Philipiko lạgitʼ Pạul apostolakʼ ciṭhi 1:26 - সান্তালী বাইবেল

²⁶ Onate ape talare arhõń hijukʼte ape do Mạsi Jisu hotete iń khạtirte rạskạtepe perejokʼa.

Santali Common Language New Testament

²⁶ Onate ape talare arhõń hijukʼte ape do Mạsi Jisu hotete iń khạtirte rạskạtepe perejokʼa.

Philipiko lạgitʼ Pạul apostolakʼ ciṭhi 1:26 Cross References

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

2 Korinthiko 5:12

Niạte ape ṭhen arhõ lek mente apnar do bale sarhaokʼkana bickom ale ńutumte sarhaokʼ reakʼ dãole emapekana, okoe ontor baṅ ńelkate bahre reakʼ rup ńelteko sarhaokʼkan onko jemonpe roṛ ruạṛ daṛeako.

2 Korinthiko 7:14

Iń doń kusiakana, ente ape iạte uni ṭheniń sarhaolena, ar onate iń do bạń lajao ocolena. Ona bodolte ape ṭheniń lạiletʼ aleakʼ sanamakʼ katha cetʼleka sạri tahẽkan, onkage Titus ṭhen ape iạte aleakʼ sarhaokʼ hõ sạriyakʼ mente sạbud akana.

2 Korinthiko 7:4

Apere ạḍi pạtiạu menakʼtińạ ar ape iạte ạḍitetʼ iń sarhaokʼ kana. Aleakʼ joto duk sasetre ińakʼ rạskạ do sareṛokʼ kana ar ạḍi jiwi raṛecʼ iń ńameda.

2 Korinthiko 7:6

Menkhan Isor, one okoe do dukokʼkanko jiwi raṛecʼe emakokan, uni do Titusakʼ hijukʼ hotete jiwi raṛecʼe ematʼlea.

Galathiko lạgitʼ Pạul Apostolakʼ ciṭhi 6:4

Mimitʼ hoṛ do akoakʼ kạmiko biḍạuma. Enḍekhan eṭakʼko sãote apnar aloko jurikʼma bickom acʼakʼ kạmi iạteye sarhaokʼma.

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu Isor tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 4:10

Probhu Isorre ạḍitetʼgeń rạskạkʼ kana, ente ḍher din tayom ape do arhõpe disạ ruạṛkedińa. Sạrige ape do iń lạgitʼ jaogepe dạndikʼkan tahẽkana, menkhan ona ńel ocoytape lạgitʼ ạt do bape ńamleda.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.