Philipiko lạgitʼ Pạul apostolakʼ ciṭhi 2:13 - সান্তালী বাইবেল

¹³ Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Santali Common Language New Testament

¹³ Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Philipiko lạgitʼ Pạul apostolakʼ ciṭhi 2:13 Cross References

1 Rapajko 8:58

Abo do uniyakʼ joto horte calakʼ lạgitʼ ar aboren hapṛamko ṭhen okako hukum ar ạn-ạrikoe emakan ona manao lạgitʼ aboakʼ ontorre pạtiạu baṛeye dan abonma.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

Esra 1:5

Noate Jihudạ ar Benjạminren bõs mukhiyạko, naekeko ar Liwiko talare okoekoakʼ ontorre Isor do monsubại janam ocoketʼtako onko mimitʼko do Jerusalemre Probhu Isorakʼ oṛakʼ benao lạgitʼko sapṛaoena.

Esra 7:27

Aboren hapṛamkoren Probhu Isorakʼ sarhao baṛe hoyokʼtaema. Jerusalemre Isorakʼ oṛakʼre nonkan manot udukʼ reakʼ sana do rajakʼ ontorreye hoe ocoketʼtaea.

Nehemiạ 2:4

Raj do ińe metadińạ, “Am do cetʼem khojkana?” Unre iń do sermaren Isor ṭheniń koeyana.

Jobakʼ 33:29

“Isor do manwa iạte barpe dome onkayeda,

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Sereńko 119:36

Behok lab secʼ ińakʼ ontor alo ạcurokʼma, bickom amakʼ katha secʼgeń ạcurokʼ.

Sereńko 141:4

Ińakʼ mon do jãhãn bạṛicʼ jinis secʼ alom sen ocowakʼa, jemon bedhoromko sãote bạṛicʼ kạmire aloń seledokʼ; ar onkoakʼ bhage bhage jomakʼ jemon aloń jom.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Jesaea 26:12

E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jirimiạ 32:38

Onko do ińren hoṛko hoyokʼa, ar iń do onkoren Isoriń hoyokʼa.

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Luk 2:14

“Sermare Isorakʼ ṭhonok dhạrtire suluk, manwakore kusi.”

Johan 3:27

Unre Johane roṛ ruạṛatʼkoa, “Serma khon baṅ emlen khan okoe hõ cetʼge ohoe ńam daṛelea.

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Johan 6:65

Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”

Aposkạmi 11:21

Isorakʼ ti onko cetanre tahẽkante ạḍi utạr hoṛ do Probhu Isorreko pạtiạuente uni secʼko ạcurena.

Romiko lạgitʼ Pạul Apostolakʼ ciṭhi 12:3

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

Romiko lạgitʼ Pạul Apostolakʼ ciṭhi 9:11

Uni herel hoṛ doe tahẽkana aboren hapṛam Isạhakge. Unkin gidrạ ạurikin janamokʼrege ar boge bạṛicʼ ạurikin kạmirege Isor do Rebekae metade tahẽkana, “Maraṅicʼ do huḍińicʼren gutiye hoyokʼa.” Noate Isor doe udukʼletʼ tahẽkana, acʼakʼ monejoṅakʼ purạu lạgitʼgeye bachao joṅa; ar jãhãn kạmi iạte do bae onkaea bickom acʼakʼ kusilekage hoṛkoe hohowakoa.

Romiko lạgitʼ Pạul Apostolakʼ ciṭhi 9:16

Enḍekhan noa do okoeyakʼ kurumuṭu se sana lekate hõ baṅ hoyokʼ kana, eken Isorakʼ daya cetanrege ṭehãḍokʼ kana.

1 Korinthiko 12:6

Abo mimitʼko do judạ judạ kạmi bon emocoakana, menkhan ini Isorge judạ judạ dharate mimitʼko talareye kạmikana.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

2 Korinthiko 3:5

Menkhan apnarte jãhãnakʼ cekae reakʼ daṛe menakʼtalea mentele dạbi daṛeakʼa ona do baṅ, bickom ona lektetʼ do Isor ṭhen khonge hijukʼ kana.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik dohoakatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,