am okam khoj onage hoyokʼa. Ińakʼ atoren sanam hoṛgeko baḍaea, am do mitʼṭen bhage kuṛi kanam.