Lucas 4:2 - CHUYA QELLQA La Biblia en Quechua de Ayacucho 2012

² Chaypim tawa chunka punchaw kamurqa, hinaptinmi diabloñataq tentarqa. Jesusqa manam chay punchawkunapiqa imatapas mikurqachu, chayraykum yarqarachikurqa.

Quechua Ayacucho Bible 1987

² Chaypim tawa chunka punchawpuni diablopa tentasqan karqa, chay punchawkuna mana imatapas mallisqanraykum chaymantañam yarqachikurqa.

Chuya Qellqa 1992

² Chaypim tawa chunka punchaw kamurqa, hinaptinmi diabloñataq tentarqa. Jesusqa manam chay punchawkunapiqa imatapas mikurqachu, chayraykum yarqarachikurqa.

Lucas 4:2 Cross References

1~Reyes 19:8

Eliasñataqmi hatarispan mikurqa hinaspa tomarqa. Chay mikuywan kallpanchakuykuspanmi tawa chunka punchaw tawa chunka tuta rirqa “Diospa orqon” nispa sutichasqa Horeb orqokama.

Éxodo 34:28

Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Hebreos 2:18

Paypas tentasqa kaspam ñakarirqa, chayraykum tentasqakunatapas chaylla yanapaykun.

Deuteronomio 9:9

Ñoqam orqoman qespirqani tabla rumikunata chaskiq. Rirqaniqa qamkunawan Tayta Diospa pacto ruwasqan tabla rumikuna chaskiqmi. Chay orqopim tawa chunka punchaw hinaspa tawa chunka tuta kamurqani, mana mikuspa nitaq yakutapas tomaspa.

Juan 4:6

Chaypim Jacobpa pozon karqa. Chaymi Jesusqa hamusqanpi pisiparamuspan chay pozopa patanpi tiyaykurqa. Yaqa chawpi punchawñam karqa.

Deuteronomio 9:18

Chaymantam Tayta Diospa qayllanpi qonqorakuykurqani, hinaspam ñawpaqta hina tawa chunka punchaw hinaspa tawa chunka tuta mana mikurqanichu nitaq yakutapas tomarqanichu. Chaynatam Tayta Diospa contranpi huchallikuspa piñachisqaykichikmanta ruwarqani.

Mateo 21:18

Tutapayta Jerusalenman kutimuchkaspanmi yarqarachikurqa.

Mateo 4:2

Chaypim tawa chunka punchaw tawa chunka tuta mana mikusqa karqa, chaymantam yarqarachikurqa.

Jonás 3:7

Hinaspam reyqa yanapaqninkunapiwan, Nínive llaqtapi kamachikurqa kaynata: Amam pipas mikunqachu, hatun uywakunawan taksa uywakunapas amataqmi pastota mikunqachu, nitaq yakutapas tomanqachu.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

1~Samuel 17:16

Chay filisteo runam lloqsimuq sapa tutapayta chaynataq chisinkuyta Israel tropakunata insultananpaq, chaynatam tawa chunka punchawña ruwarqa.

Deuteronomio 9:25

Wañuchisunaykichikpaq Tayta Dios rimasqanraykum paypa qayllanpi tawa chunka punchaw hinaspa tawa chunka tutan qonqorakuykurqani.

Éxodo 24:18

Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Lucas 4:3

Chaymi diabloñataq nirqa: Diospa Churin kaspaykiqa kay rumitayá kamachiy tantayarunanpaq, nispa.