Philipiko lạgitʼ Pạul apostolakʼ ciṭhi 2:6 - সান্তালী বাইবেল

⁶ Ente uni do Isor reakʼ rupane tahẽkanre Isor barabari tahen do luṭjoṅakʼ bae metatʼa.

Santali Common Language New Testament

⁶ Ente uni do Isor reakʼ rupane tahẽkanre Isor barabari tahen do luṭjoṅakʼ bae metatʼa.

Philipiko lạgitʼ Pạul apostolakʼ ciṭhi 2:6 Cross References

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 10:30

“Iń ar Baba doliń mitʼgea.”

Johan 10:33

Mukhiyạkoko menkeda, “Bhage kạmi iạte tińme do bale meneda, menkhan Isor upạrte henosta reakʼ katham roṛetʼkan iạtege. Ente am do manwa hoekate hõ Isorem benaokʼkana.”

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 14:28

Ańjom akadape ińiń menakatʼpea, ‘iń doń calakʼkana ar ape ṭhen arhõń ruạṛ hijukʼa.’ Ape do ińpe dulạṛliń khan Baba ṭheniń calakʼkan iạtepe rạskạkokʼa, ente Baba do iń khon hõe maraṅgea.

Johan 14:9

Jisu do uniye metadea, “E Philip, nunạkʼ din ape tulucʼ minạńa, enrehõ cetʼ bape baḍae akadińạ? Okoe ińe ńelakadiń uni do Baba hõe ńelakadea. Am do cekatem meneda, ‘Baba baṛe udukʼaleme?’

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Johan 20:28

Unre Thomae menkeda, “E ińren Probhu, E ińren Isor.”

Johan 5:18

Jisuakʼ noa katha iạte mukhiyạko do goje reakʼ artetʼ dão ńam baṛaeko ehopʼena, ente uni do eken jirạukʼ mãhã reakʼ niạme rạputʼeda ona do baṅ, bickom Isor do acʼren Baba menteye metaekante acʼ do Isor somane benaokʼkana.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ibriko 1:6

Baṅ, ona do bae menakada. Isor do acʼren dulạṛiạ Hopon noa dhạrtite kole jokhecʼe men akada, “Isorren sanam goḍetko do uniko sewawae ma.”

Ibriko 1:8

Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.