Juan 7:4 - CHUYA QELLQA La Biblia en Quechua de Ayacucho 2012

⁴ Reqsichikuyta munaspaqa, manam pipas pakasqallapiqa imatapas ruwanchu. Kaykunata ruwachkaspaykiqa lliw runakunawanyá reqsichikamuy, nispanku.

Quechua Ayacucho Bible 1987

⁴ Manam pipas pakasqallapiqa imatapas ruranchu runakunapa reqsisqan kayta munaspaqa, kaykunata rurachkaspaqa llapa runapa rikusqantayá ruray —nispa.

Chuya Qellqa 1992

⁴ Reqsichikuyta munaspaqa, manam pipas pakasqallapiqa imatapas ruwanchu. Kaykunata ruwachkaspaykiqa lliw runakunawanyá reqsichikamuy, nispanku.

Juan 7:4 Cross References

1~Reyes 22:13

Qayamunanpaq riq runañataqmi Micaiasta nirqa: Llapa profetakunaqa lliwpas allinllatam reyman willachkanku. Chaynaqa, ama hina kaspayá qampas paykuna hina allinllata nimuy, nispa.

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Mateo 4:6

nirqa: Sichum Diospa Churin kaspaykiqa kaymanta pawaykuy, qellqasqam kachkan: “Qamraykum waqaychasunaykipaq angelninkunata Dios kamachimunqa. Paykunam makinkupi chaskisunki, rumikunaman chakikita mana takakunaykipaq”, nispa.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Mateo 6:5

Mañakuspaykichikqa amayá iskay uyakuna hinachu kaychik, paykunaqa sinagogakunapi hinaspa callepa esquinankunapi sayaykuspa mañakuytam kuyanku, chaynataqa ruwanku runakuna qawananpaqmi. Cheqaptapunim nikichik: Paykunapaqqa ñam premionku kachkanña.

Lucas 6:45

Allinkuna ruwaq runaqa allin kaqkunata sonqonpi waqaychasqanmantam allin kaqkunata hurqomun, mana allin runañataqmi mana allin kaqkunata sonqonpi waqay-chasqanmanta mana allin kaqkunata hurqomun. Runaqa imatapas sonqonpi waqaychasqantam riman.

Juan 18:20

Jesusñataqmi nirqa: Ñoqaqa llapa runapa qayllanpim rimarqani. Tukuy tiempom sinagogapi chaynataq llapa judiokunapa huñunakunan templopipas yachachirqani, ñoqaqa manam pakasqallapichu imatapas rimarqani.

Juan 7:3

wawqenkuna nirqaku: Kaymanta lloqsispa Judea lawkunaman riy, chaynapi imam ruwasqaykikunata qawanankupaq.

Juan 7:5

Chaynataqa nirqaku Jesuspi mana creesqankuraykum.