أيث-فيليـپـي 3:15 - ثريفيث 2020

¹⁵ فَلِيهَاذَا مَارَّا نشِّين إِݣ يتمْغُوْرن ذِي لْإِيمَان يتْخصَّا أَ نفكَّر اَمنِّي. مڒَا كنِّيو وَار ثْفكَّرم شَا اَمنِّي ذ أَربِّـي إِي كنِّيو غَا يسْفهْمن.

أيث-فيليـپـي 3:15 Cross References

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

لوقا 11:13

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

يوحنا 6:45

أَمُّو إِي يُوْرَا يجّن زِي لْأَنْبِيَا: <مَارَّا اَذ ڒمْذن زِي أَربِّـي.> مَارَّا ؤُو إِي س يسْڒِين إِ بَابَا اَذ يڒْمذ زَّايس اَتَاف اَغَارِي د يَاس.

يوحنا 7:17

ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

أيث-روما 15:1

فَا نشِّين إِݣ يجهْذن يتْخصَّا-يَانغ أَ نَارْبُو ضُّعف ن يِنِّي وَار يجْهِيذن شَا، مَاشِي أَ نݣّ مِين ذَانغ يتعْجِيبن إِ يِيخف نّغ أُو صَافِي.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

1 أيث-كورينث 2:6

إِنَّمَا، نشِّين نسَّاوَاض يجّن ن وَاوَاڒ ن ڒفْهَامث غَار يِنِّي وَار يقِّيمن شَا ذ يمزْيَانن ذِي لْإِيمَان نْسن. وَلَكِن ڒفْهَامث-أَ وَار د تِيس شَا زِي ڒْوقْث-أَ نِغ زِي لْحُكَّام ن ڒْوقْث-أَ إِݣ يݣُّوْرن اَذ فْنَان.

أيث-ݣلاطيا 5:10

نش غَارِي تِّقث ذِي أَربِّـي وَار ثْقبّْڒم بُو شَان ن اَرَّاي نّغْنِي. وَلَكِن ونِّي إِي كنِّيو يسْخرْوَاضن، مِين مَا يعْنَى نتَّا اَث يحَاسب س لْعِقَاب نّس.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-كولوس 1:28

لْمَسِيح-أَ نتْبشَّار زَّايس إِ يِوْذَان، نْنهَّا-ثن مَارَّا إِذْسن، نْسڒْمَاذ-يثن س مَارَّا ڒفْهَامث بَاش أَ نْقدّم يوْذَان مَارَّا ذِي لْمَسِيح بْڒَا شَا ن ڒْعِيب إِ أَربِّـي.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

1 أيث-سلونيك 4:9

ڒخُّو عْلَاحْسَاب ڒمْحِبّث جَارَاوم وَار نْتحْذِيجِي شَا عَاذ اَذَاوم نَارِي، مَايمِّي؟ مِينْزِي يسڒْمذ-يكنِّيو أَربِّـي س يِيخف نّس اَذ تخْسم اَيَاوْيَا.

2 تيموتاوس 3:17

حمَا اَرْيَاز ن أَربِّـي اَذ يِيڒِي يوْجذ اَذ يَاف يذبَّر-اَس س قَاع ثِمسْڒَايِين عْلَاحْسَاب كُڒ ڒْخذْمث ذ ثَصبْحَانْت.

يعيبرانيين 5:14

وَلَكِن لْمَكْلَا ن صَّح تتّن-تث غِير يِنِّي وَار يدْجِين شَا ذ يسيْمَان. نِثْنِي زمَّرن إِ لْمَكْلَا نِّي ن صَّح مِينْزِي ڒبْدَا خدّْمن إِ ثْغُوْرِي نِّي إِي قَّارن تْميَّازن جَار مِين يدْجَان ذ اَصبْحَان ذ جَار مِين يدْجَان ذ اَعفَّان.

1 يوحنا 2:5

وَلَكِن ونِّي إِݣ يتْطَاعَان إِ وَاوَاڒ نّس، أَقَا وَانِيتَا ذ صَّح ثجِّيون زَّايس ڒمْحِبّث ن أَربِّـي. مَامّش غَا نݣّ نشِّين أَ نسّن إِلَّا نْزدّغ ذَايس؟