Philipiko lạgitʼ Pạul apostolakʼ ciṭhi 4:4 - সান্তালী বাইবেল

⁴ Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Santali Common Language New Testament

⁴ Probhurepe kolom mitʼakante ape do jaoge rạskạkʼpe. Arhõń mena, rạskạkʼpe baṛe.

Philipiko lạgitʼ Pạul apostolakʼ ciṭhi 4:4 Cross References

Sereńko 146:2

Iń do goṭa jionge Probhu Isoriń sarhaoea; tinạkʼ din jiwetʼ iń tahena unạkʼ din Isorgeń sarhao sereńaea.

Sereńko 33:1

E Isor botoraekan hoṛko, Probhu Isorakʼko reaṅ ape do hulạsate sereńpe; uni sarhao sereńae do khạṭi hoṛkoakʼ kạmikangea.

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Galathiko lạgitʼ Pạul Apostolakʼ ciṭhi 1:8

Menkhan oka bhage sombat apele jạhir akatʼpe ona khon judạ lekan bhage sombat ape ṭhen porcarlen khan, ona do alele jạhirape se jãhãe serma goḍetgeye jạhirape, enḍekhan unire sarap paṛaokʼma.

Philipiko lạgitʼ Pạul apostolakʼ ciṭhi 2:18

Onkage ape hõ iń tulucʼ kusi ar rạskạre seledokʼ lek kanape.

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu Isor tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

1 Patras 4:13

Ona khon bickom Mạsiyakʼ duk jom reakʼ bhạgiyạdarkope hoyakante rạskạkʼpe, jemon uniyakʼ mạhima sodorokʼre ape do rạskạtepe perejokʼ.