Philipiko lạgitʼ Pạul apostolakʼ ciṭhi 3:19 - সান্তালী বাইবেল

¹⁹ Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Santali Common Language New Testament

¹⁹ Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼkogeko moneakʼ kana.

Philipiko lạgitʼ Pạul apostolakʼ ciṭhi 3:19 Cross References

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Jirimiạ 44:17

Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Jeheskel 34:3

Ape do toape jomeda, ar upʼte do kiricʼ benaokatepe horokʼeda ar bachao akan bheḍakope guretʼkoa, menkhan bhiḍiko do bape jotonetʼkoa.

Hosea 4:7

“Naekeko tinạkʼko saṅge idikʼkan unạkʼge onko do iń upạrteko kạiyeda, ona iạte onko do manot bodolteń bemanotkoa.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Malaki 1:12

Menkhan ape do ińakʼ ńutumpe bemanot akada, entepe meneda, ‘Probhu Isorakʼ ṭebil do baṅ saphaoa ar ona cetan reakʼ jomakʼko hõ bạṛicʼgea.’

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Luk 12:19

Ar ińakʼ jiwiń metawakʼa, E jiwi ḍher bochor lạgitʼ bae dohoakan acel pacel dhon menakʼtama. Onate ma jirạukʼjoṅme, jomme, ńũiyme ar hesecʼ sekrecʼjokʼte din ṭalaome.’

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Luk 18:4

Menkhan hạkim do thoṛa din hạbicʼ cetʼge bae cekawadea. Ado mucạtʼre mone moneteye menkeda, ‘iń do Isor bạń botoraekanre hõ ar manwako bạń moneyakokanre hõ,

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

1 Korinthiko 3:3

ente ńit hõ jel gobolrege menakʼpea. Ape talare hiskạ ar reṭha reṭhiko menakʼ khan enḍekhan cetʼ jelrenko dope baṅkana? Manwako leka do cetʼ bape coloneda?

1 Korinthiko 5:2

Ar noa tayom hõ ape dope gorbokʼ kana! Bickom ape dope mon dukkokʼa honaṅ, jemon nonkae kạmiketʼicʼ do ape tala khone oḍok ocokʼ?

1 Korinthiko 5:6

Sarhaokʼ do ape lạgitʼ baṅ bhagea. Ape do cetʼ bape baḍaea je, kạṭicʼ culuṅ khạmi do joto sipiyakʼ holoṅgeye phulạu ocoya mente? Ape khon ona mare khạmi baṛe oḍok giḍikakʼpe;

2 Korinthiko 11:12

Okoe apnarko sarhaokʼre ale somanko udugokʼkan onko jemon ona ạt aloko ńam onate okań kạmikan onageń kạmi idiya.

2 Korinthiko 11:15

Ar Soetanren sapʼdapʼko hõ apnartetʼ bodolkate dhoromren sapʼdapʼ menteko udugokʼkan khan, enḍekhan hahaṛakʼ reaṅ cetʼ menakʼa? Onko do kạmi mucạtʼre oka kuṛại menakʼtako onageko ńama.

Galathiko lạgitʼ Pạul Apostolakʼ ciṭhi 6:13

Khatna ocoakanko hõ coṅ ạn ma bacoko manaoetʼkan. Onko do khatna ocope lạgitʼ sanayetʼkoa jemon noa iạteko sarhao daṛeakʼ baṅma, ape hõ onko dolrepe hecʼakana mente.

Philipiko lạgitʼ Pạul apostolakʼ ciṭhi 2:21

Ente eṭakʼ sanamkoge Jisu Mạsi reakʼakʼko ńam baṅkate apnar reakʼakʼgeko ńam bakʼṛakana.

Kolossiko lạgitʼ Pạul Apostolakʼ ciṭhi 3:2

Ot reakʼko do baṅ bickom coṭ reakʼakʼkoge moneyakʼpe.

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

2 Thessalonikiko 2:12

Ar okoe sạriyakʼre pạtiạukʼ baṅkate behokakʼ kạmire rạskạko ńametʼkan onko sanamko uni doe bicạr dusikoa.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

2Timothi 3:4

Onko do eṛe, ṭhok ar bạḍạite phulạu akanko hoyokʼa. Isor bạgikate rij-roṅge bạ̃ṛtiko dulạṛa.

Jakob 4:16

Menkhan ape do phulạu ar usul montepe perecʼ akana. Ar nonkan joto phulạuakʼ do bạṛicʼgea.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

2 Patras 2:13

Onkoakʼ bạṛicʼ kạmi reakʼ kuṛại lekate onko do kosṭoko joma. Noko hoṛ do siń marsalre bhojkore haha hihi ar ńũ bulokʼgeko kusiyakʼa. Ar ape tulucʼ jojomko duṛupʼlenre onko do umtạ umtikʼte bubulakʼko ńũńũte akoakʼ rij roṅte lajaokʼ ar bemanotko ạgujoṅa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Jihudạwakʼ ciṭhi 1:10

Menkhan noko bhonḍ cecetʼko do oka bako bujhạu akatʼ ona reaṅ bạṛicʼ kathako roṛa ar bebuj janwarko leka akote okaṭakʼko bujhạuakatʼ onategeko marao utạrokʼa.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

Johan sodor 18:7

Uni do acʼakʼ reaṅ tinạkʼ bạ̃ṛtiye sabasilen, ar tinạkʼ bạ̃ṛtiye umtạ umtilen, ṭhik unạkʼge saset ar duk emaepe, ente monreye hudiseda, iń ma rạniń hoyakan, ar rạnḍi doń baṅkana; ar oka lekatege bạń dukokʼa.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’