Philipiko lạgitʼ Pạul apostolakʼ ciṭhi 3:18 - সান্তালী বাইবেল

¹⁸ Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiyape kana, nonkan aema hoṛ menakʼkoa one okoe do Mạsiyakʼ kurusren bạiri lekako colonetʼkan.

Santali Common Language New Testament

¹⁸ Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiape kana, nonkan aema hoṛ menakʼkoa one okoe do Mạsiakʼ krusren bạiri lekako colonetʼkan.

Philipiko lạgitʼ Pạul apostolakʼ ciṭhi 3:18 Cross References

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Jesaea 8:11

Probhu Isor do acʼakʼ daṛeanakʼ ti iń cetanre dohokate iń tulucʼe galmaraokeda. Uni doe sontorkedińa jemon noko hoṛkoakʼ horte aloń taṛam. Uni doe metadińạ,

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Levitikus 13:8

Unre naeke do arhõe ńeltaea. Ar inạko dinte rog do sạrige hartare pasnao akan khan uni do besapha menteye lại sodorea, ente ona rog do murhucʼjom rog kana.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Aposkạmi 20:19

Jihudikoakʼ ạḍi lekan phor phundi iạte bạṛicʼ biḍạukoreń paṛaolena, menkhan iń do nindhạn monte mẽtʼ dakʼ joro jorote Probhu Isorren sapʼ dapʼicʼiń hoyakana.

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiyakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛekana;

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;

2 Korinthiko 11:13

Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.

2 Korinthiko 11:29

Jãhãeye nijorlenre cetʼ uniyakʼ nijortetʼre bạń bhạgiyạdarokʼ kana? Jãhãege kạireye ńurlenre cetʼ iń do jiwi baṅ lokʼkantińạ?

2 Korinthiko 2:4

Ạḍi duk ar mon reakʼ kosṭote mẽtʼ dakʼ joro joroteń olatʼpe tahẽkana. Ape duk ocope lạgitʼ do bạń oleda, bickom apere tinạkʼ khạndri dulạṛ menakʼtiń ona baḍae ocope lạgitʼgeń olletʼ tahẽkana.

Galathiko lạgitʼ Pạul Apostolakʼ ciṭhi 1:7

Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocowape kan, ar Mạsi reaṅ bhage sombat bodolko monejoṅkan.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriyakʼtetʼ tulucʼ onkoakʼ kạmi reakʼ jãhãn jurige bạń ńelletʼte sanamko samaṅre Kephas iń metadea, “Am do Jihudi hoykate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiyakʼ ocoya, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiyakʼgeye gocʼlena.”

Galathiko lạgitʼ Pạul Apostolakʼ ciṭhi 5:21

bhinạ bhini, dola duli, hiskạ, ńu bulokʼ, rij roṅ, arhõ onkanakʼko. Iń do cetʼ leka noa lahareń sontorletʼpe ńitokʼ hõ onkageń metapekana, ar nonka kạmikanko do Isorakʼ raj baṅgeko ạidạri joṅa.

Galathiko lạgitʼ Pạul Apostolakʼ ciṭhi 6:12

Okoe hoṛmo bahre secʼ bhage udugokʼko menjoṅkan onkoge khatnakʼ lạgitʼko jormoṭetʼpea. Mạsiyakʼ kurus iạte jemon aloko khed ocokʼ onate onko do nonkako kạmiyeda.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Philipiko lạgitʼ Pạul apostolakʼ ciṭhi 1:4

Ape lạgitʼ iń koejoṅre jao ghuṛi rạskạ salakʼ iń koejoṅ kana,

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

2 Thessalonikiko 3:11

Alele ańjomeda ape modre adomko do ḍhilisiliko coloneda, ar kạmige bako kạmikana, bickomko ajare baṛayeda.

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.