Philipiko lạgitʼ Pạul apostolakʼ ciṭhi 4:17 - সান্তালী বাইবেল

¹⁷ Jãhãn daniń khojokʼ kana ona do baṅ, menkhan nonkan jogeń asokʼ kana one oka do ape ńutumte doho jarwa idikʼ.

Santali Common Language New Testament

¹⁷ Jãhãn daniń khojokʼ kana ona do baṅ, menkhan nonkan jotetʼ geń asokʼ kana one oka do ape ńutumte doho jarwa idikʼ.

Philipiko lạgitʼ Pạul apostolakʼ ciṭhi 4:17 Cross References

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 15:8

Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Romiko lạgitʼ Pạul Apostolakʼ ciṭhi 15:28

Ińakʼ noa kạmiń sạtle khan ar ona dan ṭhik leka seṭerakana menteń baḍaele khan ape secʼte Spainiạteń calakʼa.

2 Korinthiko 11:16

Iń do arhõń meneda, okoe hõ bebuj jemon aloko hudisiń. Ar onkagepe bujhạuedeń khan enḍekhan bebuj mentege ataṅińpe, jemon thoṛaganiń sarhao daṛeakʼ.

2 Korinthiko 9:5

Onate noko boehako lahare ape ṭhen calakʼ lạgitʼ nehõrako reakʼ jạruṛiń hudiskeda, jemon okaṭakʼ maraṅ dan emokʼ lạgitʼpe gokʼletʼ tahẽkan ona reakʼ onko do laharegeko sapṛao hataṛkakʼ. Ar ape ṭhen khon jormoṭte jãhãnakʼ do baṅ hataokʼa, bickom dan lekate okape emokʼ onage laha khon sapṛao dohokakʼpe.

Philipiko lạgitʼ Pạul apostolakʼ ciṭhi 4:11

Ińakʼ jãhãn ṭonṭa iạte noa kathań roṛeda ona do baṅ, ente jãhã dosaregeń tahen inạrege kusi tahen iń cetʼ akawana.

1 Thessalonikikko 2:5

Baḍaegeape heṛem heṛem kathako do tishõ bale roṛakada, ar lalocakʼko okokate bulạuakʼ jãhãn katha hõ bale roṛakada, Isorge onaren goha do.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

Titus lạgitʼ Pạul Apostolakʼ ciṭhi 3:14

Eṭakʼko bhạlạiko reakʼ kạmire lạgiyạ paṛao akae tahen lạgitʼ aboren hoṛko cetʼako hoyokʼa, jemon onko do eṭakʼkoakʼ reṅgejokʼreko goṛo daṛeako. Arko nonka lekhan onko do jionreko jo bahakʼa.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.