أيث-فيليـپـي 1:27 - ثريفيث 2020

²⁷ لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 1:27 Cross References

أَسڒْمذ ن سِيذِيثْنغ عِيْسَى لْكِتَاب ن مَتَّى 12:25

ئِسّن عِيْسَى مِين نْوَان ينَّا-ٱسن: "مْكُڒ لْممْلَكَا إِي ذِي تْمنْغَان أَيثْبَاب نّس يجّن اَك ونّغْنِي اَذ تْنهْذم. مْكُڒ ثَنْدِينْت نِغ ذ ثَدَّارْث إِي ذِي تْمنْغَان اَيثْبَاب نّس يجّن اَك ونّغْنِي وَار ثْزمَّر اَذ تقِّيم.

ڒخذايم 2:46

تْمُوْنن مَارَّا إِذْسن مكُڒ نْهَار ذِي ثمْزِيذَا ثَمقّْرَانْت ن أَيث-إِسْرَائِيل. تتّن اَغْرُوْم مَارَّا ذِي ثُوْذْرِين نْسن، تتّن مشَّا س ڒفْرَاحث ذ ڒْخَاضَر نْسن.

ڒخذايم 24:24

عْذُوْن شَان وُوْسَّان، يُوْسَا-د فِيلِيكْس اَكِذس ثَمْغَارْث نّس دْرُوْسِيلَا، نتَّاث ذ ثَئِسْرَائِيلِيث. ئِڒَاغَا-د خ بُوْلُس يصنّط-اَس وَامِي يسَّاوَاڒ خ لْإِيمَان زِي عِيْسَى لْمَسِيح.

ڒخذايم 4:32

جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 1:9

لِأَنَّا أَربِّـي إِي عبّْذغ س مَارَّا ؤُڒ ينُو تْبشَّارغ س لْإِنْجِيل ن مِّيس، نتَّا قَا يسّن تْفكَّرغ ذَايْوم ڒبْدَا ذِي ثْࢲَادْجِيث ينُو. تتَّارغ مڒَا يخس أَربِّـي اَڒ ونݣَّارُو اَذ اَفغ اَبْرِيذ اَغَارْوم د اَسغ.

أيث-روما 10:8

إِيوَا مِين يقَّار لْكِتَاب؟ ئِقَّار: <أَوَاڒ-أَ يُوْذس إِ شك، أَقَاث ذݣ وقمُّوْم نّش ذ وُوْڒ نّش.> يعْنِي اَوَاڒ-أَ نتَّا ذ لإِيمَان إِي زِي نتْحدَّاث.

أيث-روما 15:29

أُو نش سّْنغ خْمِي غَارْوم د غَا اَسغ، أَذ د اَسغ س يِجّن ن ڒْمُوْدّ يشُّوْر س لْبَرَكَا ن لْمَسِيح.

1 أيث-كورينث 1:10

فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

1 أيث-كورينث 15:58

س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

أيث-ݣلاطيا 1:7

وَلَكِن وَار ذِنِّي بُو شَان ن لإِنْجِيل نّغْنِي. غِير ذِنِّي شَان يِوْذَان إِي كنِّيو يسْخرْوَاضن رزُّوْن اَذ سْعوّْجن لإِنْجِيل ن لْمَسِيح.

أيث-ؤفسوس 1:13

ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 1:15

خ مَانَايَا، نش زݣ وَامِي تُوْغَا تسْڒِيغ خ لِإِيمَان نْوم زِي سِيذِيثْنغ عِيْسَى ذ ڒمْحِبّث نْوم إِ مَارَّا صَّالِحِين

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-فيليـپـي 1:5

ڒَاحقَّاش ثْشَرّْشم اَكِذِي ذِي لْإِنْجِيل زِي نْهَار اَمزْوَارُو اَڒ ڒخُّو.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

أيث-فيليـپـي 2:24

أُو نش اَقَايِي مْتيّْقن ذِي سِيذِيثْنغ اَغَارْوم د اَسغ ذغْيَا ؤُڒَا ذ نش.

