Philipiko lạgitʼ Pạul apostolakʼ ciṭhi 1:7 - সান্তালী বাইবেল

⁷ Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

Santali Common Language New Testament

⁷ Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiạdarkope hoyokʼ kana.

Philipiko lạgitʼ Pạul apostolakʼ ciṭhi 1:7 Cross References

Aposkạmi 20:23

Eken niạ kathań baḍaea, sonot Jiu do sanam nagrahare noa kathae baḍae ocoyediń kana je, hajotokʼ ar duk jojom hoyokʼtińạ.

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

1 Korinthiko 13:7

Dulạṛ do sanamakʼgeye sahaoa, sanamkogeye pạtiạuakoa; sanamakʼrege ase dohoya; ar sanamakʼgeye sumbhrạua.

1 Korinthiko 9:23

Iń do bhage sombat lạgitʼge noakoń onkayeda jemon onaren bhạgiyạdariń hoyokʼ.

2 Korinthiko 3:2

Aleakʼ ontorre olakan ciṭhi ma apege coṅ. Ona ciṭhi reakʼ katha do sanam hoṛgeko baḍaea ar sanam hoṛge onako paṛhao akada.

2 Korinthiko 7:3

Bicạr dusipe lạgitʼ noa katha do bạń roṛeda. Pạhilregeń menakatʼpea, ape do aleren nunạkʼ dulạṛiạko kanape je, ape tulucʼ gujukʼ hõle rạjigea ar jiwetʼ tahen hõle rạjigea.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Philipiko lạgitʼ Pạul apostolakʼ ciṭhi 1:12

E boehako, ińakʼ monejoṅakʼ do ape jemonpe baḍae daṛeakʼ, ińre oka hoyakan ona khạtirte bhage sombat porcar reakʼ kạmiko do arhõ laha idikʼkana.

Philipiko lạgitʼ Pạul apostolakʼ ciṭhi 1:13

Onate nonḍe raj dolanren palṭonko ar eṭakʼ sanamkoko baḍae daṛeada je, Mạsi iạte iń do hajotre minạńa.

Philipiko lạgitʼ Pạul apostolakʼ ciṭhi 1:14

Ona chaḍa noa hajotre minạń khạtirte ḍher boehakoge Probhu Isorre arhõ bạ̃ṛti ṭehãḍokʼko cetʼakada ar onate onko do begor botorokʼte Isorakʼ katha porcar lạgitʼ arhõ dilanko hoyakana.

Philipiko lạgitʼ Pạul apostolakʼ ciṭhi 1:5

ente Jisu Mạsi reaṅ bhage sombat porcar kạmire ape do etohopʼ khon ńit hạbicʼpe goṛo ạguwạń kana.

Philipiko lạgitʼ Pạul apostolakʼ ciṭhi 2:22

Menkhan apepe baḍaegea, Timothi do acʼakʼ pạtiạrtetʼe sạbud akada, ente cetʼleka gidrạ do apat tulucʼe kạmiyetʼkan onkage uni do iń tulucʼ Jisu Mạsi reaṅ bhage sombat porcar kạmireye khaṭao akana.

Philipiko lạgitʼ Pạul apostolakʼ ciṭhi 4:14

Enhõ ape do ińakʼ duk sasetre bhạgiyạdarpe hoyakante ạḍipe bhage akada.

Philipiko lạgitʼ Pạul apostolakʼ ciṭhi 4:15

E Philipi manḍerren hoṛko, ape hõpe baḍaegea, bhage sombat lại jạhir reakʼ etohopʼre Makedoniạ khoniń oḍok calaolenre, ape eskar chaḍakate oka manḍerrenko hõ emokʼ ar hatao babotre iń tulucʼ bako bhạgiạrilena.

Philipiko lạgitʼ Pạul apostolakʼ ciṭhi 4:3

E sạri juri arãṛtiń am hõń nehõram kana, am do nukin maejiu goṛowạkinme. Unkin do Mạsi reaṅ bhage sombat iạte iń tulucʼ, ar Klement ar ińren eṭakʼ são kạmiyạko tulucʼ kosṭokin sahao akada. Nokokoakʼ ńutum do jion reakʼ puthire olakana.

Kolossiko lạgitʼ Pạul Apostolakʼ ciṭhi 4:18

Iń Pạul do ińakʼ tite noa johar kathań oleda. Disạipe iń doń kạidi kana. Isore dayawape ma.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

Philimon 1:13

Ińakʼ kạmi lạgitʼge iń ṭhen dohokayiń menetʼ tahẽkana, jemon bhage sombat porcar khạtirte ińakʼ noa bondi dosare uni do am huyạte ińe sapʼsor daṛeạńa.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

1 Patras 4:13

Ona khon bickom Mạsiyakʼ duk jom reakʼ bhạgiyạdarkope hoyakante rạskạkʼpe, jemon uniyakʼ mạhima sodorokʼre ape do rạskạtepe perejokʼ.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

2 Patras 1:13

Menkhan ińakʼ hudisre, tinạkʼ din noa kumbạ leka bin ṭikạukʼ hoṛmore jiwetʼiń tahen unạkʼ din noako reaṅiń disạite jagwar dohope do lek kantińạ;

1 Johan 3:14

Abo do boehako bon dulạṛetʼkote, moron khon jionte bon parom hecʼakana mente bon bujhạu daṛeakʼkana. Ar okoe bako dulạṛkan onko do gocʼko talareko tahenkana.