Philipiko lạgitʼ Pạul apostolakʼ ciṭhi 3:3 - সান্তালী বাইবেল

³ Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Santali Common Language New Testament

³ Abo kangeabon sạriakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 3:3 Cross References

Sereńko 105:3

Uniyakʼ ṭhonoktetʼ sarhaotaepe; okoe Probhu Isorakʼ khạndritetʼ baḍae sanayetʼko onkoakʼ ontor do rạskạkʼtakoma.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Romiko lạgitʼ Pạul Apostolakʼ ciṭhi 1:9

Isorren Hopon reaṅ bhage sombat porcarte ińakʼ goṭa ontorte iń do Isoriń sewawae kana. Iń do tinạkʼ dhaoiń koejoṅkan unạkʼ dhaoge apeń disạ akatʼpea, ar onaren goha do unige.

Romiko lạgitʼ Pạul Apostolakʼ ciṭhi 15:17

Iń do Isor lạgitʼ okaṭakʼ iń kạmikan onate Mạsi Jisu hotete ińakʼ sarhaokʼ reakʼ ạidạri do menakʼgetińạ.

Romiko lạgitʼ Pạul Apostolakʼ ciṭhi 7:6

Unre abo okaṭakʼko tol akawatʼ bon tahẽkan onarege bon gocʼlena. Onate ńitokʼ do ạn khon bon sạdhingea. Ona iạte abo do olakʼ ạn-ạri reaṅ ona sedaeakʼ jion horren golam dobon baṅkana, menkhan sonot Jiu emakʼ nãwã jion horren golam bon hoyakana.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

Romiko lạgitʼ Pạul Apostolakʼ ciṭhi 8:39

se serma cetanakʼko reakʼ se dhạrti latar reakʼ jãhãnakʼ sirjạuakʼge okoe hõ Isorakʼ dulạṛ khon do bako begar daṛeabona. Isorakʼ noa dulạṛ do aboren Probhu Mạsi Jisurege menakʼa.

Romiko lạgitʼ Pạul Apostolakʼ ciṭhi 9:6

Isorakʼ katha je eṛeteakʼ hoyakan ona do baṅa, ente okoe Israel jạtrenko talareye janam akan onko sanamkoge khạṭi Israel doko baṅkana.

2 Korinthiko 11:18

Manwa okaṭakʼteko sarhaokʼ, onate ḍherkogeko sarhaokʼkan khan enḍekhan iń do cedakʼ bạń sarhaokʼa?

Galathiko lạgitʼ Pạul Apostolakʼ ciṭhi 5:25

Abo do sonot Jiu hotete jiwetʼ menakʼ bon khan enḍekhan dela, sonot Jiu leka bon taṛamma.

Galathiko lạgitʼ Pạul Apostolakʼ ciṭhi 6:16

Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Philipiko lạgitʼ Pạul apostolakʼ ciṭhi 3:12

Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

Kolossiko lạgitʼ Pạul Apostolakʼ ciṭhi 2:11

Ona chaḍa ape do Mạsi tulucʼpe kolom mitʼakante khatna hõpe khatna ocoakana.Jãhãe manwa tite do bape khatna ocoakana, Mạsi acʼgeye khatna akatʼpea; metakʼme hoṛmore jel reakʼ oka daṛe tahẽkan ona daṛe khon uni doe chaḍao akatʼpea.

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.