Philipiko lạgitʼ Pạul apostolakʼ ciṭhi 1:23 - সান্তালী বাইবেল

²³ Banarge iń doe oreń kana. Iń do gujukʼte Mạsi tulucʼ tahen sanań kana, ente ona do artetʼge bhagea.

Santali Common Language New Testament

²³ Banarge iń doe oreń kana. Iń do gujukʼte Mạsi tulucʼ tahen sanań kana, ente ona do artetʼge bhagea.

Philipiko lạgitʼ Pạul apostolakʼ ciṭhi 1:23 Cross References

2 Samuel 24:14

Unre Dạud do Gade metadea, “Iń do ạḍi muhinreń paṛao akana. Manwa tire jemon aloń paṛaokʼ; ona khon boroṅ, Probhu Isorakʼ tire bon paṛaokʼma, ente uniyakʼ daya do asambheṛgetaea.”

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Sereńko 49:15

Menkhan patal puri reakʼ ti khon Isorge chaḍao reakʼ dam lekate ińe rukhiyạyińạ; uni do acʼ ṭhen khạṭigeye idiyińạ. (Sela)

Luk 12:50

Iń do mitʼṭecʼ bạptisma ataṅ hoyokʼtińạ ar ona ạuri purạukʼ hạbicʼ ińakʼ duk do baṅ cabakʼtińạ.

Luk 23:43

Jisu do uni roṛ ruạṛadeteye metadea, “Sạrigeń metamkana, am do teheńge Paradesrem iń tulujokʼa.”

Luk 8:38

Ar okoe khon bhutko oḍoken uni do Jisui nehõradea, jemon acʼhõ uni sãoteye calao daṛeakʼ. Menkhan Jisu do noa katha menkateye bidạkadea,

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Johan 14:3

Ar senkate ape lạgitʼ jaegań benaole khan arhõń ruạṛ hijukʼa ar iń ṭheniń ataṅ idipea, jemon iń okareń tahen ape hõ onḍepe tahen.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Aposkạmi 7:59

Ar dhiriteko tińekan tahẽkanre uni do nonkae koekeda, “E Probhu Jisu, ińakʼ jiwi ataṅ tińme baṛe.”

2 Korinthiko 5:8

Aboakʼ dil do menakʼgea ar hoṛmo oṛakʼ khon pharakokʼte Probhu Isor ṭhen thamgạḍi akanbon kusiyakʼ kana.

2 Korinthiko 6:12

Ale do ape lạgitʼ aleakʼ ontorle jhicʼ akada, menkhan ape do ale upạrte apeakʼ ontorpe siń esetʼ akada.

Philipiko lạgitʼ Pạul apostolakʼ ciṭhi 1:24

Enhõ ape lạgitʼ bańcao tahen do arhõ bạ̃ṛti jạruṛtińa.

1 Thessalonikikko 2:1

E boehako, baḍaegeape, ape ṭhen aleakʼ calakʼ do ạuṛiyakʼ baṅ hoyakantalea.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

1 Thessalonikikko 4:17

Ona tayom do okoeko jiwetʼ ar sarecʼ menakʼ bon, abo hõ sermare Probhu Isor sãote ńapamokʼ lạgitʼ onko tulucʼ rimilre bon rakapʼ ocokʼa. Ar nonkate abo do jaejug hạbicʼ Probhu Isor sãote bon tahena.

2Timothi 4:6

Ente iń do ńit hoń coḍor ocokʼ kana; ar ińakʼ gujukʼ okte do seṭer akana.

Johan sodor 14:13

Ona tayom iń do serma khon mitʼ hoṛ roroṛkaniń ańjomkedea, “Noa katha olme; ńit khon okoe do Probhu Isor tulucʼ kolom mitʼkateko gujukʼkan onko do bhạganko kanako.” Sonot Jiu do noa kathae meneda, “Hẽ, onko doko bhạgangea. Onkoakʼ mehnot khon onko do jirạuko ńama, ente onkoakʼ kạmi reakʼ kuṛại do ako soṅgere tahena.”