DOPFÜYU 5:16 - SHEEYU BAIBEL (BSI)

¹⁶ Etao nou khaophu soua buyu khesü aliro hazei toure. Etao nou mah souwure, ae chuo Etao nou veahoyu nasü ngaore.

DOPFÜYU 5:16 Cross References

JOB VEI LARÜBVÜ 19:9

Puhnou avei chingi teitei sü souhawure alia avei zhih aveih nasü soushi peiwure.

LOUTAO 89:39

Nenou puhye koa vo soukhai touyu nasü pfüthowure ae puhvei veo peirü nasü konai hi laithou peiwure.

TSÜCHITAO 14:34

Acheche nanou tyahrü liye souduso peiwe, ana mah touyu haina louzü tyahrü taraliye donoua hraongu sü baie.

TSÜCHITAO 27:24

daiolouzü nangi hai teisa nou bulai moe, alia vepeirü hai-a khaphao teitei hi bukou telou moe.

ISAIAH 3:8

Jerusalem hai phi süloure, ae Judah hai kaotare; daiolouzü puletao nou Mapao vei aduso nasü ngaophou moa puletao vei chi lako ae vah haso teitei sü Ramai ye hraiyu hinou soutare.

JEREMIAH 13:18

Mapao nou ahi paoe, “Veo ae puhvei pfüye sü vebuh hinou taokoulo tea paopeio, daiolouzü hüveiyu puletao vei vepeirü sü puletao pei hinou deiphi dekoure.

JEREMIAH 2:17

Neletaoye süthaisa-a ta peiyu neletao vei Ramai Mapao, Eye neletao nou thaoyu vanou veahoyu haitao sü lah neletao pei hi povelou baie.

JEREMIAH 2:19

Neletao vei ashi nasü nou neletaoye tudee peia bailai, ae neletao nou ahinou thaikhai tayu vanou neletaoye züpeia bailai. Neletao nou neletao vei Ramai Mapao Eye thaowu-a ae Eye pi moyu hai kazhou koute shi-e ae vea sarou touyu sü süloulai. Haisü Khoukhoulai Ramai Mapao Enou paowe.”

JEREMIAH 32:23

Ana puletao nou talou teidei nasü polouyu thai, puletao nou nevei chikha khesü zübare, moyuma nenou paodou peiyu thaifüa hrümore; nenou soupfülo tea kharochi peiyu alia puletao nou soupfülou more. Südonou nenou veahoyu haitao veishi sü puletao hi pove peie.

JEREMIAH 4:18

Oh Judah, haisü nenou hrüa tayu ae soupfüyu vahtao nou lah neletao pei hi pove loua baie. Nenou veahoyu sü lah nevei mah donou baie, hai nanou nevei lüthou hisü khüwure.

DOPFÜYU 1:1

Raichoki mainou phoutao-a buyu nuhdu nasü, chuo kabüa zei tea bure sarou! Vuli hi deiphao mainou tsükhoua buyu nasü, chuo puh sü mimeapfü ali büa bure; Nuhdutao hrohinou vepfüpai soua buyu sü chuo maivei qila soutare.

DOPFÜYU 1:18

“Ana Mapao louzü kao-a baie, daiolouzü Enou puhvei chi sü zülou more. Neletao mai hrülai nou avei chipao sü keilo ae Enou veahoyu sü zhukhaio. Avei nahleyu maitaoye sü hukhamai soua vakou nüpoa tare.

DOPFÜYU 1:20

“Oh Mapaowo, Enou veahoyu ae chorosoua buyu sü zhupei khaio. Avei mahmo vanou Esü tsüle pepoa nou bure; kikha hi koute-a athai sü bure.

DOPFÜYU 1:8

Jerusalem nou mahmo hai soupou zhulere, südonou honapai hai mai konü soutare. Honapaiye tsükhoua buyu mai hrülai nou puhye sü ngaorare, daiolouzü puletao nou honapai vei baitouyu sü ngaoloure; honapai hai lah lüa pah pfüku tare.

DOPFÜYU 2:1

Mapao nou puhvei lekha rarou hinou Zion sü teimai teizhi sünou hongilure. Puhvei haveih khesü deiphi hi soushikou khaipeiwure. Puhnou lekha payu teithe sü puhvei Rathoki koute-a thaokhaiwua tare.

DOPFÜYU 4:13

Ana hai khesü vepare, daiolouzü rachipaola peiyu maitao vei mahmo vanou ae napao maitao nou mahmo souwure. Puletao nou cheche maiye sü southawure.

EZEKIEL 21:26

Ramai Mapao Enou hai sü paowe. Nevei veo peirü ae vemai vei sabanü sü phakhaio. Halia panou raibütoua bupeilai moe. Touha sohayu maiye panou khouko sü ngaoloulai ae duso soua maiye tukhayu maitaoye sü sounakou khaiwulai.

MIKAH 6:13

Südonou Enou neletaoye soushi talaire, ae neletao vei mah vanou neletaoye sü panou haka talaire.

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 3:11

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.

1 SAMUEL 7:6

Südonou Israel mai hrülai hai Mizpah hinou ve jüloure. Puletao nou dzü poloua Mapao hi posheela soua lazü peie, ae süzhou teithe hai puletao nou ha toumoa lüh-e, alia puletao nou haibüa paoe, “Etao nou Mapao nghoujü nou mah sü souwure.” (Samuel nou Mizpah hinou Israel maivei chilou khesü kupeiwe.)