أيث-فيليـپـي 1:20 - ثريفيث 2020

²⁰ تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

أيث-فيليـپـي 1:20 Cross References

يوحنا 21:19

ينَّا مَانَاينِّي عِيْسَى حمَا اَذ يسْبيّن مَامش غَا يمّث بُطْرُس حمَا اَذ تْمظْهَار لْعَظَمَا ن أَربِّـي. وَامِي إِي ذَاس ينَّا مَانَاينِّي، ينَّا-ٱس: "ذْفَار-اَيِي-د.‍"

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 21:13

ينَّا-ٱنغ: "مِين كنِّيو يُوْغِين؟ مَايمِّي إِي ذَايِي ثحْفَرم ذݣ وُوْڒ س يمطَّاون نْوم؟ نش اَقَايِي مُوْجُوْد مَاشِي اَذَايِي قّْنن وَاهَا. نش اَقَايِي مُوْجُوْد اَذ مّْثغ ذِي لْقُدْس عْلَاحْسَاب يسم ن سِيذِيثْنغ عِيْسَى!"

ڒخذايم 4:31

وَامِي كمّْڒن ثْࢲَادْجِيث نِّي ينْهزّ ومْشَان نِّي مَانِي مُوْنن، شُّوْرن نِثْنِي مَارَّا س أَرُّوْح يقدّْسن سَّاوَاڒن س وَاوَاڒ ن أَربِّـي س يِجّن ن زْعَامث.

أيث-روما 12:1

إِذن فَا آي اَيثْمَا، س اَرَّاحْمث ن أَربِّـي تْشجَّاعغ-كنِّيو اَذ تْقدّْمم يخف نْوم إِ أَربِّـي اَمشْنَاو يجّن ن دْبِيحث ثدَّر، ذ ثَمْقدّسْت، أَخَاس يَارْضَا نتَّا. مَانَايَا ذ لْوَاجِب ن لْعِبَادَا خَاوم.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

أيث-روما 6:19

نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

أيث-روما 9:33

مَامّش يقَّار لْكِتَاب: <أَقَا ݣِّيغ ذِي ثنْدِينْت ن لْقُدْس يج ن تِّيرْشث إِي ذِي تنْقْڒَاظن يِوْذَان، ذ يِجّن ن وزْرُو إِي ثن يغطّْڒن. ونِّي إِي زَّايس غَا يَامْنن، عمَّارْص اَث خيّْبغ.>

1 أيث-كورينث 15:31

آي أَيثْمَا، تْوَاجَاهغ ڒْموْث كُڒ نْهَار! قَّارغ-اَوم مَانَايَا س لْإِفْتِخَار-أَ إِي غَارِي ذَايْوم عْلَاحْسَاب ثُوْذَارْث-أَ نّغ إِي غَارْنغ ذ يْشْتن اَك سِيذِيثْنغ عِيْسَى لْمَسِيح.

1 أيث-كورينث 6:20

مِينْزِي تْوَاسْغم كنِيو س يِجّن ن تَّمَن. فَلِهَاذَا، سمْغَارث أَربِّـي س دَّات نْوم.

22 أيث-كورينث 10:8

وَاخَّا تفْتَخَرغ شْوَايْت س صَّرَاحَا-يَا خ سُّلْطَا نِّي إِي ذَانغ يُوْشَا سِيذِيثْنغ، وَلَكِن وَار تْسذْحِيغ شَا زِي مَانَايَا. سُّلْطَا-يَا يُوْشَا-ٱنغ-ت حمَا اَكنِّيو نْسجْهذ مَاشِي حمَا اَكنِّيو نرز.

22 أيث-كورينث 3:12

إِذن، مڒَا غَارْنغ يجّن ن لْأَمَال اَم وَانِيتَا اَتَاف غَارْنغ يجّن ن زْعَامث.

22 أيث-كورينث 4:10

ڒبْدَا نَربُّو ذِي دَّات نّغ ڒْموْث ن عِيْسَى بَاش اَذ د تْمظْهَار ؤُڒَا ذ ثُوْذَارْث ن عِيْسَى ذِي دَّات نّغ.

22 أيث-كورينث 5:15

يمُّوْث نتَّا عْلَاحْسَاب مَارَّا يوْذَان بَاش يِنِّي يدَّرن وَار تدَّرن شَا إِ يِيخف نْسن وَاهَا، أَذ دَّرن إِ ونِّي خَاسن يمُّوْثن ثُمَّا يتْوَاسكَّر-د زِي ڒْموْث.

22 أيث-كورينث 7:14

وَامِي زَّايْوم فْتَخَرغ غَار تِيْتُوْس وَار يدْجِي مَايمِّي غَا سذْحِيغ ڒخُّو. ڒَاحقَّاش مَامّش نسِّيوڒ اَكِذْوم نِيشَان ذِي مَارَّا، ؤُڒَا ذ لْإِفْتِخَر نّغ خَاوم غَار تِيتُوْس قَا يفّغ-د نِيشَان.

22 أيث-كورينث 7:4

نش تݣّغ اَكِذْوم زْعَامث اَطَّاس، لْإِفْتِخَر إِي غَارِي ذَايْوم يمْغَر. تْوَاشجّْعغ اَطَّاس، ڒفْرَاحث ينُو تمْفيَّاض-د خ مَارَّا ڒمْحَاين نّغ.

أيث-فيليـپـي 1:14

خ سَّبَاب ن سْنَاسڒ-أَ ينُو اَزْين اَمقّْرَان ن أَيثْمَا تْوَاشجّْعن بَاش اَذ سِّيوْڒن س وَاوَاڒ ن أَربِّـي س يِجِّن ن زْعَامث حْسن زِي قْبڒ بْڒَا ثِيݣّْوْذِي.

أيث-فيليـپـي 2:17

نش فَرّْحغ اَكِذْوم س يِجّن ن ڒفْرَاحث مَعْلِيش مڒَا فرّْغن-اَيِي-د وَاهَا اَم يِجّن ن صّذْقث ن يذَامّن خ دْبِيحث نْوم إِي تْقدَّامم كنِّيو س لْإِيمَان نْوم.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

1 بطرس 4:16

إِنَّمَا، مڒَا شَان يجّن يتْوَاعدَّاب ڒَاحقَّاش نتَّا ذ اَمَسِيحِي يتْخصَّا-ٱس وَار يتْسذْحِي شَا، أُو لَابُد اَذ يسمْغَار أَربِّـي ڒَاحقَّاش ييْسِي-د يسم نّس.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.