أيث-فيليـپـي 3:18

لِأَنَّا ذِنِّي اَطَّاس ن يِنِّي يݣُّوْرن ذ ڒْعَذْيَان خ صَّلِيب ن لْمَسِيح. أَوَاڒ-أَ نِّيغ-اَوم-ث زِي قْبڒ، ڒخُّو تْعَوَاذغ-اَوم-ث س يمطَّاون ينُو.

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

أيث-فيليـپـي 4:1

إِذن آي أَيثْمَا إِي خَافِي يعِيزّن إِي تْوحَّاشغ إِݣ يدْجَان ذ ڒفْرَاحث ينُو ذ تَّاج ينُو، أَمنِّي لَابُد يتْخصَّا اَذ تقِّيمم ثْبدّم ذِي سِيذِيثْنغ آي يمْعِيزّن ينُو.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 1:4

لِأَنَّا نتسْڒَا خَاوم خ لْإِيمَان نْوم إِي ذَايْوم خ عِيْسَى لْمَسِيح ذ ڒمْحِبّث نْوم إِي تݣّم إِ صَّالِحِين مَارَّا.

1 أيث-سلونيك 3:6

ڒخُّو يذْوڒ-د غَارْنغ زَّايْوم تِيْمُوْتَاوُس، يُوْوِي-يَانغ-د يجّن ن ڒخْبَار ذ اَصبْحَان خ لْإِيمَان نْوم ذ ڒمْحِبّث نْوم. ينَّا-ٱنغ اَقَا تْخمَّامم ذَايْنغ مْلِيح، ذَايْوم عَاوذ مزْڒِي اَذَانغ ثࢲرم ؤُڒَا ذ نشِّين ذَايْنغ مزْڒِي اَكنِّيو نْࢲر.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

1 تيموتاوس 1:19

أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر.

2 تيموتاوس 4:7

أَمنْغِي-يَا اَصبْحَان منْغغ-ث، ثَازّْڒَا-يَا كمّْڒغ-ت، لْإِيمَان حْضِيغ-ث.

ثبرات غار تيتوس 2:10

وَار تَاشَارن شَا أَيثْبَاب نْسن بَاش اَذ سّْنن بلِّي نِثْنِي ذَايْسن مَارَّا تِّقث بَاش س مَارَّا يبْرِيذن اَذ زوّْقن لْإِيمَان ن أَربِّـي إِي ذَانغ يسْنجْمن.

ثبرات غار فليمون 1:5

قَا نش تسْڒِيغ خ لْإِيمَان نّش إِي ذَايش زِي سِيذِيثْنغ عِيْسَى ذ ڒمْحِبّث نّش غَار مَارَّا صَّالِحِين.

ثبرات غار يعقوب 3:18

يِنِّي يسمْصْڒَاحن يوْذَان زرّْعن مَانَاينِّي، أَتَاف اَذ مْجَرن يجّن ن ثْفدْجَاحْث ن ڒْحَقّ.

2 بطرس 3:11

مڒَا اَمنِّي إِي غَا تْوَامْحَانْت مَارَّا ثِمسْڒَايِين-أَ، مَامّش إِي غَا ثِيڒِي ثُوْذَارْث نْوم؟ إِيوَا أُو لَابُد اَذ تْعِيشم س يِجّن ن ثُوْذَارْث ثصْفَا اَذ طَاعم إِ أَربِّـي

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

ثبرات زي يهوذا 1:3

آي يمْعِيزّن ينُو، تُوْغَا رْزُوْغ اَذَاوم اَرِيغ خ ؤُبْرِيذ نِّي إِي زِي نْنجّم نشِّين إِي ذِي نْشَرّش مَارَّا، وَلَكِن ؤُفِيغ أُو لَابُد اَذَاوم اَرِيغ طَّالَب-أَ حمَا اَذ تْمنْغم خ لْإِيمَان-أَ إِي زِي تْوَاكلّْفن صَّالِحِين ذݣ يِجّن ن ثْوَاڒَا إِ ڒبْدَا.