أيث-فيليـپـي 2:5 - ثريفيث 2020

⁵ أَرَّاي نْوم يتْخصَّا اَذ يِيڒِي اَم اَرَّاي ن عِيْسَى لْمَسِيح.

أيث-فيليـپـي 2:5 Cross References

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

لوقا 22:27

ؤُݣ يدْجَان ذ اَمقّْرَان؟ مَا ذ ونِّي يقِّيمن اَذ يشّ نِغ ذ ونِّي إِي خَاس يتْسخَّارن؟ يَاش ذ ونِّي يقِّيمن اَذ يشّ نِغ لَّا؟ وَلَكِن نش اَقَايِي اَكِذْوم اَم ونِّي إِي خَاوم يتْسخَّارن.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

أيث-روما 14:15

لِأَنَّا مڒَا يتْخيَّاق وُوْمَاش س مَشَّا نِّي إِي تتّذ، أَتَاف شك وَار ثُوْݣُّوْرذ شَا نِيشَان س ڒمْحِبّث. وَار تݣّ شَا مَشَّا نّش ذ سَّبَاب إِي زِي غَا ينهْذم وُوْمَاش ونِّي مِيخ يمُّوْث لْمَسِيح.

أيث-روما 15:3

لِأَنَّا لْمَسِيح وَار يݣِّي شَا مِين ذَاس يتعْجِيبن إِ يِيخف نّس، يݣَّا مَامّش يقّار لْكِتَاب: <ڒْبَاطڒ إِي خَاش نَّان يفْضح-اَيِي.>

أيث-روما 15:5

أَربِّـي يعْنِي ونِّي يتِيشّن صّْبَر يتْشجَّاع-يكنِّيو، أَتَاف اَكنِّيو يسْمُوْن حمَا اَذ تِيڒِيم ذ يجّن خْمِي ثْذفَّارم عِيْسَى لْمَسِيح،

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

1 يوحنا 2:6

يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.