Philipiko lạgitʼ Pạul apostolakʼ ciṭhi 1:15 - সান্তালী বাইবেল

¹⁵ Onko modre adomko do hiskạ ar dola doli monte Mạsi reaṅko porcareda, menkhan eṭakʼko do bhage monsubạtegeko kạmikana.

Santali Common Language New Testament

¹⁵ Onko modre adomko do hiskạ ar dola doli monte Mạsi reaṅko porcareda, menkhan eṭakʼko do bhage monsubạtegeko kạmikana.

Philipiko lạgitʼ Pạul apostolakʼ ciṭhi 1:15 Cross References

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiyeda ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiyeda.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

Aposkạmi 8:35

Unre Philip do sonot sostor reakʼ ona hạṭiń khon ehopʼkate uni ṭhen Jisu reaṅ bhage sombate porcarkeda.

Aposkạmi 8:5

Un jokhecʼ Philip do Samariạ disạm reakʼ mitʼṭecʼ nagrahate senkate Mạsi reaṅe porcarkeda.

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriyakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

1 Korinthiko 13:3

Jãhãnakʼge menakʼtiń ona joto do reṅgecʼ orecʼko jom ocoko lạgitʼ iń danlere ar atar giḍikʼ lạgitʼ ińakʼ hoṛmoń alaelere hõ, dulạṛ bạnukʼtiń khan cetʼ porho hõ bạnukʼtińạ.

2 Korinthiko 1:19

Okoeyakʼ katha Siluạnus, Timothi ar iń do ape ṭhenle porcar akatʼ uni Jisu Mạsi, Isorren Hopon do mitʼ ghuṛire “Hẽ” ar “Baṅ” doe baṅkana;

2 Korinthiko 11:13

Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.

2 Korinthiko 12:20

Botorokʼ kạnạń, ape ṭheniń hijukʼre ińiń monejoṅ leka hoedaṛeakʼa bạń ńampea ar ape hõ cetʼleka ńeleńpe menjoṅkan onka do bape ńameńa. Ente botorokʼ kạnạń, reṭha reṭhi, hiskạ, raṅgao, torpha-turphi, okta, cugli, phulạukʼ gulmalge pasecʼ apere ńamokʼ.

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoyakana.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

Philipiko lạgitʼ Pạul apostolakʼ ciṭhi 2:3

Apnarakʼ porho lạgitʼ se michạ bạḍạite cetʼ hõ alope cekaya, bickom nindhạn monte eṭakʼko apnar khon soros mente bujhạukope.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.