Philipiko lạgitʼ Pạul apostolakʼ ciṭhi 2:15 - সান্তালী বাইবেল

¹⁵ jemon bin dusạn ar khạṭipe hoydaṛeakʼ ar niạ peṛta piṛhiren bạṛicʼ hoṛko talare Isorren niphuṭ gidrạkope hoydaṛeakʼ.

Santali Common Language New Testament

¹⁵ jemon bin dusạn ar khạṭipe hoedaṛeakʼ ar niạ peṛta piṛhiren bạṛicʼ hoṛko talare Isorren niphuṭ gidrạkope hoedaṛeakʼ.

Philipiko lạgitʼ Pạul apostolakʼ ciṭhi 2:15 Cross References

Sereńko 122:5

Bicạr reakʼ siṅghạson do onḍege menakʼa, Dạud gharońjren hoṛkoakʼ siṅghạsonge.

Exodus 34:35

Ar hoṛko ńeletʼ tahẽkana, Moseyakʼ mẽtʼãhã do malkao akana. Mose do arhõ acʼakʼ mẽtʼãhãe esetʼkakʼkan tahẽkana ar Probhu Isor sãote galmaro lạgitʼ ạuriye calakʼ hạbicʼ uniyakʼ mẽtʼãhã do poṭom esetʼge tahenkan tahẽkana.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Kạhtukko 8:8

Ińakʼ moca reakʼ sanam kathako do ṭhikgea, onare peṛtawakʼ ar bạṛicʼ monsubạ do bạnukʼa.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Aposkạmi 2:40

Ona chaḍa arhõ ạḍi utạr kathakote Patras do goha emokʼe ehopʼena. Uni do noa menkate bujhạu ocokoe kurumuṭukeda, “Niạ peṛta piṛhiren hoṛko khon apnarte bańcaokʼpe.”

Aposkạmi 20:30

Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Romiko lạgitʼ Pạul Apostolakʼ ciṭhi 16:19

Apepe bataoetʼ reakʼ katha do jotogeko ańjomakada, ar onate apereń kusiakana. Iń doń khojkana ape do jemon bhageakʼko oromkatepe ataṅ ar bạṛicʼakʼko khon pharakpe tahen.

1 Korinthiko 1:8

Aboren Probhu Jisu Mạsige mucạtʼ hạbicʼe ṭarhao ocopea, onate uniyakʼ hijukʼ dinre ape do sanam lekan bin dusạnkope hoyokʼa.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Dosar Biboron 32:5

“Acʼren hoṛko do unire bạṛicʼko beohar akada. Onkoakʼ dos dạgi iạte uniren hopon ar hoponera doko baṅkana. Onko do bin pạtiạran ar phepṛa hoṛ kanako.

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiyakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseyakʼ ạn-ạriko manaore okoe hõ bako dusiledińa.

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

1Timothi 3:10

Laharege biḍạu maṛaṅko hoyokʼa, ar inạ tayom bin dusạnko sạbudlen khan onko do sapʼ dapʼkoko hoedaṛeakʼa.

1Timothi 3:2

Onate manḍer ạyuricʼ do nonkanicʼ hoyokʼ jạruṛa jemon okoe hõ uni do aloko dusi daṛeae. Uniren do mitʼṭen erae tahentaema. Uni do sote ar apnarte sambṛaokʼicʼ ar bhage bud akel tahen jạruṛtaea. Uni do soṛa ar pekʼṛayicʼ hoyokʼ jạruṛtaea. Ar eṭakʼko cetʼako reakʼ daṛe hõ tahen jạruṛtaea.

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

1Timothi 5:20

Okoe mukhiyạko kạkạitegeko tahen onko do manḍerren sanam hoṛko samaṅre nisṛạukom jemon eṭakʼ mukhiyạko hõ botor tahentako.

1Timothi 5:7

Onko do noako babotre hukumakope jemon okoe hõ aloko dusi daṛeako.

Titus lạgitʼ Pạul Apostolakʼ ciṭhi 1:6

Manḍerren maraṅ mukhiyạ do nonkanicʼ hoyokʼ jạruṛaea jemon uni do okoe hõ aloko dusi daṛeae. Uniren do eken mitʼṭen erae tahen ma. Uniren gidrạko do Mạsire biswạsiko hoyokʼ ma, onko do akoakʼ kusi sana leka aloko colon ma ar bebataoko aloko hoyokʼma.

Titus lạgitʼ Pạul Apostolakʼ ciṭhi 2:10

kisạ̃ṛkoakʼ jinisko aloko kombṛoema, bickom sanamakʼre pạtiạr kanako menteko sạbudokʼma, jemon aboren babańcaoicʼ Isorakʼ oka cecetʼakʼ menakʼ ona joto secʼ khon mońj okocʼteko benao rakabokʼ.

Titus lạgitʼ Pạul Apostolakʼ ciṭhi 2:15

Onate am do purạ ektiạri salakʼ noako reaṅ sikhạu paṛhaokom, sopolha emakom ar dosko udukʼakome. Ar am do okoe hõ alo jemonko neṅghaome.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

Johan sodor 2:5

Hudiskate ńelme, am do tinạkʼ usul khon tinạkʼ latartem pheḍakana. Noa khon mon ạcurtam ar lahate okakom kạmikan tahẽkan onare ruạṛme. Ar mon bam ạcurletam khan enḍekhan am ṭhen hecʼkate amakʼ diuhe dohowakʼ do ona jaega khoniń ocoga.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.