Philipiko lạgitʼ Pạul apostolakʼ ciṭhi 3:12 - সান্তালী বাইবেল

¹² Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

Santali Common Language New Testament

¹² Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

Philipiko lạgitʼ Pạul apostolakʼ ciṭhi 3:12 Cross References

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Sereńko 119:5

Ohae! Amakʼ ạn leka calakʼ lạgitʼ ińakʼ monre diṛho akae jemoniń tahen.

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.

Sereńko 63:8

Ińakʼ jiwi do ame sapʼ uricʼ akatʼmea; ar amakʼ jojom ti do ińe sapʼ doho akadińạ.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Sereńko 94:15

Bicạr do dhorom ruạṛokʼa; ar sanam sojhe monan hoṛ do onako pańjaya.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Romiko lạgitʼ Pạul Apostolakʼ ciṭhi 8:39

se serma cetanakʼko reakʼ se dhạrti latar reakʼ jãhãnakʼ sirjạuakʼge okoe hõ Isorakʼ dulạṛ khon do bako begar daṛeabona. Isorakʼ noa dulạṛ do aboren Probhu Mạsi Jisurege menakʼa.

1 Korinthiko 13:10

Menkhan purạwakʼ seṭerlen khan bin purạuwakʼ do mạutạkʼa.

1 Korinthiko 13:12

Abo do ńitokʼ ạrsire pusṭạute babo ńeleda, menkhan unre samna sạmni bon ńel ńama. Iń do ńitokʼ okań baḍaekan ona do purạute bạń baḍaea, menkhan Isor do cetʼleka purạteye baḍaeyediń kan, unre onkage purạteń baḍaea.

1 Korinthiko 9:24

Ape do cetʼ bape baḍaea ńir haparao enecʼre jotokogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

2 Korinthiko 13:9

Ente alele nijorlenre ar ape do jorankope hoylenre unre ale dole rạskạkʼ kana. Arle koejoṅkana jemon jotowakʼpe sudhrạute sạbit utạrokʼ secʼpe laha idikʼ.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Galathiko lạgitʼ Pạul Apostolakʼ ciṭhi 5:17

Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin upạrtekin meneda ape okape monejoṅkan ona do alope kạmiya.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Ephesiko lạgitʼ Pạul Apostolakʼ ciṭhi 4:12

Uni doe bahalketʼkoa jemon Isorren sanam hoṛko uniyakʼ sapʼdapʼ lạgitʼko sapṛaokʼ ar nonkate Mạsiyakʼ hoṛmo jemon benao rakabokʼa.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Philipiko lạgitʼ Pạul apostolakʼ ciṭhi 3:16

Metakʼme, abo do dhoromokʼ lạgitʼ tinạkʼ hạbicʼ bon laha idiakan inạ dharatege taṛam idi lek tabona.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

1 Thessalonikikko 5:15

Ńelpe, okoe hõ bạṛicʼ bodol bạṛicʼ do jãhãe aloe halawae ma. Ape do jaoge eṭakʼ sanamko lạgitʼ bhạlại reakʼ kurumuṭuipe.

2 Thessalonikiko 2:13

Probhu Isorre dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao dohoakatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriyakʼre apeakʼ biswạs hotete kại khon bańcaope ńamakada.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

1Timothi 6:19

Noate apnar lạgitʼ nonkan dhonko jogao joṅa one oka do darakan dinko lạgitʼ mitʼṭecʼ keṭecʼ rehetʼ lekako hoyokʼte, sạriyakʼ reakʼ jionko sapʼ dohojoṅ.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.