ฟีลิบปี 1:13 - Prai Bible

¹³ ก็ ฮุนเน ดาย ‍ ตี เอิญ อุ ตัก ลุก เน ก็ ญอน เอิญ เป็น ลูกนอง เยซู คริด ‍ ครำ พาเน อัห ก็ เลอะ เม็จ มด ‍ ปึง ทฮาน ตี เพา ญาม ตัก เจิง พะเจายูฮัว อัห ก็ เลอะ เม็จ มด ‍

ฟีลิบปี 1:13 Cross References

ตัวแทน 26:29

เปาโล ก็ เค็ย “จ็อก ดก จ็อก แย็ด ก็ ตึก ‍ เอิญ ก็ ครอ เคิบ เอาซาง จวย ระ แป เจือ มอก เอิญ เน มด จู ล็อง จู นัง ตี กุญ ปัง แญง เอิญ งิ นะ เน ดาย ‍ แต ไอ แมน เป็น นักโทด มอก เอิญ เน” เปาโล ไล พะเจายูฮัว จังนะ

ตัวแทน 26:31

ปน อัห ทอก เจ็น ฮ็อง แลว ‍ อัห ก็ จ็อก เคิบ นอย เค็ย “เออ ‍ ล็อง เน นำ ไอ มี แอง พิด ซีวะ นอ ‍ ไอ มี จบ เลาะ มเบิล นำ ‍ ไอ มี ซมควน เติล นำ เตาะ” อัห อัง

ตัวแทน 28:17

แพะ งิ เจ็นนัน วัล ‍ เปาโล ก็ มพอล ปึง ซะ แกะ ครำ ยิว โตะ พซุม นอย ‍ โตะ อัห มด แลว ‍ นำ ก็ ไล อัห ซือๆ คือเน “ควน นไจ เฮย ‍ ครอ ระ แป ปัง เอิญ วาล ดาย ‍ เอิญ ไอ มี แอง พิด ซีวะ ซิห ครำ ยิว แอ เน ‍ เป็น ปะเพนี เอา เม เครม แอ ก็ ตึก ‍ เอิญ ก็ ไอ มี แอง พิด เตาะ ‍ แต ครำ ยิว จบ เญ็บ เอิญ ตัก เมือง เยรูซาเล็ม กำนา ‍ อัห ก็ ลด มอบ เอิญ อน ตัก ครำ โรม เติล วัล ‍

ตัวแทน 28:20

ตี เอิญ มพอล แป โตะ งิ นะ เน ‍ ก็ เป็น ตัก เอิญ ซีรอก ไล เลือง เน อน ตัก แป ‍ ตี อัห เอิด โซ ท็อก เอิญ เน ก็ เป็น ตัก เอิญ เจือ ล็อง นัน ตี ครำ อิซราเอล แอ วาง เพา อุ นัน” เปาโล อัง เค็ย อัห ‍ ตัวแทน 25:11

ตัวแทน 28:30

เปาโล ก็ พัก อุ ตัก เจิง ตี นำ เจา เอิด นัน เปียะ วาง ‍ จู ล็อง ตี โตะ แอว และ นำ ‍ นำ ก็ ตอนฮับ อัห เลาะ ซีเละ ‍

เอเฟซัด 3:1

ทาเน เอิญ เปาโล ‍ เอิญ ก็ ครอ วอน เอาซาง เพือ แป ตี ไอ แมน ครำ ยิว ดาย ‍ เอิญ เติล ลุก เน ก็ ญอน เอิญ ไล เลือง เยซู คริด อน ตัก แป ตี ไอ แมน ครำ ยิว นัน

เอเฟซัด 4:1

ทาเน เอิญ เปาโล ‍ เอิญ อุ ตัก ลุก ก็ ญอน เอิญ ฮับไจ เอาซาง นอ ‍ ครอ เคิบ แป เตาะ ‍ ครอ ระ แป แอง เลาะๆ ‍ ซัง เพาะ เป็น ครำ ตี เอาซาง เลือก เอิด เป็น ครำ คอง ออ แลว ‍

เอเฟซัด 6:20

ตี เอิญ อุ ตัก ลุก เน ก็ ญอน เอิญ เป็น ลาม เอาซาง นอ ‍ ครอ ระ แป ครอ วอน เอาซาง เพือ เอิญ ติกๆ ‍ ระ เอิญ ไอ มี นเจิก ‍ ระ เอิญ ฮาน จ็อก ‍ ระ เพาะ เป็น ลาม คอง นำ ฮัก

ฟีลิบปี 1:30

อัห คมเฮง แป จังนัก ก็ ตึก ‍ แป ต็อง อด เอิด เลิม เคิบ เอิญ ดาย ‍ แป ก็ เม็จ แลว นอ ‍ เอิญ ตุก ญาก ลำบาก เจ็น กำนา จำ มานะ เน ‍ จู งิ เน เอิญ ก็ ควะ ลำบาก อุ ดาย ‍ เอิญ ก็ ต็อง อด เอิด ‍ มานะ เน ก็ ซำ เล็ห ตัก แป วัล ‍ แป ก็ ต็อง อด เอิด เลิม ดาย

ฟีลิบปี 1:7

เอิญ เลาะใจ เลือง แป มอก เน ก็ ซมควน แลว ดาย ‍ ก็ ญอน เอิญ รัก แป มด จู ล็อง จู นัง ‍ เอิญ รัก แป ก็ ญอน เอาซาง แอง เลาะ ซิห แอ เลิม ‍ แป ก็ ฮับไจ เอาซาง เลิม เคิบ เอิญ ตลอด ‍ เอิญ เริล ไล คาว เลาะ ตัก อัห ‍ เอิญ เริล เทียง  อัห เลือง คาว เลาะ ‍ ระ อัห เคาใจ ‍ ระ อัห เจือ ‍ แป ก็ จวย ‍ เอิญ เติล ลุก ก็ ตึก แป ก็ จวย มด ‍ เอิญ เป็น จังนัก ‍ แป ก็ จวย เอิญ เลิมๆ เลาะ ซีเละ ‍ เอิญ ก็ เลาะใจ ปาโท็ห ดาย

ฟีลิบปี 4:22

ปึง ครำ เยซู ตัก เน ‍ อัห ก็ ฟาก แญง เค็ย งอม อัง แป ดาย ‍ ครำ ตี แองกาน ตัก เจิง พะเจายูฮัว ‍ อัห ก็ เค็ย แร็ง งอม อัง แป ซีเละ

2 ทิโมที 2:9

ญอน เอิญ ไล คาว เลาะ คอง เยซู นัน ‍ อัห ก็ แอง ระ เอิญ โซะ ซีเละ ‍ อัห ก็ เอิด โซ ท็อก เอิญ ระ อน ‍ มอก เอิญ เป็น นักโทด ตี แอง ไอ มี เลาะ นัน ‍ อัห ท็อก นัง เอิญ กุญ นอ ‍ แต อัห ท็อก แญง เอาซาง ระ ไอ มี แปร เริล ก็ ไอ มี กุญ เตาะ ‍