Juan 4:9 - CHUYA QELLQA La Biblia en Quechua de Ayacucho 2012

⁹ Samaria llaqtayuq warmiñataqmi nirqa: ¿Judío kachkaspaykichu yakuta tomanaykipaq Samaria llaqtayuq warmitaraq mañakuwanki? nispan. (Chaynataqa nirqa judiokunawan samaritanokuna mana allinpi apanakusqankuraykum).

Quechua Ayacucho Bible 1987

⁹ Chay Samaria law warmim Jesusta nirqa: —Judio kachkaspaykiqa ¿imanasqataq ñoqa samaritanataqa yakuta mañawanki? —nispa. Judiokunaqa manam rimanakuqkuchu Samariapi kaqkunawanqa.

Chuya Qellqa 1992

⁹ Samaria llaqtayuq warmiñataqmi nirqa: ¿Judío kachkaspaykichu yakuta tomanaykipaq Samaria llaqtayuq warmitaraq mañakuwanki? nispan. (Chaynataqa nirqa judiokunawan samaritanokuna mana allinpi apanakusqankuraykum)

Juan 4:9 Cross References

Mateo 10:5

Kay chunka iskayniyuq discipulonkunatam Jesús kacharqa kaynata kamachispan: Diosta mana reqsiq runakunapa llaqtanmanqa amam rinkichikchu, amataqmi Samaria lawpi llaqtakunamanpas yay-kunkichikchu.

Lucas 10:33

Ichaqa Samaria llaqtayuq runam chayninta richkaspan paypa kasqanman chayarurqa, hinaspam rikuruspan llumpayta llakipayariykurqa.

Juan 4:27

Chaynata rimachkaptinkum discipulonkuna chayaramurqaku, hinaspam warmiwan rimaqta qawaykuspanku admirakurqaku, ichaqa manam mayqanninkupas nirqakutaqchu: “¿Imatataq tapuchkanki?” otaq “¿imatataq kay warmiwan rimachkanki?” nispankuqa.

Juan 8:48

Judiokunam Jesusta nirqaku: Imam kaqmantam nikiku “qamqa Samaria law” runa kasqaykimanta hinaspa demonioyuq kasqaykimanta, nispayku.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 10:28

Chaymi paykunata Pedro nirqa: Qamkunaqa yachankichikmi judiokunaqa mana judío kaqkunawanqa manam hukllawakuymankuchu, manataqmi wasinmanpas yaykuymankuchu leyniyku harkawasqankurayku. Ichaqa Diosmi qawaykachiwan amaña pitapas “kayqa millakuypaqmi otaq huchasapa runam” nispa ninaypaq.

Hechos 10:32

Kunanyá runakunata Jope llaqtaman kachay, Pedrowan sutichasqa Simonta pusamunankupaq. Paymi samapakuchkan lamar qochapa patanpi yachaq suela ruwaq Simonpa wasinpi”, nispa.